अंशुवर्मा

नेपाली विकिपीडियाबाट
यसमा जानुहोस्: परिचालन, खोज्नुहोस्
चित्र:Amshuverma.JPG
काठमाडौंको छाउनी संग्रहालयमा रहेको अंशुवर्माको प्रतिमा

अंशुवर्मा नेपालका लिच्छवीकालिन राजा थिए। यिनी नेपालका राष्ट्रिय विभूतिहरू मध्ये एक हुन्। यिनी लिच्छवी कालमा राजा भएका भए तापनि ठकुरी बंशका थिए। यिनी राजा शिवदेव प्रथमका ज्वाईं थिए। यिनले वि.सं. ६६२ देखि ६७८ सम्म १६ वर्ष शासन गरेका थिए। अंशुवर्मा शैव धर्म मान्दथे तर बौद्ध धर्मप्रति पनि यिनको ठूलो श्रद्धा रहेको थियो। प्रसिद्ध कैलाशकूट भवन यिनैले निर्माण गरेका थिए। बालकको सालनाल काट्ने, आफ्नो नाममा सम्बत चलाउने र सिक्का समेत निकाल्ने काम यिनले गरेका थिए। यिनले महाराजधिराज तथा महासामन्त जस्ता पद्वी धारण गरेका थिए। त्यस्तै यिनले शब्द विद्या नामक ग्रन्थको रचना गरेका थिए। अंशुवर्माले तिब्बतभारतसँग सन्तुलनपूर्ण सम्बन्ध कायम गरेका थिए। त्यसबेलाका भारतका सम्राट हर्षवर्द्धन सँग मित्रता कायम राखेका थिए भने तिब्बतका राजा श्रोङचोङ गम्पोसँग आफ्नी छोरी भृकुटीको विवाह गराइदिएका थिए। अंशुवर्मा नेपालका राष्ट्रिय विभूति हुन। धेरै सामाजिक सुधारका काम गरेका यिनको युगलाई लिच्छवीकालिन नेपालको स्वर्णयुग मानिन्छ। [१]

सन्दर्भ सामग्रीहरू[सम्पादन गर्ने]

  1. सामान्यज्ञान, भोजराज भूषाल, मोहनकृष्ण ओझा