कृष्ण कुमार चौधरी

सभासद चौधरी माओवादी थारुवान राज्य समिति सदस्य हुनुहुन्छ। ०४७ देखि एमालेबाट राजनीतिमा लाग्नुभएका चौधरी ०५६मा माओवादीमा प्रवेश गर्नुभएको थियो। उहाँले चार वर्षसम्म सीबीआर प्रोजेक्छमा काम गर्नुभयो। त्यहाँ नेत्रहीनहरूलाई पढाउनुभयो।

०५८ देखि पूर्णकालीन हुनुभएका चौधरी एरिया, जिल्लाहुँदै क्षेत्रीय ब्युरो सदस्यसमेत हुनुभयो। उहाँ एक वर्षसम्म माओवादीको संचारक्षेत्रमा काम गर्नुभयो। गरीब किसान परिवारमा जन्मनुभएका चौधरी प्रमाणपत्र तहसम्मको औपचारिक अध्ययन गर्नुभएको छ।

किसानका कृषि ऋण मिनाहा र क्रान्तिकारी भूमिसुधार संविधानमै उल्लेख गराउनु उहाँको मुख्य एजेणड रहेको छ। माओवादीको जनमुखी नीति र आफूहरू जनताको पक्षमा ज्यानै माया मारेर लागेकाले विजयी बनाएको चौधरीको तर्क छ।