विकिपीडिया:हालैका घटनाहरू

नेपाली विकिपीडियाबाट
यसमा जानुहोस्: परिचालन, खोज्नुहोस्
Current event browse bar

बिश्वव्यापी हालका घटनाहरू  · खेलकुद घटना

प्रमुख समाचार
आजको मिति: शनिबार ४, आश्विन २०७१ (२० सेप्टेम्बर, २०१४)


मारिन सिलिच

  • एकिकृत नेकपा माओवादीका उपाध्यक्ष पोष्ट बहादुर बोगटीको हृदयघात र मष्तिस्कघातका कारण नर्भिक अस्पतालमा निधन भएको छ ।
  • क्रोएशियाका टेनिस खेलाडी मारिन सिलिच (चित्रमा)ले पहिलो पटक युएस ओपनको एकल पुरुष तर्फको उपाधि जितेका छन् ।
  • अमेरिकाकी चर्चित टेनिस खेलाडी सेरेना विलियम्सले लगातार तेश्रो पटक युएस ओपनको एकल महिला तर्फको उपाधि जितेकी छिन् ।
  • दक्षिण-पूर्वी एसियाली मुलुक थाइल्याण्डको सैनिक सरकार 'जुन्ता' ले जनरल प्रायुथ चान ओचालाई अन्तरिम प्रधानमन्त्री पदमा मनोनयन गरेको छ ।
  • मलेसियामा सम्पन्न एसीसी यु-१६ क्रिकेटको फाइनल खेलमा आयोजक मलेसियालाई ३२ रनको अन्तरले हराउदै नेपाल च्याम्पियन बनेको छ ।
  • नेपालको सुर्खेतमा बाढिमा परि २० जनाको मृत्यु भएको छ भने ५७ जना बेपत्ता भएका छन् ।
  • नेपाली विकिपीडिया विश्वका विकिहरूको सूचीमा २६,०३२ लेखका साथ ९४ औं स्थानमा पुगेको छ ।
१३ सेप्टेम्बर २०१४
१२ सेप्टेम्बर २०१४
  • विश्वमा हरेक ४० सेकेण्डमा एक जना मानिसले आत्महत्या गर्ने गरेका छन् जसमा नेपाल आत्महत्या गर्ने मुलुकको सूचीमा आठौं नम्बरमा परेको छ । (अनलाइन खबर)
११ सेप्टेम्बर २०१४
१० सेप्टेम्बर २०१४
  • संयुक्त राज्य अमेरिकाका विदेशमन्त्री जन केरिले इराकका नयां प्रधानमन्त्री हैदर अल-अबादीसँग इराकको राजधानी बग्दादमा भेटवार्ता गरेका छन् । (बिबिसी नेपाली)
  • सार्वजनिक सवारी साधनमा यात्रा गर्ने महिलामाथि हुने यौन हिंसाविरुद्ध अभियान चलाइरहेकी २३ बर्षीया नेपाली नर्स सुमना दवाडी अमेरिकाको विश्वकै ख्यातीप्राप्त हार्वर्ड विश्वविद्यालयको अनलाइन मतदानमा शीर्ष पाँच स्थानमा पुगेकी छन् । (अनलाइन खबर)
९ सेप्टेम्बर २०१४
  • मलेसियाका प्रधानमन्त्री नजीब रजाकले युक्रेनमा दुर्घटनाग्रस्त भएको मलेसिया एयरलाइन्सको विमानका सम्बन्धमा नेदरल्याण्ड्सले प्रस्तुत गरेको पहिलो आधिकारीक प्रतिवेदनमा उक्त विमानलाई क्षेप्यास्त्र हमला गरेर खसालिएको भन्ने निष्कर्ष बलियो रुपमा प्रस्तुत गरिएको बताएका छन् । (बिबिसी नेपाली)
८ सेप्टेम्बर २०१४
  • देशैभरि बाढी र पहिराेबाट पीडित बनेकाहरूले उचित राहत नपाएकाे गुनासाे गरिरहेका बेला सरकारले भने विभिन्न दाताहरूले दिएकाे रकमबाट काेषमा हाल ३४ कराेड २८ लाख रूपैयाँ रहेकाे तथ्य सार्वजनिक गरेकाे छ । (अनलाइन खबर)
