रोनाल्डिन्हो

नेपाली विकिपीडियाबाट
यसमा जानुहोस्: परिचालन, खोज्नुहोस्
रोनाल्डिन्हो
Ronaldinho061115.jpg
व्यक्तिगत विवरण
पुरा नाम रोनाल्डो डे एस्सिस मोरेइरा
जन्म मिति २१ मार्च १९८०
जन्म स्थान पोर्टो अलग्रे, ब्राजिल
उचाई ६ फिट
खेल्ने स्थान अग्रपंक्ति / आक्रमक मध्यपङ्क्ति
क्लबको विवरण
हालको क्लब फ्लामेङ्गो
नम्बर १०
युवा क्लब
१९८७–१९९८ जर्मियो
सिनियर क्लब*
बर्ष क्लबहरु खेल (गोल)
१९९८–२००१ जर्मियो ४४ (२१)
२००१–२००३ पेरिस सेन्ट-जर्मेन ५५ (१७)
२००३–२००८ बार्सिलोना १४५ (७०)
२००८–२०११ एसी मिलान ७६ (२०)
२०११– फ्लामेङ्गो (०)
राष्ट्रिय टीम
१९९९– ब्राजिल ८८ (३२)
* बरिष्ठ फुटबल क्लबमा उपस्थिति तथा खेल्दा गरेको गोल (गोललाई घरेलु लिगमा गरेको गनिनेछ) नवीनतम जानकारी 27 March 2011.


† राष्ट्रिय टिममा उपस्थिति तथा खेल्दा गरेको गोल नवीनतम जानकारी 27 March 2011

रोनाल्डो डी एसिस मोरेरा (जन्म: २१ मार्च १९८० मा, पोर्टो एलेग्रेमा),लाईसामान्यत: रोनाल्डिन्हो वा रोनाल्डिन्हो गाशोको नामले चिनिन्छ।[१] उनी एक ब्राजिलियन फुटबल खेलाडी हुन, जो फ्लामिङ्गो र ब्राजीलको राष्ट्रिय टीमको लागि खेल्छन। विशेषज्ञ तथा प्रशंसकहरूले उनलाई उनको पीढीको सबैभन्दा प्रतिभाशाली फुटबल खेलाडिहरू मध्यमा एक मानिन्छ। रोनाल्डिन्हो, "रोनाल्डो"को पोर्चुगिज भाषामा पर्यायवाची शब्द भएकोले ब्राजिलमा उनका समकक्षी खेलाडी रोनाल्डो सँग अलग गर्नको लागि "गाशो"को उपनाम दिइएको छ। तर यूरोपमा रोनाल्डोले आफ्नो पहिचान पहिले नै आफ्नो नामले बनाए, जसले गर्दा रोनालडिन्होलाई आफ्नो गाशो उपनामको प्रयोग गर्नु पर्ने अवस्था रहेन। रोनाल्डिन्होले फ्लामिङ्गोमा खेल्नु भन्दा पहिले पेरिस सेंट-जर्मन, एफसी बार्सिलोना र एसी मिलानको लागि खेल्थे। स्पेनिस क्लबमा खेल्दै उनले २००६मा च्याम्पियन्स लीगमा आफ्नो पहिलो जीत हासिल गरे र २००५मा बालन डी'ओरको सम्मान प्राप्त गरे। जनवरी २००७मा उनी स्पेनिश नागरिक बने।[२]

जीवनी र व्यक्तिगत जीवन[सम्पादन गर्ने]

रोनाल्डिन्होको जन्म ब्राजिलको शहर रियो ग्रांड डो सुलको सदरमुकाम पोर्टो एलेग्रेमा भएको थियो। उनकि आमा डोना मिग्वेलिना एक पूर्व बिक्रेता तथा नर्सिडकि विद्यार्थी थिईन। उनको वुबा जोआओ डे एसिस मोरेइर पोत कारखानामा मजदूर थिए र स्थानीय क्लब एसपोर्टे क्लुबे क्रुजेरियोको फुटबल खेलाडी थिए।[३] रोनाल्डिन्हो जब आठ सालको थिए तब उनको बुवाको हृदयघातको कारणबाट घरको स्विमिङ्ग पूलमा मृत्यु भएको थियो। रोनाल्डिन्होका दाई रोबर्टो ग्रेमिओसँग अनुबन्ध भए पछि पूरा परिवार पोर्टो एलेग्रेको एक समृद्ध शहर गुअरुजामा स्थानांतरित भयो, जुन रोबर्टोको क्लबमा अनुबन्ध भए बापत ग्रेमिओले दिएको एक उपहार थियो। तर अंततः चोटको कारण रोबर्टोको खेलजीवन धेरै चाँडै नै समाप्त भयो।

