कालेगाँडा

कालेकाँडा Kalekanda
गाउँ विकास समिति
देश	नेपाल
अञ्चल	सेती अञ्चल
जिल्ला	अछाम जिल्ला
जनसङ्ख्या  (२००१)
• जम्मा	२६६७
• धर्म	हिन्दु
समय क्षेत्र	युटिसी+५:४५ (नेपालको प्रमाणिक समय)

कालेगाँडा अछाम जिल्लामा अवस्थित एक गाउँ विकास समिति हो। यो गा.वि.स. अछाम जिल्लाको निर्वाचन क्षेत्र नंवर २ मा पर्दछ। कालेकाँडा गा.वि.स. दैलेख जिल्ला र कालिकोट जिल्लाको सिमानासँग जोडिएको छ। कर्णाली नदीको किनारामा अवस्थित यो गा.वि.स.लाई अछाम जिल्लाको अंतिम गा.वि.स.को रूपमा लिइन्छ। कर्णाली नदिमा भएको झुलंगे पुलले यो गा.वि.स.लाई दैलेख जिल्लाका पिपलकोट, सिंहासैन र राकम कर्णालीलाई जोडेको छ। यो गा.वि.मा पर्ने स्थानिय चिल्ताडागाड खोलामा लघु जल विद्युत उत्पादन गरेर गा.वि.स.को १ नंवर र २ नंवरका रुरुरु घर धुरीहरूलाई विजुलीको आपुर्ती पुरा गरिएको छ। यसका साथै यो गा.वि.स.मा चिल्ताडामा र भुइँचालामा गरेर २ वटा माध्यमिक विद्यालय, भानाकोट र राकुमा गरेर २ वटा निम्न माध्यमिक विद्यालय र कालेकाँडामा एउटा प्राथमिक विद्यालय रहेका छन्। स्थानिय चिल्ताडा वररूखमा इलाका प्रहरी कार्यलय छ भने कालेकाँडा गाउँमा स्वास्थ्य चौकी रहेको छ। २०६९ सालमा कालेकाँडालाई खुल्ला दिशा मुक्त गा.वि.स. घोषणा गरिएको थियो।