७ सेप्टेम्बर २०१४
  • सिन्धुपाल्चोकस्थित सुनकोशीमा गत महिना गएको पहिरोले खोला थुनिएर बनेको ताल फुटेर लगभग ७५ प्रतिशत पानी निकास भइसकेकोले अब उक्त तालले निम्त्याउने सम्भावित खतरा टरेको अधिकारीहरुले बताएका छन् । (बिबिसी नेपाली)
  • भारी वर्षापछि भारत र पाकिस्तानमा आएको बाढी र पहिरोमा दुई सयजना भन्दा बढीको मृत्यु भएको छ । (बिबिसी नेपाली)
६ सेप्टेम्बर २०१४
  • शनिबार विहान भएको मैत्रिपूर्ण खेलमा ब्राजिलले नेयमारको गोलको मदतमा १० खेलाडीमा सिमित कोलम्बियामाथि १–० को जित निकालेको हो । (अनलाइन खबर)
५ सेप्टेम्बर २०१४
  • पाकिस्तान र भारतमा आएको बाढीका कारण त्यहाँ कम्तीमा ६६ जनाको ज्यान गएको एक पाकिस्तानी अधिकारीले बताएको छ । (बिबिसी नेपाली)
४ सेप्टेम्बर २०१४
  • फ्रान्सले युक्रेनमा जारी मस्कोका गतिविधिले युरोपको आधारभूत सुरक्षामै खलल पुर्याएकोले रुसलाई युध्दपोत पठाउने योजना हाललाई स्थगित गरिएको बताएको छ । (बिबिसी नेपाली)
  • लामो समययता विवादको केन्द्रविन्दुमा रहेको नेपाल र भारतबीचको विद्युत व्यापार सम्झौतामा बिहीबार दिल्लीमा प्रारम्भिक हस्ताक्षर भएको छ । (बिबिसी नेपाली)
३ सेप्टेम्बर २०१४
  • इस्लामिक स्टेट विद्रोहीको नियन्त्रणमा रहेका अमेरिकी पत्रकार स्टीभन सटलफको टाउको काटिएको जस्तो देखिने भिडियो सार्वजनिक भएको छ । (बिबिसी नेपाली)
२ सेप्टेम्बर २०१४
  • करिब ३ सातादेखि पाइलट अभावमा विमानस्थलमै थन्किएको नेपाल वायुसेवा निगमको एमए-६० चीनियाँ जहाजलाई लाओसका पाइलट मगाएर बुधबार वा बिहीबारबाट उडान सुरु गर्ने निगमका अधिकारीहरुले जनाएका छन् । (बिबिसी नेपाली)
  • अमेरिकामा कार्यरत नेपाली मूलका पराग पाठक अन्तर्राष्ट्रीय आर्थिक कोष (आइएमएफ)ले सार्वजनिक गरेको आगामी दशकमा बिश्व अर्थतन्त्रलाई बाटो देखाउने प्रभावशाली २५ युवा अर्थशास्त्रीको सूचीमा परेका हुन् । (अनलाइन खबर)
१ सेप्टेम्बर २०१४
३० अगस्त २०१४
  • अखिल नेपाल फुटबल संघ (एन्फा) का अध्यक्ष गणेश थापा र महासचिव धीरेन्द्र प्रधानविरुद्ध फ्रेन्ड्स क्लबले अदालतको अवहेलना गरेको दाबी गर्दै पुनरावेदन अदालतमा शुक्रबार मुद्दा दर्ता गरेको छ । (इकान्तिपुर)
२९ अगस्त २०१४
  • मिस नेपाल यूएसएको चौथो संस्करणको उपाधि ओहायोमा बसोबास गर्दै आएकी खुस्बु मिश्रले १४ प्रतिस्पर्धीलाई पछि पार्दै जितेकी छिन् । (इकान्तिपुर)
२८ अगस्त २०१४