रोनाल्डिन्होको फुटबल कौशल ८ बर्षको उमेरबाट नै बढ्न शुरू गर्‍यो। उनी युवा क्लब म्याचमा सबैभन्दा युवा र सानो खेलाडी भएकोले उनलाई रोनाल्डिन्हो उपनाम दिइयो ।[४] उनी फुटसल र विच फुटबलमा रुची राख्न थाले, जुन पछि आयोजित फुटबलको तिर रूपान्तरित भयो। रोनाल्डिन्होले १३ बर्षको उमेरमा एक स्थानिय टीम बिरुद्ध २३-०को जित हासिल गर्दा एक्लै २३ वटै गोल गरेर सञ्चार जगत मार्फत पहिलो पल्ट चर्चामा आए। उनी १९९७मा मिश्रमा आयोजित यू-१७ वर्ल्ड च्याम्पियनसीपमा पेनाल्टी किकमा २ गोल गर्दै उदयिमान खेलाडीको रूपमा आफ्नो पहिचान बनाए।

हाल, रोनाल्डिन्होका दाजु रोबर्टो उनका प्रबन्धकको रूपमा कार्य गर्दछ र बहिनी डेइसी उनको प्रेस समन्वयकको रूपमा काम गर्दछिन। रोनाल्डिन्होले ब्राजिल कै एक नर्तकी जानइना मेन्डस सँग विवाह गरे। २५ फेब्रुअरी २००५मा जानइनाले उनीहरूको पहिलो सन्तानलाई जन्म दिइन, जसको नामाकरण उनकै स्वर्गिय पिता जोआओको नामबाट गरियो। सन् २००५मा उनले नाइकको लागि गरेको एक विज्ञापन युट्युबको वेबसाइटमा १ लाख भन्दा बढीले हेरेको पहिलो चलदृष्य बन्यो।[५]

क्लब जीवनयात्रा[सम्पादन गर्ने]

प्रारम्भिक जीवनयात्रा[सम्पादन गर्ने]

रोनाल्डिन्होको खेलजीवनको शुरुवात जर्मियोको युवा टीमबाट भयो। उनले आफ्नो अग्रज खेलजीवनको शुरुवात १९९८को कोपा लिबर्टाडोर्स खेलबाट गरे।[६] सन २००१ मा, आर्सनलले रोनाल्डिन्होलाई अनुबन्धन गर्न रुचि देखायो तर उनी पर्याप्त अंतराष्ट्रिय खेल नखेलेका एक गैर-यूरोपीयसंघका खेलाडी भएका कारण कार्य आज्ञापत्र प्राप्त गर्न सकेनन् र अनुबन्धन कार्य असफल भयो। [७] उनले स्कटिश प्रीमियर लीगमा सेन्ट मिरनबाट ऋणमा खेलको मानिन्छ, जुन उनी ब्राजिलमा अबैधानिक पासपोर्ट काण्डमा संलग्नता भएको कारणबाट सफल भएन।[८] सन् २००१मा रोनाल्डिन्होलाई फ्रान्सेली क्लब पेरिस सेन्ट-जर्मिनले € ५,०००,०००मा ५ बर्षको लागि अनुबन्धन गर्‍यो।[९]

पेरिस सेन्ट-जर्मेन[सम्पादन गर्ने]

पेरिस सेन्ट जर्मेनमा उनी प्रवेश गरेपछि रोनाल्डिन्होलाई २१ नं.को जर्सी दिइएको थियो र उनका ब्राजिलियन समकक्षी एलोइसियोमध्यपंक्ति खेलाडी मिकेल अर्टेटाजे जे-ओकोचाको पंक्तिमा समाबेस गरियो | रोनाल्डिन्होले ४ अगस्ट २००१मा पेरिस सेन्ट-जर्मेनबाट एक्सर क्लब बिरुद्ध १-१ नतीजाको खेलमा वैकल्पिक खेलाडीको रूपमा प्रवेश गरेर लीगमा आफ्नो पहिलो शुरुवात गरे।[१०] रोनाल्डिन्होले २००१ सिजनको अधिकांश खेलहरू बेन्च र स्टार्टरको भूमिकामा खेले। उनले १३ अक्टोबर २००१मा लियोन बिरुद्धको खेलमा ७९औं मिनेटमा पेनाल्टिमा क्लबको लागि पहिलो गोल गरेर खेललाई २-२को बराबरी रोके।[११] जाडोको विश्राम पश्चात रोनाल्डिन्होले लगातार चार खेलहरूमा गोल गर्दै आफ्नो गोलको खाता खोले। उनले एएस मोनाको, रेन्नस, लेन्सलोरीएन्टबिरुद्धका खेलहरूमा प्रभावशाली गोलहरू गरे। १६ मार्च २००२ मा, रोनाल्डिन्होले PSG खेलमा ट्रोयस एसी बिरुद्ध ३-१को जीतमा दुई गोल गरे । उनले क्लबको लागि एफसी मेट्ज बिरुद्ध २-०को जीतमा आफ्नो सिजनको अन्तिम गोल गरे।

