सार्वजनिक खरिद

सार्वजनिक खरिदमा लागु हुने ऐन तथा नियमहरु

सार्वजनिक संस्थाबाट हुने खरिदमा निम्न ऐन तथा नियममा भएको व्यवस्थाहरू लागु हुन्छ ।

सार्वजनिक खरिद ऐन, २०६३

नेपालका सरकारी तथा सरकारी लगानी भएका संस्थाहरूको खरिदलाई व्यवस्थित तथा पारदर्शि बनाउनको लागि प्रतिनिधी सभाले मिति २०६३।०९।३० मा सार्वजनिक खरिद ऐन, २०६३ बनाएको हो । यस ऐनमा सार्वजनिक खरिद सम्बन्धी ७३ दफाहरू रहेका छन् ।

सार्वजनिक खरिद नियमावली, २०६४

सार्वजनिक खरिद ऐन, २०६३ मा भएका दफाहरूलाई कार्यन्वयनमा सहजताका लागि मिति २०६४।०५।०३ मा नेपाल सरकारले सार्वजनिक खरिद नियमावली, २०६४ तयार गरेको हो । सार्वजनिक खरिद नियमावली, २०६४ मा १५३ नियमहरू रहेका छन् ।

नियमनकारी निकाय

मुख्य लेख: सार्वजनिक खरिद अनुगमन कार्यालय

सार्वजनिक खरिदको नियमन गर्न प्रधानमन्त्रिको मातहतमा रहने गरी मिति २०६४।०५।०३ मा सार्वजनिक खरिद अनुगमन कार्यालयको स्थापना गरिएको हो । यस कार्यालयले विशेष गरी सार्वजनिक संस्थाहरूमा हुने खरिदमा असल सुसासन , खरिदमा भ्रष्टाचार भए नभएको अनुगमन गर्ने तथा सार्वजनिक निकाय तथा आपूर्तिकर्ता ठेकेदार बिचको विश्वनियता बढाउने हेतुले खरिदको अनुगमन, सार्वजनिक खरिदको लागि आवश्यक पर्ने कागजातको ढाँचा तयार तथा सार्वजनिक खरिद सम्बन्धमा राय पत्रहरु जारी गर्ने कार्य गर्दछ ।