  • गाजा क्षेत्रमा दीर्घकालीन युद्धविराम घोषणा भएपछि एक दशकमा सबैभन्दा घातक देखिएको हिंसा अन्त्य भएपछि इजरायल तथा हमास दुवैले ५० दिने युद्धमा आफू विजयी भएको दाबी गरेका छन् । (इकान्तिपुर)
२७ अगस्त २०१४
  • पाकिस्तानमा प्रधानमन्त्री नवाज सरिफ तथा शक्तिशाली सेनाप्रमुख जनरल राहिल सरिफबीच मंगलबार सहमति भएको छ । (इकान्तिपुर)
२६ अगस्त २०१४
  • मुलुकको खस्कँदो आर्थिक अवस्थाबीच फ्रान्सका प्रधानमन्त्री म्यानियल भाल्सको राजीनामा गरेपछि राष्ट्रपति फ्रान्स्वाँ होलान्डले सरकार भंग गरेका छन् । (इकान्तिपुर)
२५ अगस्त २०१४
  • नेपाली कथा, स्थान र पात्र प्रयोग गरिएको विश्व प्रसिद्ध भिडियो गेम फार क्राईको चौथो संस्करण रिलिज हुने भएको छ । (इकान्तिपुर)
२४ अगस्त २०१४
  • इराकस्थित संयुक्त राष्ट्र संघीय अधिकारीहरुले इस्लामिक स्टेट लडाकुहरुको कब्जामा रहेको अमेरली शहरमा अर्को नरसंहार हुनसक्ने चेतावनी दिएका छन् । (बिबिसी नेपाली)
२३ अगस्त २०१४
  • दक्षिण भारतको केरलामा राज्य सरकारले चरणबद्ध रूपमा मादक पदार्थ (रक्सी)मा प्रतिबन्ध लगाउने योजना बनाएको छ । (इकान्तिपुर)
  • विद्रोही नियन्त्रित पूर्वी युक्रेनमा अनुमति विना प्रवेश गरेका दुईसयभन्दा बढी रुसी ट्रकहरु रुस फर्किएको युरोपेली अनुगमनकर्ताहरुले बताएका छन् । (बिबिसी नेपाली)
२२ अगस्त २०१४
  • आफ्नो नियन्त्रणमा रहेका अर्का अमेरिकी पत्रकारको समेत हत्या गर्ने इस्लामिक स्टेट (आईएस) ले दिएको चेतावनीको उपेक्षा गर्दै अमेरिकाले उत्तरी इराकमा लडाकुमाथि ताजा आक्रमण गरेको छ । (इकान्तिपुर)
  • राजधानी इस्लामावादमा जारी प्रदर्शनलाई लिएर पाकिस्तान सरकार तथा पूर्वक्रिकेटर इमरान खानको पार्टी तेहरिक ए इन्साफबीच भएको पहिलो चरणको वार्ता सकिएको छ । (इकान्तिपुर)
२१ अगस्त २०१४
  • जिहादी समूह इस्लामिक स्टेटले मंगलबार अमेरिकी पत्रकार जेम्स फोलीको हत्या गरिएको भिडियो सार्वजनिक गरेको छ । (इकान्तिपुर)
  • थाइल्यान्डको सैनिक सरकार ‘जुन्ता’ ले सैनिक शासन जनरल प्रायुथ चान ओचालाई प्रधानमन्त्री पदमा मनोनयन गरेको छ । (इकान्तिपुर)
२० अगस्त २०१४
  • लागू पदार्थ सेवन गरेको आरोपमा हलिउडका प्रसिद्ध अभिनेता ज्याकी च्यानका छोरा जैसीलाई चिनियाँ प्रहरीले पक्राउ गरेको छ । (इकान्तिपुर)
१९ अगस्त २०१४
  • सुनकोशी नदी थुनिएर अरनिको राजमार्ग अवरुद्ध हुँदा चीनबाट दसैँका निम्ति काठमाडौं भित्र्याउन तयार पारिएका झन्डै ३५ सय कन्टेनर वैकल्पिक बाटोबाट राजधानी ल्याउन नसकिने व्यवसायीहरुले बताएका छन् । (बिबिसी नेपाली