रोनाल्डिन्होले पेरिस सेन्ट-जर्मेनलाई कूप डे ला लीग २००१-०२ संस्करणमा सेमीफाइनल सम्म पुर्याउन महत्वपूर्ण भुमिका खेले पछि उनीहरू बोर्डो द्वारा पराजित भई खेलबाट बाहिरिनु पर्‍यो। १६ खेलहरूको क्रममा गइन्गाम्प बिरुद्धको खेलमा रोनाल्डिन्होले दोस्रो हाफमा प्रवेश गरेर दुई गोल गरे। रोनाल्डिन्हो क्लब सँग प्रारम्भिक सफलताको बावजूद उनको सीजन विवादपूर्ण रह्यो, पेरिस सेन्ट जर्मेनको प्रबन्धक लुइस फर्नान्डिजले दावा गरे कि ब्राजिलीयनहरू फुटबलमा भन्दा पेरिस नाइटलाइफमा ध्यान केन्द्रित गर्छन र उनको छुट्टिहरूमा ब्रजिलमा गएपछि कहिल्यै निर्धारित समय भन्दा बढि छुट्टि मनाउने बताए।

फर्नान्डिज सँग लगातार दरारको बावजूद, रोनाल्डिन्हो २००२-०३को सीजनको लागि १० नम्बरको जर्सीका साथ टीममा फिर्ता भए | २६ अक्टूबर २००२ माउनले पेरिस सेन्ट-जर्मेनकोले क्लासिकको प्रतिद्वन्दि मार्सिले माथी ३-१को जीतमा दुइ गोल गरे। पहिलो गोल फ्रिकिकमा गरे, उनले प्रहार गरेको बल १८ यार्ड बक्समा भएका धेरै मार्सिले खेलाडीहरूलाई छल्दै घुमाउरो तरिकामा गोलरक्षक भेड्रान रन्जलाई पनि छलेर जाली चुम्यो | यसपछिको स्टेड भेलोड्रम बिरुद्धको खेलमा उनले फेरि गोल गर्दै पेरिस सेन्ट-जर्मेनलाई ३-०को जीत दिलाए। रोनाल्डिन्होले कूप डी फ्रान्सको सेमी-फाइनलमा बोर्डक्स माथीको २-०को जीतमा दुबै गोल गरेर पेरिस सेन्ट-जर्मेनलाई फाइनलमा पुर्याएर आफनो प्रदर्शनलाई उचाईमा पुर्याए। २२औं मिनेटमा पहिलो गोल गरे पछि, रोनाल्डिन्होले ८१औं मिनेटमा १८ यार्ड परबाट बललाई उठाएर गोलकरक्षक अलरिच रामे आफ्नो अनुकूल स्थानमा भएता पनि उनको टाउको माथीबाट छलाएर गोलपोष्टमा छिराई क्लबलाई २ गोलको अग्रता दिलाए। रोनाल्डिन्होको यस प्रदर्शनको लागि पेरिस सेन्ट जर्मेनका [समर्थक]हरूले उठेर स्वागत गरेका थिए। क्लब, रोनाल्डिन्हो र टीमको लागि दुर्भाग्य कि अन्तिम समयमाजीन-एलेन बम्सङ्गले गरेको गोलको कारण अक्सरे सँग २-१को हार ब्यहोर्नु परेपछि फममा आउन असफल भए। रोनाल्डिन्हो प्रदर्शनको बावजूद क्लब निराशाजनक ११औं स्थानको स्थितिमा सिमित भयो। पछिल्लो सीजनमा, क्लब सबैजसो यूरोपीय प्रतियोगिताहरूमा असक्षम भएपछि रोनाल्डिन्होले क्लब छोड्न चाहेको घोषणा गरे।

बार्सिलोना[सम्पादन गर्ने]

बार्सिलोनाका अध्यक्ष जोआन लापोर्टाले क्लबको लागि डेभिड बेक्ह्याम ल्याउने बिचार गरेका थिए, तर उनी रियल म्याड्रिडसँग अनुबन्धन भए पछि बार्सिलोनाले रोनाल्डिन्होलाई म्यानचेस्टर यूनाइटेडको भन्दा बढि बोलि लगाई अनुबन्धन गर्‍यो| [१२][१३] उनले आफ्नो टीमको लागि पहिलो शुरुवात वाशिङ्गटन, डीसीमा भएको रोबर्ट एफ केनेडी मेमोरियल स्टेडियममा मिलान बिरुद्ध मैत्रीपूर्ण खेलबाट गरे जसमा उनले एक गोल गर्दै क्लबलाई २-०को जीत हासिल गराए। अभियानको पहिलो मध्यान्तरमा चोटग्रस्त भएपछि,[१४] उनी अन्तिममा पुन: खेलमा फिर्ता भएर क्लबलाई लीगमा दोस्रो स्थानमा पुर्याउनमा सहयोग गरे।

