नरभूपाल शाह

नेपाली विकिपीडियाबाट
यसमा जानुहोस्: परिचालन, खोज्नुहोस्

नरभूपाल शाह (सन् १६९७ – १७४३) गोरखा राज्यका राजा थिए। उनी नेपाल एकीकरण गर्ने राजा पृथ्वीनारायण शाहका बाबु थिए। नरभूपाल शाह द्रव्य शाहका बंशजका बीरभद्र शाहका छोरा र पृथ्वीपति शाहका नाति थिए। गण्डकी क्षेत्रका २४ राज्यमध्ये गोरखाका राजा नरभूपाल शाहको शासन वि.स. १७७३ देखि १७९९ सम्म चलेको थियो। वि.स १७९४ मा यिनले नुवाकोटमा आक्रमण गरेका थिए। उनलाई सफलता नमिलेकाले आफ्नो शेष जीवन भागवदभक्तिमै विताए। यस्तो अवस्थामा जेठी रानी चन्द्रप्रभावतीले कुशलतासाथ राज्य संचालन गरेकी थिईन्।

राजा नरभूपाल शाहकी प्रथम रानी खांची ठकुराईकि राजकुमारी चन्द्रप्रभावती, दोस्रो रानी पाल्पाका राजा गन्धर्व सेनकी छोरी कौसल्यावती, तेस्री पर्वत राजकी भतिजी बुद्धिमति, चौथी तनहुँकी राजकुमारी सुभद्रावती गरी चार रानीहरु थिए। यसमा चन्द्रप्रभावतीका कुनै सन्तान थिएनन। माहिली रानी कौसल्यावतीबाट पृथ्वीनारायण शाह र छोरी पद्मकुमारी भए। साहिली बुद्धिमतिबाट बृन्दकेशर शाह र सुरप्रताप शाह भए भने कान्छी रानी सुभद्रावतीबाट महोद्दमकिर्ति शाह र दलजित शाह भए। बृन्दकेशर शाहको बाल्यकालमै मृत्यु भएको थियो।

पूर्वाधिकारी
पृथ्वीपति शाह
गोरखाको राजा
१७७३ – १७९९
उत्तराधिकारी 
पृथ्वीनारायण शाह

सन्दर्भ सामग्रीहरू[सम्पादन गर्ने]