१८ अगस्त २०१४
  • भीषण भीडन्तबीच उत्तरी इराकस्थित रणनीतिक महत्वको मोसुल बाँध जिहादी समूह इस्लामिक स्टेटबाट पुनः आफूहरुको नियन्त्रणमा आएको इराकी र कुर्द अधिकारीहरुले बताएका छन् । (बिबिसी नेपाली)
  • नेपाल सरकारले विदेशमा बसीरहेका नेपालीहरुलाई जतिसक्दो चाँडो हस्तलिखित पुरानो राहदानीको सट्टा मशीनले पढ्न मिल्ने नयाँ राहदानी (एमआरपी) बनाउन आह्वान गरेको छ । (बिबिसी नेपाली)
१७ अगस्त २०१४
  • चिकित्साक्षेत्रको निगरानी राख्ने निकाय नेपाल मेडिकल काउन्सिल र मेडिकल कलेज एवं स्वास्थ्य विज्ञान प्रतिष्ठानहरुबीच विद्यार्थी भर्ना गर्ने विषयलाई लिएर विवाद चुलिएको छ । (बिबिसी नेपाली)
१६ अगस्त २०१४
  • लिबियाको सिर्त शहरस्थित एउटा निर्माण कम्पनीमा कार्यरत १२६ नेपाली कामदारको उद्दार गरिएको छ । (अनलाइनखबर)
१५ अगस्त २०१४
  • तीन दिनदेखिको लगातारको वर्षाका कारण आएको बाढी तथा पहिरोले मध्य तथा सुदूरपश्चिममा विनास मच्चाउदा सुर्खेतमा २१ सहित देशका विभिन्न स्थानमा ४४ जनाको मृत्यु भएको छ केही हराइरहेका छन् भने हजारौं विस्थापित भएका छन् । (अनलाइनखबर)
  • भारतको स्वतन्त्रताको ६८ औं दिवसका अवसरमा भारतको लालकिल्ला मैदानबाट विश्वलाई सम्बोधन गर्दै नरेन्द्र मोदीले भने ‘बुद्धको जन्मभूमि नेपालले आज हिंसाको बाटोमा लागेका विश्वभरका नौजवानहरुलाई शान्तिको बाटोमा फर्किन उत्कृष्ट सन्देश दिइरहेको छ । (अनलाइनखबर)
१४ अगस्त २०१४
  • विश्व फुटबलको नियमनकारी निकाय फिफाले सार्वजनिक गरेको नयाँ बरियताक्रममा नेपाल दुर्इ स्थान तल झरेर १६४औ स्थानमा पुगेको छ । (अनलाइन खबर)
११ अगस्त २०१४
१० अगस्त २०१४
९ अगस्त २०१४
  • अमेरिकाले इराकको इर्बिल शहरमा रहेका आफ्ना नागरिकहरुको सुरक्षाका निम्ति भन्दै इस्लामवादी लडाकू विरुद्ध हवाई कारवाही तीव्र बनाएको अधिकारीहरुले बताएका छन् । (बिबिसी नेपाली)
७ अगस्त २०१४
  • युक्रेनको विषयलाई लिएर आफूविरुद्ध लगाइएको नाकाबन्दीको बदलामा रुसले पश्चिमा देशहरुबाट हुँदै आएको खाद्य पदार्थ आयातमा प्रतिबन्धको घोषणा गरेको छ । (बिबिसी नेपाली)
६ अगस्त २०१४
५ अगस्त २०१४
४ अगस्त २०१४
३ अगस्त २०१४
२ अगस्त २०१४
१ अगस्त २०१४
समय: ०२:४२ युटिसी  |  दिन: २० सेप्टेम्बर  |  हाल
<< सेप्टेम्बर २०१४ >>
आइत सोम मंगल बुध बिही शुक्र शनि
१० ११ १२ १३
१४ १५ १६ १७ १८ १९ २०
२१ २२ २३ २४ २५ २६ २७
२८ २९ ३०
 हालका घटनाहरू

२०१४

जुलाई जुन


२०१३ भन्दा पहिले

२०१३ अघिका २००८ अघिका