२००४-०५मा रोनाल्डिन्होले आफ्नो पहिलो लिग शीर्षक जिते र २० डिसेम्बर २००४मा फिफा बर्षको सर्वोत्कृष्ट खेलाडि घोषित भए | २००५ मा, रोनाल्डिन्हो चेल्सीका फ्रान्क लाम्पार्ड र बार्साकै सहकर्मी खेलाडी शामूएल इटोलाई पछाडी पार्दै लगातार दोस्रो पटक फिफा बर्षको सर्वोत्कृष्ट खेलाडिको सम्मान प्राप्त गरे। ८ मार्च २००५ मा, बार्सिलोना युरोपियन च्यापियन्स लीगको पहिलो नकआउट राउण्डमा चेल्सी सँग ४-२को पराजीत भई बाहिरिंदा दुबै गोल रोनाल्डिन्होले मात्र गरेका थिए।[१५]

२००८मा अनुबन्धन म्याद समाप्त भएपछि, रोनाल्डिन्होलाई २०१४ सम्मको समयाबधिको लागि नौ बर्षमा कुल £ ८.५ करोडको प्रस्ताब राखियो,[१६] तर उनले यस प्रस्ताबलाई अस्वीकार गरे। सेप्टेम्बर २००५मा रोनाल्डिन्होले कुनै अर्को क्लबले उनको लागि बार्सिलोनासँग कमसे कम £ ८.५ करोडको प्रस्ताब राखेमा उनले क्लब छोड्न पाउने शर्तमा थप दुई बर्षको समयाबधिको लगि अनुबन्धनमा हस्ताक्षर गरे।[१७]


२००५मा सेल्टा भिगो बिरुद्ध कुना प्रहार गर्दै रोनाल्डिन्हो।

२००४-०५को सीजनको अन्तबाट रोनाल्डिन्होले व्यक्तिगत अवार्डको समुह संकलन गर्न शुरू गरे। उनले २००५ फिफाप्रो विश्वका दशमा समावेस हुँदै सेप्टेम्बर २००५मा फिफाप्रो बर्षको सर्वोत्कृष्ट खेलाडि जीते र २००५मा नै उनी बर्षको यूरिपेली खेलाडी पनि घोषित भए। यही बर्ष, रोनाल्डिन्हो उपविजेता फ्रान्क लाम्पार्डलाई ३०६को बिरुद्ध ९५६ अंकले पछि पार्दै दोस्रो पटक फिफा बर्षको सर्वोत्कृष्ट खेलाडिको सम्मान प्राप्त गरे। रोनाल्डिन्होले १९ नोभेम्बरमा भएको अल क्लासिको लिगको पहिलो चरणमा रियल म्याड्रिड बिरुद्ध दुई पटक गोल गर्दै बार्सिलोनालाई रियल म्याड्रिड माथी ३-०को जीत हासिल गराए। उनले दोस्रो गोल गर्दै विजयको निशचितता गरेपछि म्याड्रिडका प्रशंसकहरूले पनि उनलाई उठेर स्वागत गरे।

जनवरी २००६मा रोनाल्डिन्हो लगातार तेस्रो पटक बर्षको यूरोपियन टीममा मनोनित भए र २००५-०६को च्याम्पियनस लीग क्वार्टर फाइनलमा बार्सिलोनाले बेन्फिकालाई २-०ले पराजित गर्दा उनले एक गोलको योगदान गरे। सेमीफाइनलमा रोनाल्डिन्होको सहायतामा लुडोभिक गुलीको एक गोल सँगै मिलान माथी १-०को विजय हासिल गरेपछि, बार्सिलोना च्याम्पियनस लीग फाइनलको लागि अगाडी बढ्यो। १७ मे २००६मा भएको फाइनल खेलमा आर्सनललाई २-१ लि हराउँदै बार्सिलोना यूरोपियन च्याम्पियन बन्यो। दुई हफ्ता पहिले, बार्सिलोनाले सेल्टा भिगोलाई १-०ले पराजित गर्दै दोस्रो पटक ला लिगा उपाधि जितेको हुनाले रोनाल्डिन्होले आफ्नो करियरको पहिलो दोहोरो विजय प्राप्त गरे। उनले सीजनको अन्त्य सम्ममा सबै प्रतियोगिताहरूमा करियरको उत्कृष्ट २६ गोल गरेका थिए र २००५-९६को वर्षको च्याम्पियनस लीगका खेलाडी घोषित भए।

२५ नोभेम्बर २००६ मा, रोनाल्डिन्हो भिल्लारियलको बिरुद्ध आफ्नो करियरको ५०औं लीग गोल गरे र पछि दोस्रो पल्ट बाईसाइकल किक प्रहार गर्दै गोल गरे। त्यसपछि उनले पत्रकारहरू सँग भने कि दोस्रो गोल उनले सानो हुँदा सपनामा गोल गरेको देख्ने गर्दथे।[१८] २००६को फिफा क्लब विश्वकपमा मेक्सिकोको क्लब अमेरिका बिरुद्ध दुई गोलमा सहायता र एक गोल आफैले गरेर बार्सिलोनालाई ४-०को जीत हासिल गराए तर फाईनलमा बार्सिलोनाले ब्राजिलियन क्लबइन्टरनेसनल सँग १-०को हार ब्यहोर्नु पर्‍यो।[१९] रोनाल्डिन्होले फेरि पनि प्रतियोगिताको लागि कांस्य बल पुरस्कार प्राप्त गरे।

