आईओएस जेलब्रेकिङ्ग

नेपाली विकिपीडियाबाट
यसमा जानुहोस्: परिचालन, खोज्नुहोस्

आईओएस जेलब्रेकिङ्ग एउटा प्रक्रिया हो जसले एप्पल आइएनसी द्वारा उसको डिभाइस जुन आइओएस अपरेटिंग सिस्टमसंग सम्बन्धित हुन्छ त्यसमा लगाइएको सीमिततालाई सफ्टवेयर तथा हार्डवेयरबाट हटाउने काम गर्दछ। यो प्रक्रिया एप्पल आइफोन,आइपोड टच,आइप्याड तथा दोश्रो पुस्ताको एप्पल टिभीमा काम गर्दछ।जेलब्रेकिंगले आइओएसको रुट भित्र प्रवेश गरेर तिनीहरुलाई अतिरिक्तरुपमा अप्लिकेसन,एक्सटेन्सन तथा थीम डाउनलोड गर्न मद्दत गर्दछ जुन एप्पलको आधिकारिक एप स्टोरमा उपलब्ध हुदैन।जेलब्रेक मुलत: एप्पल डिभाइसलाई जेलबाट मुक्त गर्ने भएको हुँदा यसलाई जेलब्रेक भनिन्छ जुन प्राविधिकरुपमा युनिक्सबाट निस्केको हो।एउटा जेलब्रेक आइफोन,आइपोड र आइप्याड जुन आइओसबाट चलिरहेको हो उसले सामान्य अवस्था (जुन एउटा जेलब्रेक नभइसकेको एप्पल डिभाइस) जस्तै एपस्टोर,आइट्युन तथा अन्य कार्य गर्न सक्दछ। जसरी एण्ड्रोइड डिभाइसलाई रुट गरेर अन्य एप्लिकेसन चलाउन सकिन्छ त्यसरीनै एप्पल डिभाइसलाई एप्पलद्वारा प्रतिबन्धित एप्स चलाउन जेलब्रेक गर्नु अत्यन्त जरुरी हुन्छ। जेलब्रेकिंग कानुनीरुपमा सही छ अथवा छैन त्यो देशको कानुनमा निर्भर गर्ने कुरा हो।