सागर थापा

सागर थापा

व्यक्तिगत जानकारी
जन्म मिति	(1985-11-21) २१ नोभेम्बर १९८५
जन्म स्थान	मच्छेगाउँ, काठमाडौँ
खेल्ने स्थान(हरू)	रक्षापंक्ति
क्लब जानकारी
वर्तमान टोली	प्रतिबन्ध
वरिष्ठ करियर*
वर्ष	टोली	उपस्थिति	(गोल)
–२०१२	हिमालयन शेर्पा क्लब
२०१२–२०१३	फ्रेन्ड्स क्लब	१२	(-)
२०१४–२०१५	मनाङ- मर्स्याङ्दी क्लब
२०१५–	थ्रिस्टार क्लब	१२	(१)
अन्तर्राष्ट्रिय करियर
२००३–२०१५	नेपाल	६२	(१)
*क्लब घरेलु लिग उपस्थिति र गोल

सागर थापा (जन्म २१ नोभेम्बर १९८५) नेपालका फुटबल खेलाडी हुन् , र अक्टोबर २०१५ सम्म नेपाल राष्ट्रिय फुटबल टोलीका कप्तान थिए । उनले २००३ मा नेपाल राष्ट्रिय फुटबल टोलीको लागि पहिलो उपस्थिति बनाए । तब देखि, थापाले ५० अन्तर्राष्ट्रिय म्याचमा आफ्नो देशको प्रतिनिधित्व गरेका छन् जसले उनलाई बाल गोपाल महर्जन र उपेन्द्रमान सिंहबाट मात्र पछि परे । अक्टोबर २०१५ मा नेपाल फुटबल एसोसिएसनका पाँच सदस्य सागर थापा र सन्दिप राइ सहित म्याच फिक्सिंगको लागि पक्राउ गरिएको थियो । उनले प्रति निश्चित म्याच लागि ५ लाख लिएका थिए ।

सुरुवाती जीवन

थापा काठमाडौँ जिल्लाको मच्छेगाउँमा जन्मिएका थिए, यद्यपि उनले बाल्यकाल अधिकांश धरान र बिराटनगरमा बिताएका थिए । जब उनी आठ कक्षामा थिए तब थापाले काठमाडौँको ड्फोडिल स्कूलको छात्रवृत्ति हासिल गरे । सन् १९८९ मा १७ उमेरका थापा फ्रेन्ड्स क्लबमा सामेल भए । प्रारम्भमा उनले अग्रपंक्ति र मध्यपंक्ति रूपमा खेलेका थिए तर केन्द्रीय रक्षापंक्तिको स्थान खाली भएकाले उनलाई प्रस्ताव गरियो र पछि उनले आफ्नो स्थान त्यहि बनाए ।

कार्यकाल

यती हिमालयन शेर्पा क्लब

थापाले हिमालयन शेर्पा क्लबमा आफ्नो करियर सुरु गरे । उनको अनुबंधन २०१२ मा समाप्त भएको थियो, तर उनको क्लब छोड्ने निर्णयले मीडियामा धेरै खोजी भएको थियो । उनका अनुसार प्रति महिना ५०,००० रुपैयाँ प्रति महिना राम्रो थिएन । त्यसैले उनी र अन्य प्रमुख नेपाली फुटबल खेलाडीहरूलाई प्रति महिना १ लाख (1००,००० रुपैयाँ) भुक्तानी गरिनु पर्छ भन्ने उनको भनाइ थियो ।

मनाङ- मर्स्याङ्दी क्लब

थापाले मनाङ- मर्स्याङ्दी क्लबका कप्तान थिए र घरेलु लिगमा क्लबको प्रतिनिधित्व गरेका थिए । उनले २०१४ मा ए डिभिजन लिमा मनाङ- मर्स्याङ्दी क्लबलाई उपाधि जित्न पनि सहयोग पुर्याएका थिए । उनले पहिले फ्रेन्ड्स क्लबको लागि खेलिसकेका छन् । उनको टोलीका प्रशिक्षक दिलकाजी गुरुङ को राजिना गरेपछि फ्रेन्ड्स क्लबका लागि अंतरिम प्रशिक्षकको भूमिका निभाएका थिए ।

नेपाली राष्ट्रिय फुटबल टिमका कप्तान सागर थापा सालको खेलाडी घोषित खेलाडी भएका थिए । अल नेपाल फुटबल एसोसिएशन (एन्फा) शुक्रबार राजधानीको प्रेस कन्फेरेन्सन बीच यस्तो घोषणा भएको थियो । यस अवसरमा, एन्फाले थापालाई एक अपार्टमेन्ट प्रदान गर्यो । पुरस्कार प्राप्त गर्दै थपाले यस्तो सम्मानले खेलाडीहरूमा अधिक जिम्मेवारी थापिएको बताए ।