अर्को दिन, रोनाल्डिन्हो सन २००६को फिफा बर्षको सर्वोत्कृष्ट खेलाडिको दौडमा विश्वकप विजेता कप्तान फाबियो कानभारोजिनेदिन जिदान पछि तेस्रो स्थानमा रहे।[२०] जनवरी २००७मा उनी मनोनित खेलाडीहरू मध्य सर्वाधिक २९०,००० मत प्राप्त गरी लगातार तेस्रो पल्टको लागि वर्षको यूरोपियन टीममा छनौट भए।[२१][२२]

३ फेब्रुअरी २००८मा रोनाल्डिन्होले ओसासुनाको बिरुद्ध बार्सिलोनाको लागि आफ्नो करियरको २००औं लीग म्याच खेले। हुनत, उनको २००७-०८को अभियान पुरै चोटग्रस्त भएर बित्यो र ३ अप्रिलमा उनको दायाँ खुट्टाको मासु च्यातिएपछि समयभन्दा पहिले उनको सीजन समाप्त भयो।[२३] १९ मेमा लापोर्टाले यदि रोनाल्डिन्होले आफ्नो करियरलाई पुनर्जीवित गरे भने उनलाई नयाँ क्लबको आवश्यकता पर्ने दावा गर्दै, रोनाल्डिन्होलाई "नयाँ चुनौती"को आवश्यकता भएको बताए।[२४] म्यानचेस्टर सिटीका मालिक थाकसिन शिनावात्राले ६ जुनमा आफुलाई उनलाई प्राप्त गर्न मनलागेको कुरा पुष्टि गरे।[२५]

रोनाल्डिन्हो र बार्सिलोनाका सहकर्मी खेलाडी लियोनेल मेस्सी दुबै २८ जुनमा भेनेजुएलामा भएको अन्तर्राष्ट्रिय स्टार बीचको एक नस्लवादविरोधी प्रदर्शनी खेलमा टीम कप्तान भए, जुन खेल रोनाल्डिन्हो दुई गोल र दुई सहायताका साथ ७-७को बराबरीमा समाप्त भयो। यो खेल उनको बार्सिलोना खेलाडीको रूपमा अन्तिम खेल थियो।[२६] 2010 जोआन ग्याम्पर ट्रफीको लागि तयारीको बेला, रोनाल्डिन्होले एक क्याटालन क्लबमा उनको सबैभन्दा राम्रो पाँच बर्ष भएको उल्लेख गरेर बार्सिलोनाका खेलाडिहरू र प्रशंसकहरूको लागि एक खुला पत्र पठाए।[२७]

मिलान[सम्पादन गर्ने]

२००८मा मिलानको लागि खेल्दै रोनाल्डिन्हो

जुलाई २००८ मा, रोनाल्डिन्हो म्नयाचेस्टर सिटीले राखेको £२५,५००,०००को पारिश्रमिक प्रस्ताव अस्विकार गर्दै [२८] इटालीयन सिरिज एको हस्ति मिलानमा बार्षिक £ ५,१००,००० (€ ६,५००,०००) पारिश्रमिक दिने शर्तमा तीन बर्षको अनुबन्धन भए।[२९][३०] १० नम्बरको जर्सी पहिले नै सहकर्मी खेलाडी क्लारेन्स सिडर्फले लगाएकोले उनले ८० आफ्नो जर्सी नम्बरको रूपमा छनौट गरे।

रोनाल्डिन्होले २८ सेप्टेम्बर २००८मा भएको डर्बीमा मिलानको लागि आफ्नो पहिलो गोल गर्दै प्रतिद्वन्द्वी इन्टरनाजिओनल माथी १-०को जीत हासिल गराए। १९ अक्टुबर २००८मा स्याम्पडोरिया माथिको ३-०को विजयमा आफ्नो दोस्रो गोल गरे। ६ नोभेम्बरमा युरोपियन कपको ग्रूप चरणमा ब्रागाको बिरुद्ध ९३ मिनेटमा विजयी-गोल गरे।

उनले सबै प्रतियोगिताहरू मध्य ३२ खेल खेलेर १० गोल गर्दै आफ्नो मिलानमा पहिलो सीजन समाप्त गरे। सीजनको लागि एक राम्रो शुरुवात पछि रोनाल्डिन्हो स्वस्थताको लागि संघर्ष गरे र मिलानको लागि एक पहिलो निराशाजनक सीजनको अन्त्य सम्म प्राय खेलमा बेन्चमा बसेरै बिताए। केही समय पछि, रोनाल्डिन्हो पुन: फर्ममा आए र मिलानको सीजनमा सबैभन्दा राम्रो खेलाडी बने। उनले आफुलाई आक्रमक मध्यपंक्तिबाट लेफ्ट विङ्गरको रूपमा बदले।

