मानुएल नोयर

मानुएल नोयर
	नोयर २०१८ मा
व्यक्तिगत जानकारी
पुरा नाम	म्यानुअल पिटर नोयर
उचाइ	१.९३ मी
खेल्ने स्थान(हरू)	गोलरक्षक
क्लब जानकारी
वर्तमान टोली	बायर्न म्युनिख
सङ्ख्या	१
युवा करियर
१९९१-२००५	साल्के ०४
वरिष्ठ करियर*
वर्ष	टोली
२००४-२००६	साल्के ०४ बी
२००६-२०११	साल्के ०४
२०११-	बायर्न म्युनिख
	*क्लब घरेलु लिग उपस्थिति र गोल

मानुएल नोयर (जन्म २७ मार्च १९८६) जर्मन फुटबलर हुन् । उनी बायर्न म्युनिखका गोलरक्षक हुन् । स्वीपर रक्षक को छवी बनाएका नोयर आफ्नो उत्कृष्ट गोलरक्षण र बलमाथी द्रुत प्रतिक्रिया जनाउन खप्पिस मानिन्छन् ।^[१]^[२]^[३]

क्लब जीवन[सम्पादन गर्नुहोस्]

जर्मनीको गेल्सेनकीर्चनमा जन्मिएका नोयरले साल्के ०४ को युवा टोलीबाट ५ वर्षको कलिलो उमेरदेखि नै खेल्न थालेका थिए । १९ अगष्ट २००६ मा उनले बुन्डेस लिगामा डेब्यु गरे । उनलाई फ्रयाङ्क रोष्टलाई उछिन्दै साल्के ०४ को नियमित गोलकिपर बन्न समय लागेन । १ जुन २०११ मा साल्केबाट नोयरलाई बायर्न म्युनिखमा स्थानान्तरण गरियो । नोयरले बायर्नसँग €१८ मिलियनमा गरेको नयाँ करार ५ वर्षको लागि थियो । उनी २०१६ सम्म बायर्नमा रहने छन् ।

अन्तराष्ट्रिय जीवन[सम्पादन गर्नुहोस्]

नोयरले दुई विश्वकप(२०१० र २०१४) र युरो २०१२ गरी तीन प्रमुख प्रतियोगितामा राष्ट्रिय टोलीको झण्डा फहराएका छन् । २०१४ फिफा विश्वकपमा नोयरले विश्वस्तरिय गोल रक्षण गरेका थिए र पुरा प्रतियोगिताभरी विपक्षीलाई ४ गोल मात्र गर्न दिए । जर्मनीले विश्वकप ट्रफी उचाल्दा उनी प्रमुख सदस्य थिए।

व्यक्तिगत जीवन[सम्पादन गर्नुहोस्]

उनी पुर्व जर्मन गोलकिपर जेन्स लेहमानलाई आफ्नो आइडल मान्छन् । नयर क्याथोलिक हुन् । क्याथरिन गिल्चसँगको उनको सम्बन्ध २०१४ मा तोडिएको थियो ।

सन्दर्भ सामग्रीहरू[सम्पादन गर्नुहोस्]

↑ "Manuel Neuer", ESPN FC, अन्तिम पहुँच ११ जुलाई २०१४।
↑ Early, Ken (८ जुलाई २०१४), "Manuel Neuer cleans up by being more than a sweeper", Irish Times, अन्तिम पहुँच ११ जुलाई २०१४।
↑ Dawson, Alan (९ जुलाई २०१४), "Michael Owen: Manuel Neuer is best in his position", HITC Sport, अन्तिम पहुँच ११ जुलाई २०१४।