सरस्वती भट्टराई

सरस्वती भट्टराई

सातौँ राष्ट्रिय खेलकुद २०७३ मा नेपाली महिला धाविका सरस्वती भट्टराईको तस्बिर
व्यक्तिगत जानकारी
जन्म नाम	सरस्वती
पुरा नाम	सरस्वती भट्टराई
Nickname(s)	सरस्वती
राष्ट्रियता	नेपाली
जन्म	(1994-03-08) ८ मार्च १९९४ डडेल्धुरा
खेल
राष्ट्र	नेपाल
खेल	एथलेटिक्स
प्रतिस्पर्धा(हरू)	१५०० मिटर दौड
क्लब	नेपाल आर्मी क्लब
टोली	नेपाल एथलेटिक्स टिम
उपलब्धि र उपाधिहरू
क्षेत्रीय फाइनल	साग गेम २०१६
राष्ट्रिय फाइनल	सातौँ खेलकुद, आठौँ खेलकुद
ओलम्पिक फाइनल	२०१६
पदक कीर्तिमान महिला एथलेटिक्स नेपाल आर्मी क्लबको प्रतिनिधित्व गर्दै नेपाल राष्ट्रिय खेलकुद सातौँ राष्ट्रिय खेलकुद १५०० मिटर सातौँ राष्ट्रिय खेलकुद ८०० मिटर सातौँ राष्ट्रिय खेलकुद ४×४०० मिटर आठौँ राष्ट्रिय खेलकुद १५०० मिटर आठौँ राष्ट्रिय खेलकुद ८०० मिटर आठौँ राष्ट्रिय खेलकुद ४×४०० मिटर

सरस्वती भट्टराई(जन्म सन् २०९४ मार्च ८) एथलेटिक्स अन्तर्गतको दौड स्पर्धाकि नेपाली महिला खेलाडी हुन् । यिनी मुख्य गरेर लामो दुरीका दौड प्रतियोगिताहरूमा सहभागी जनाउने खेलाडी हुन् । मुख्य गरी घरेलु प्रतियोगिताहरूमा यिनले आफ्नो पहिचान मध्य गतिकी धाविकाबा बनाएकि छिन् ।

पारिवारिक जीवन

सरस्वती भट्टराईको जन्म डडेल्धुरा जिल्लामा भएको थियो । उनको बाल्यकाल पनि डडेल्धुरामा नै बितेको थियो ।

नेपाल राष्ट्रिय खेलकुद

सातौँ राष्ट्रिय खेलकुद

सरस्वतीले सातौँ राष्ट्रिय खेलकुदमा जम्मा तीन स्वर्ण पदक जित्न सफल भएकि थिइन् । उनले सातौँ राष्ट्रिय खेलकुदमा ८ सय मिटर महिला दौड, १५ सय मिटरको महिला दौड र ४ गुणा चार सय मिटर रिले दौडमा स्वर्ण पदक जितेकी थिइन् ।

भट्टराईले १५ मिटर दौड ४ मिनेट ४३ सेकेन्डमा पूरा गरेर सशस्त्र प्रहरीकी फूलमति रानालाई पछि पार्दै स्वर्ण जितेकी थिइन्। यस्तै ८ सय मिटर दौडमा उनले आर्मीकै सानुमाया कार्कीलाई पछि पार्दै स्वर्ण पदक जितेकी थिइन् । यसअघि उनले सुदूरपश्चिममा भएको छैठौं राष्ट्रिय खेलकुद प्रतियोगिता पनि खेलेकी तर उक्त प्रतियोगितामा उनले कुनै पनि पदक जितेकी थिइनन् ।

आठौँ राष्ट्रिय खेलकुद

आठौँ राष्ट्रिय खेलकुद अन्तर्गत महिला ८ सय मिटर दौड अन्तर्गत सरस्वती भट्टराईले स्वर्ण जितेकी थिइन् । उनले निर्धारित दुरी २ मिनेट १६.०० सेकेण्डमा पुरा गरेकि थिइन् । उनले आर्मीकै सानुमाया कार्की तथा एपीएफकी फुलमती रानालाई पराजित गरी स्वर्ण जितेकि थिइन् । उनले महिला १५०० मिटर दौडमा सरस्वतीले ४ मिनेट ३६ सेकेन्ड पूरा गर्दै स्वर्ण जितेकि थिइन् । सरस्वतीले उक्त स्पर्धामा प्रदेश ३ की सन्तोषी श्रेष्ठ तथा फूलमती रानालाई पराजित गरेकि थिइन् । सरस्वतीले कृष्णा चौधरी, संगीता मेचे र तुलसा खत्रीसँग रहेर ४ गुणा ४ सय मिटर दौडको स्वर्ण ४ मिनेट २ सेकेण्ड पुरागी जितेकी थिइन् । सरस्वतीको जोडिले एपीएफ र प्रदेश नम्बर ५ को टिमलाई पराजित गरी स्वर्ण जितेकी थिइन् ।

अन्तर्राष्ट्रिय खेल जीवन

ओलम्पिक २०१६

सरस्वती भट्टराईले नेपालको तर्फबाट २०१६ ग्रीष्मकालिन ओलम्पिकको १५०० मीटर महिला दौडमा सहभागी जनाएकि थिइन् । साथै भट्टराई ओलम्पिकमा नेपालको झण्डा बोक्ने फूपू लामु खत्री सगै उद्घाटन समारोहमा सहभागीले थिइन् । उनले १५०० मीटर दौडको स्पर्धामा निर्धारण १५०० मीटरको दौड जम्मा कुल ४ मीनेट ३३.९४ सेकेन्डमा पूरा गरी आफ्नै राष्ट्रिय रेकर्ड भङ्ग गरेकी थिइन् । तर आफ्नो समुहको कुल १५ महिलामा १३ औँ स्थानकी भट्टराई पहिलो चरणबाटनै बाहिरिएकी थिइन् ।

राष्ट्रिय किर्तिमानहरू

• सरस्वती भट्टराईले बनाएका महत्त्वपूर्ण राष्ट्रिय किर्तिमानहरू

स्पर्धा	प्रतियोगिता	पहिलो किर्तिमानि खेलाडी	पहिलेको समय	नयाँ समय
१५०० मीटर दौड	२०१६ ग्रीष्मकालीन ओलम्पिक	राजकुमारी पाण्डे	४ मिनेट ३४ दशमलब ४५	४ मिनेट ३३ दशमलब ९४ सेकेण्ड