अंकित बाबु अधिकारी

अंकित बाबु अधिकारी
व्यक्तिगत विवरण
जन्म	(1991-01-22) २२ जनवरी १९९१ तुल्सिपुर, दाङ, देउखुरी
विधा	सुफी, अर्ध-शास्त्रीय संगीत, फ्युजन
पेशा	गायक, संगीतकार, गीतकार, लेखक
वाद्ययन्त्र	गितार
सक्रिय वर्ष	२०७० - हालसम्म
वेबसाइट	ankitbabuadhikari.com

अंकित बाबु अधिकारी (जन्म: २०४७ माघ ८) नेपाली लेखक तथा सङ्गीतकर्मी हुन्। उनको बहुचर्चित गैरआख्यान पुस्तक 'शेर्पा' अंग्रेजी, इटलियन र चेक भाषामा प्रकाशित छ। उनको संगीत यात्रालाई लिएर द डिप्लोम्याट म्यागेजिनले उनलाई 'नेपालका कथावाचक गायक' भनेर उल्लेख गरेको छ।  

करियर

उनी अन्तर्राष्ट्रिय रूपमा चर्चित गैरआख्यान पुस्तक ‘शेर्पा: स्टोरीज अफ लाइफ एण्ड डेथ फ्रम द फर्गटन गार्डियन्स अफ एभरेस्ट’का सह-लेखक हुन्। ह्याचेट, यूकेले प्रकाशन गरेको यस पुस्तक बेलायतको प्रतिष्ठित ‘बोर्डमन टास्कर अवार्ड फर माउन्टेन लिटरेचर’ मा सर्टलिस्ट भएको थियो। नेपाल सरकारले उनलाई २०८२ सालमा तेन्जिङ-हिलारी पुरस्कारबाट सम्मानित गरेको थियो। विसं २०८१ मा अनलाइन खबरले अधिकारीलाई उक्त वर्षको नेपालका ४० वर्ष मुनिका ४० प्रभावशाली युवाहरूको सूचीमा समेटेको थियो। ‘नेपाली तारा’ साङ्गतिक कार्यक्रममा देखा परेसँगै व्यापक प्रशंसक बटुलेका अधिकारी गायक, सङ्गीतकार तथा गीतकार हुन। पत्रकारितातर्फ उनले विगतमा नेपालका अङ्ग्रेजी दैनिक पत्रिकाहरू द काठमान्डू पोस्ट र द हिमालयन टाइम्समा काम गर्नुका साथै अमेरिकी अखबर द वासिङ्टन पोस्टका लागि समेत रिपोर्टिङ गरेका छन्।

बाह्य कडीहरू

• आधिकारीक वेवपेज