२०१०मा मिलानको लागि खेलिरहेका रोनाल्डिन्हो

१० जनवरी २०१०मा जुभेन्टसको बिरुद्ध दुइ गोल गर्दै रोस्सोनरीको लागि ३-० जीत हासील गराए। लगत्तै पछि १७ जनवरी २०१०मा सिएना बिरुद्धको खेलमा रोनाल्डिन्होले ३० गजको दुरीबाट बललाई खुट्टाले उठाएर टाउकाले हानी पोष्टको कुनाबाट गरेको आकर्षक गोलका साथ मिलानको लागि आफ्नो पहिलो ह्याट-ट्रिक गरे।[३१]

१६ फेब्रुअरीमा च्याम्पियन्स लीगमा रोनाल्डिन्होले पहिलो पटक म्यानचेस्टर यूनाइटेडको बिरुद्ध खेले। यस खेलमा मिलानलाई अग्रता दिलाउँदै शुरुवाति गोल गरे। पाउल स्कोलसको एक गोल र वाइने रोनीको दुई गोल संगै मिलान ३-२को गोल अन्तरले पराजित भयो। १३ अप्रिल २०१० मा, रोनाल्डिन्हो कुल १४ गोलमा सहायता सँग सिरी एको अग्र-सहायोगि बने।[३२] उनले २००९-१० सीजनमा तीनवटा पेनाल्टी बिगारे | रोनाल्डिन्होले लुका एन्टोनिनीले शुरुवाती गोल गरेको जुभेन्टस बिरुद्धको सीजनको अन्तिम खेलमा दुई गोल गरी मिलानलाई ३-०को विजय दिलाए। यो खेल लियोनार्डो व्यवस्थापनमा भएको अन्तिम खेल थियो।

फ्लामेङ्गो[सम्पादन गर्ने]

आफ्नको बाल्यकालको क्लब जर्मियोमा फिर्ता हुने हल्ला पछि, रोनाल्डिन्हो ११ जनवरी २०११ फ्लामेङ्गो सँग २०१४ सम्मको लागि अनुबन्ध भए।[३३] स्थान्तरणको हल्लाको क्रममा, धेरै रिपोर्टहरूले पूर्व वर्षको खेलाडी लस एन्जलस ग्यालेक्सी, कोरिन्थियन्स, पाल्मेईरस र अङ्ग्रेजी प्रिमीयर लीग क्लब ब्लैकबर्न रोवर्स लगायतका विभिन्न क्लबहरूमा जाने कुरा व्यक्त गरे। १३ जनवरी २०११मा उनको नयाँ क्लबमा उनको अनावरणको लागि २०,००० भन्दा अधिक प्रशंसकहरूले बधाई दिए।[३४] रोनाल्डिन्होले फेब्रुअरी २०११मा फ्लामेङ्गोको बोभिस्टा बिरुद्ध ३-२को विजयमा फ्लामेङ्गोको लागि पहिलो गोल गरे।[३५]

अन्तर्राष्ट्रिय क्यारियर[सम्पादन गर्ने]

२००६ विश्वकपको समयमा रोनाल्डिन्हो एक कर्नर किक लिंदै

रोनाल्डिन्हो ब्राजिलका थोरै खेलाडिहरू मध्ये एक हुन जसले हरेक उमेर समूहको अन्तर्राष्ट्रिय स्तरको खेलहरू खेलेका छन। जब पहिलो पल्ट १९९७मा ब्राजिलको टीमले फिफा यू-१७ विश्व च्याम्पियनशिप जीतेको थियो तब रोनाल्डिन्हो पनि उक्त टीममा समावेश थिए, जसको पहिलो ग्रूप म्याचहरूमा अस्ट्रियाको बिरुद्ध रोनाल्डिन्होले आफ्नो पहिलो गोल पेनाल्टीमा गरेका थिए, जसमा ब्राजिल ७-०ले विजयी भयो। यस च्याम्पियनशिपको पूरा खेल अवधि भरीमा रोनाल्डिन्होले केवल दुई गोल गर्न सफल रहे। यस च्याम्पियनशिपमा ब्राजिलले २ गोल खाँदै २१ गोल् गर्दै तेस्रो स्थानमा चित्त बुझाउनु पर्‍यो।

