जिल्ला अदालत

नेपाली विकिपीडियाबाट
यसमा जानुहोस्: परिचालन, खोज्नुहोस्

नेपाल भएको तीन तहका अदालतहरू मध्ये जिल्ला अदालत सुरू तहको अदालत हो। प्रत्येक जिल्लामा एक एक वटा गरी नेपाल भरिमा पचहत्तर वटा जिल्ला अदालतहरूको स्थापना गरिएको छ। ति जिल्ला अदालतहरू सम्बन्धित जिल्लाको सदरमुकाममा राखिएको छ। तर श्री ५बाट मन्त्रिपरिषद्सँग परामर्श गरी कुनै जिल्ला अदालतको मुकाम जिल्ला सदरमुकाम बाहेक अन्य कुनै ठाउँमा रहने गरी तोक्न सकिबक्सनेछ भन्ने व्यवस्था छ। सोहि बमोजिम हाल संखुवासभा जिल्लाको सदरमुकाम बाहिर चैनपुरमा जिल्ला अदालतको मुकाम तोकिएको छ।

प्रत्येक जिल्ला अदालतमा एक जनामात्र जिल्ला न्यायाधीश रहने व्यवस्था छ भने मुद्दाको चाप बढी भएका जिल्ला अदालतमा दुईजना वा सो भन्दा बढी संख्यामा अतिरिक्त जिल्ला न्यायाधीशहरू समेत रहने व्यवस्था छ। ति न्यायाधीशहरू न्याय परिषद सिफारिशमा नियुक्ति हुने व्यवस्था छ। एक भन्दा बढी न्यायाधीश भएकोमा जेष्ठताको आधारमा एक जना न्यायाधीशलाई जिल्ला न्यायाधीश भै काम गर्न तोकिएको हुन्छ। प्रचलित नेपालकानूनमा अरु निकाय वा अदालतलाई अधिकार तोकि दिएको भए सोहि अनुसार हुन्छ, नत्र जिल्ला भित्रका सबै मुद्धामा शुरु कारवाई किनारा गर्ने अधिकार सम्बन्धित जिल्ला अदालतलाई हुन्छ।

बाहिरी लिंकहरू[सम्पादन गर्ने]

सर्वोच्च अदालतको आधिकारीक वेबसाईट