जनवरी २०१५ मा उनको तलबमा परेको विवाद पछि मनाङ- मर्स्याङ्दी क्लब छाडेको घोषणा गरे ।

थ्रिस्टार क्लब

त्यो घोषणा भएको महिनापछि थापाले आगामी २०१४-१५ शहिद स्मारक ए-डिभीजन लिगको लागि थ्रिस्टार क्लबसँग हस्ताक्षर गरेका थिए । १ अक्टोबर २०१५ मा थापाले नेपाल आर्मी क्लबको विरुद्धमा ३८ औंं मिनेटमा फ्री-किकको मार्फत पहिलो गोल गरे । थापाले सोहि खेलमानै आलोचना पाएका थिए जब उनले रेफ्रीलाई चिच्याए अपमान गरेका थिए र त्यो गरेबापत रेफ्री सर्वन लामाले थापा एक पहेंलो कार्ड जारी गरेका थिए । त्यसपछि थपालाई दुई खेलबाट निलम्बित गरिएको थियो । नेपाल आर्मीकै मेघा राज केसीपनि निर्देशित नियम भन्दा बाहिर गएको कारण निलम्बमा परेका थिए ।

अन्तर्राष्ट्रिय जीवन

सागर थापाले २००४ एएफसी एसियन कप छनोट चरण भियतनाम विरूद्व सन् २००३ मा डेब्यु गरेका थिए । यस्तै सागरले २०१० एएफसी च्यालेन्ज कप देखि नेपालको कप्तानी सम्हाल्दै आएका थिए । उनी नेपालका निम्ति ५० खेल भन्दा धेरै खेल्ने नेपाली फुटबल खेलाडीहरू मध्ये एक हुन् । उनको अन्तर्राष्ट्रिय खेलको सबैभन्दा महत्त्वपूर्ण वा रोमाञ्चक क्षणका रूपमा उनले नेपालका निम्ति गरेको एकमात्र अन्तर्राष्ट्रिय गोललाई लिन सकिन्छ । जुन २०११ साफ च्याम्पियनसिप मा ०-१ ले पछि परेको अवस्थामा आयोजक बङ्गलादेश विरूद्व खेलको अन्तिम मिनेटमा गरेको सर्वोत्कृष्ट फ्रि-किक गोल गरेका थिए।उनको यो फ्रि-किक गोल अन्तर्राष्ट्रिय फुटबल खेलमा गरिएको दुर्लभ फ्रि-किक गोलका रूपमा फिफाले सूचिकृत गरेको छ ।

अन्तर्राष्ट्रिय गोल

सागर थापाले आफ्नो अन्तर्राष्ट्रिय फुटबल जीवनमा बङ्गलादेश विरूद्व एकमात्र गोल गरेका छन् । २०११ साफ च्याम्पियनसिपमा समुह चरणको अन्तिम खेलमा उनले गोल गर्न सफल भएका थिए ।

उनले नेपाल ०-१ गोल अन्तरले पछाडि परेको अवस्थामा खेलको अन्तिम मिनेटमा गरेको फ्रि-किक गोल गरेका थिए । उनले गरेको उक्त विश्व चर्चित फ्रिकिकका माध्यमले नेपाल उक्त प्रतियोगिताको सेमिफाइनलमा पुग्न सफल भएको थियो । यस फ्रिकिकलाई फिफाले अन्तर्राष्ट्रिय खेलका दुर्लभ २० फ्रिकिक गोलमा समेत सुचिकृत गरेको थियो ।

अन्तर्राष्ट्रिय गोल

#	मिति	रंगशाला	विपक्ष	गोल	नतिजा	प्रतिस्पर्धा	स्रोत
१.	४ डिसेम्बर २०११4	जावारलाल नेहरू रंगशाला, नयाँ दिल्ली	बङ्गलादेश	१–०	१–०	२०११ साफ च्याम्पियनसिप

व्याक्तिगत जीवन

सागर थापा विवाहित हुन र उनका दुई सन्तान पनि छन् ।

म्याच फिक्सिङ काण्ड

१४ अक्टोबर २०१५ थापा साथसाथै सन्दीप राइ, विकास सिंह चौधरी, रितेश थापा र पूर्व थ्री स्टार क्लबका कोच अन्जन केसी नेपाल पुलिस द्वारा म्याच फिक्सिङको आरोपमा पक्राउ परेका थिए । समूहले घरेलु र अन्तर्राष्ट्रिय स्तरमा म्याच-फिक्सिंगका लागि जिम्मेवार सम्हालेका थिए । १९ अक्टोबर २०१५ एसियाली फुटबल महासङ्घले थापा र अन्य चारलाई खेलबाट प्रतिबन्ध लगायो ।

यो पनि हेर्नुहोस्

• नेपाली फुटबलमा म्याच फिक्सिंग