ब्राजीलको राष्ट्रपति लूलासँग रोनाल्डिन्हो

सन १९९९ रोनाल्डिन्होको लागि अन्तर्राष्ट्रिय म्याच खेल्नमा एकदम व्यस्त वर्ष रह्यो। १९९९को फिफा वर्ल्ड यूथ च्याम्पियनशिपमा रोनाल्डिन्होले भाग लिंदै आखिरी ग्रूप म्याचमा ब्राजिलको लगि उनले आफ्नो पहिलो गोल गरे। सोह्रौ चरणमा, पहिलो मध्यान्तर अघि २ गोल गर्दै क्रोएशिया माथि ४-०को विजय हसिल गराए र ब्राजिल क्वाटरफाइनलमा उरुग्वेसँग पराजित भई खेलबाट बाहिरिए पछि उनले तिन गोलमा नै च्याम्पियनशिप अन्त्य गरे। १९९९ कोपा अमेरिकाशुरू हुनु तीन दिन पहिले २६ जूनमा ब्राजीलले लातभियाको ३-०ले पराजित गर्दा रोनाल्डिन्होले ब्राजिलको लागि पहिलो लगातार २ गोल गरे र उनले ब्राजिलको कोपा अमेरिका विजय अभियानको समयमा एक गोल गरे । कोपा अमेरिकाको फाइनलको एक हप्ता पछि १९९९ कन्फेडेरेसन कपको लागि रोनाल्डिन्होलाई आमन्त्रित गरियो । यस म्याचको फाइनल खेल वाहेक सबै खेलहरूमा उनले गोल गरे, जसमा साऊदी अरब विरुद्धको ८-२ को जीतमा ह्याट्रिक गोल गरेका थिए । फाइनल खेलमा ब्राजिलले मेक्सिको ४-३ को हार ब्यहोर्दा रोनाल्डिन्होले एक गोल पनि गर्न सकेनन । रोनाल्डिन्होलाई यस म्याचमा सर्वश्रेष्ठ खेलाडीको लागि गोल्डन बल र सर्वाधिक गोल गरे वापत गोल्डन बूटको उपाधि दिइएको थियो ।

गोल तथ्याङ्क[सम्पादन गर्ने]

क्लब तथ्याङ्क[सम्पादन गर्ने]

[३६]

क्लब सिजन लीग कप कनटिनेंटल अन्य [१] कुल
प्रदर्शन गोल सहायता प्रदर्शन गोल सहायता प्रदर्शन गोल सहायता प्रदर्शन गोल सहायता प्रदर्शन गोल सहायता
ग्रेमियो(Grêmio)' १९९८ 1 - - - -
१९९९ १७ - - - - २०
२००० २१ १४ - - - - २४ १७
कुल ४४ २१ 0 - - - ५२ २४
सेन्ट-जर्मेन, पेरिस २००१-०२ २८ - - - ४० १३ १०
२००२-०३ २७ - - - ३७ १२
कुल ५५ १७ ११ १२ १० - - - ७७ २५ १८
बार्सिलोना २००३-०४ ३२ १५ ११ - - - ४५ २२ १४
२००४-०५ ३५ १६ - - - ४२ १३ २०
२००५-०६ २९ १७ १५ १२ - - - ४५ २६ २१
२००६-०७ ३२ २१ १० ११ - - - ४९ २५ १६
२००७-०८ १७ - - - २६
कुल १४५ ७० ५९ १७ ४५ १९ १६ - - - २०७ ९५ ८०
मिलान २००८-०९ २९ - - - ३५ १०
२००९-१० ३६ १२ १६ - - - ४३ १५ १७
२०१०-११ ११ - - - १६
कुल ७६ २० २४ १७ - - - ९४ २६ २९
फ्लामेङ्गो २०११ १०
कुल १०
खेलजीवनको कुल ३२० १२८ ९४ ३९ १५ ७२ २८ २४ ४३३ १७५ १२८
^ अन्य ब्राजीलका राज्यहरूका प्रतियोगिताहरू र राष्ट्रिय सुपरकप पनि समावेश गरिएको छ।

अन्तर्राष्ट्रिय तथ्याङ्क[सम्पादन गर्ने]

२० नोभेम्बर २०१० सम्ममा[३७][३८][३९][४०][४१][४२][४३][४४][४५][४६]

राष्ट्रिय टीम क्लब मौसम प्रदर्शन गोल
ब्राजील ग्रेमियो १९९९ १३
२०००
२००१
सेंट-जर्मेन, पेरिस २००१-०२
२००२-०३
बार्सिलोना २००३-०४
२००४-०५ १६ ११
२००५-०६
२००६-०७
२००७-०८
मिलान २००८-०९
२००९-१०
२०१०-११
कुल ८८ ३२

सम्मान[सम्पादन गर्ने]

क्लब[सम्पादन गर्ने]

राष्ट्र[सम्पादन गर्ने]

व्यक्तिगत[सम्पादन गर्ने]

सन्दर्भ[सम्पादन गर्ने]

