विकिपीडिया
नेपाली विकिपीडियाबाट
(Wikipedia बाट पठाईएको)
विकिपीडिया बहुभाषी वेबमा आधारित स्वतन्त्र र खुला ज्ञानकोश हो । विकिपीडिया शब्द विकि (wiki, धेरैजनाले सहकार्यमा वेभसाइट तयार गर्ने प्रविधि) र इन्साइक्लोपीडिया (encyclopedia) जोडिएर बनेको हो । विकिपीडिया स्वयंसेवकहरूबाट सामुहिक रूपमा लेखिन्छ। यसका धेरैजसो लेखहरू इन्टरनेटमा पहुँच भएका जो कोहिले पनि परिवर्तन गर्न सक्छ । विकिपीडियाका मुख्य सर्भरहरू संयुक्त राज्य अमेरिकाको फ्लोरिडा राज्यमा अवस्थित छन्। अन्य सर्भरहरू एम्स्टर्ड्याम र सउलमा छन्। विकिमिडीया फाउण्डेसन नामको एउटा गैरनाफामुखि संस्थाद्वारा सञ्चालित विकिपीडियाका प्रायजसो सबै पृष्ठहरुलाई विकिपीडियामा पहुँच भएका जसले पनि परिवर्तन गर्न सक्छ ।
सन् २००१ मा जिम्मी वेल्स र लारी स्यान्गरले यसको शुरुवात गरेका थिए । हाल यो ईन्टरनेटमा सबैभन्दा ठूलो र प्रख्यात सन्दर्भ समग्री हो ।