  1. "Ronaldinho" 
  2. Ronaldinho Becoming the Face of Soccer, जैक बेल, nytimes.com, 26 मार्च, 2007, accessed March 26, 2007.
  3. Dieci cose su Ronnie Da Little Italy in poi - Gazzetta dello Sport , 7/18/08
  4. Wahl, Grant. "One-on-one with Ronaldinho", Sports Illustrated, 1 June 2006. अन्तिम पहुँच मिति:14 June 2006.
  5. YouTube Five Year Anniversary, compilation of extraordinary videos on the site. Retrieved 13 June 2010.
  6. Radnedge, Keir, "The priceless prince of Barcelona", World Soccer, January 2005, pp. 8–9
  7. Kidd, Dave. "Arsene KO'd in Dinho bid", The Sun. अन्तिम पहुँच मिति:12 April 2007.
  8. McGowan, Stephen (30 March 2001), "Saints fail in Ronaldinho move", Scotland – News, ESPN.com Soccernet 
  9. "PSG sign Ronaldinho", 17 January 2001 
  10. "AJ Auxerre – Paris Saint-Germain", Ligue de Football Professionnel, 4 August 2001. अन्तिम पहुँच मिति:16 February 2011.
  11. "Paris Saint-Germain – Olympique Lyonnais", Ligue de Football Professionnel, 14 October 2001. अन्तिम पहुँच मिति:16 February 2011.
  12. "Objetivo Ronaldinho", El Mundo Deportivo, 19 June 2003. अन्तिम पहुँच मिति:24 February 2011. (in Spanish)
  13. "Barça break bank for Ronaldinho", 21 July 2003 
  14. "Ronaldinho ruled out for Barça", UEFA.com, 10 November 2003. अन्तिम पहुँच मिति:24 February 2011.
  15. "Chelsea 4-2 Barcelona", BBC Sport, 8 March 2005. अन्तिम पहुँच मिति:27 June 2006.
  16. Lowe, Sid, "Friends and enemies", World Soccer, August 2005, pp. 18–21
  17. "Ronaldinjo do 2010. u Barseloni", B92, 2 September 2005. अन्तिम पहुँच मिति:14 June 2006.(in Serbian)
  18. "Soccer: Ronaldinho turns on style as Barcelona beat Club America 4-0", Breitbart, 14 December 2006. अन्तिम पहुँच मिति:23 December 2010.
  19. "Cannavaro & Ronaldinho: We already feel like winners", FIFA, 18 December 2006. अन्तिम पहुँच मिति:23 December 2010.
  20. "– Team of the Year" 
  21. "Ronaldinho misses out", Manutd.com, 13 March 2007.
  22. "Manchester United Official Web Site – NEWS AND FEATURES:" 
  23. Tynan, Gordon. "Injury ends Ronaldinho's campaign", Football, The Independent, 5 April 2008. अन्तिम पहुँच मिति:6 June 2008.
  24. "Laporta: Ronaldinho needs to leave Nou Camp", FourFourTwo, 19 May 2008. अन्तिम पहुँच मिति:19 May 2008.
  25. Ducker, James. "Manchester City set to move for Ronaldinho", The Times Online, The Times, 5 June 2008. अन्तिम पहुँच मिति:6 June 2008.
  26. "MSN Football", 1 March 2010 
  27. "Open letter from Ronaldinho", 24 August 2010 
  28. "Ronaldinho Snubs Man City for A.C. Milan – AOL Fanhouse, 7/16/08" 
  29. Scott Anthony. "Ronaldinho signs on at the San Siro", Guardian, 15 July 2008. अन्तिम पहुँच मिति:8 September 2010.
  30. Lowe, Sid. "Milan secure Ronaldinho on the cheap as Barcelona pay for ham-fisted exit strategy", The Guardian, 16 July 2008. अन्तिम पहुँच मिति:22 May 2010.
  31. Reuters (17 January 2010), "Ronaldinho hat-trick as Milan win, Juve lose – Europe – ESPN Soccernet" 
  32. "Serie A 2010 Statistics", WhoScored.com.
  33. Ronaldinho joins Brazilian club Flamengo bbc.co.uk, 11 January 2011
  34. "Fans flock to welcome Ronaldinho", soccer way.com, 13 January 2011 
  35. "Boavista x Flamengo", Globoesporte.com, 6 February 2011 
  36. "Ronaldinho", Soccernet. अन्तिम पहुँच मिति:26 April 2010.
  37. Seleção Brasileira (Brazilian National Team) 2002-2003[dead link]
  38. "Seleção Brasileira (Brazilian National Team) 2002-2003" 
  39. "Seleção Brasileira (Brazilian National Team) 2002-2003" 
  40. "Seleção Brasileira (Brazilian National Team) 2004-2005" 
  41. "Seleção Brasileira (Brazilian National Team) 2006-2007" 
  42. "Seleção Brasileira (Brazilian National Team) 2008-2009" 
  43. "Seleção Brasileira Restritiva (Brazilian National Restrictive Team) 1996-1999" 
  44. "Seleção Brasileira Restritiva (Brazilian National Restrictive Team) 2000-2003" 
  45. "Seleção Brasileira Restritiva (Brazilian National Restrictive Team) 2004-2008" 
  46. Ronaldinho (21 March 1980), "ESPN Profile" 


बाहिरी लिङ्कहरू[सम्पादन गर्ने]