अनोरा

अनोरा
रङ्गमञ्च प्रदर्शित पोस्टर
निर्देशक	सन बेकर
लेखक	सन बेकर
निर्माता	एलेक्स कोको सामन्था क्वान सन बेकर
मुख्य कलाकार	माइकी म्याडिसन मार्क आइडेल्स्टाइन युरा बोरिसोभ क्यारेन करागुलियन वाचे तोभमास्यान दर्या एकामासोभा एलेक्सेई सेरेब्र्याकोभ
छायाङ्कन	ड्रु डेनियल्स
सम्पादन	सन बेकर
सङ्गीत	म्याथ्यु हेरन-स्मिथ
वितरक कम्पनीहरू	फिल्मनेसन इन्टरटेनमेन्ट क्रे फिल्म
वितरक	निओन
प्रदर्शन मिति	२१ मे २०२४ (2024-05-21) (कान) १८ अक्टोबर २०२४ (2024-10-18) (संयुक्त राज्य अमेरिका)
अवधि	१३९ मिनेट
देश	संयुक्त राज्य अमेरिका
भाषा	अङ्ग्रेजी
बजेट	$६ मिलियन
बक्स अफिस	$५९.४ मिलियन

अनोरा सन् २०२४ को अमेरिकी प्रेमप्रसङ्गयुक्त हास्य-नाटक चलचित्र हो, जुन सन बेकरद्वारा लिखित, निर्देशित, निर्माण र सम्पादन गरिएको हो। यसमा माइकी म्याडिसनले अनोरा "अनी" मिखीभाको भूमिका निर्वाह गरेकी छिन्, जो न्यूयोर्ककी एक स्ट्रिपर हुन् र मार्क आइडेल्स्टाइनद्वारा अभिनीत रूसी कुलीन वर्गका धनी छोरासँग विवाह गर्छिन्। सहायक कलाकारमायुरा बोरिसोभ, क्यारेन करागुलियन, वाचे तोभमास्यान, दर्या एकामासोभा, र एलेक्सेई सेरेब्र्याकोभ छन्।

अनोराको प्रिमियर मे २१, २०२४ मा ७७औँ कान चलचित्र महोत्सवमा भएको थियो, जहाँ यसले आलोचकहरूको प्रशंसा प्राप्त गरेको थियो र पाल्म डी'ओर जितेको थियो। यो अक्टोबर १८, २०२४ मा निओनद्वारा थियटरमा रिलिज भएको थियो। चलचित्रले ६ मिलियन डलर बजेटको तुलनामा विश्वव्यापी रूपमा ५९.४ मिलियन डलर कमाएको थियो, जसले यसलाई बेकरको सबैभन्दा धेरै कमाइ गर्ने चलचित्र बनाएको थियो।

अनोराले थुप्रै पुरस्कारहरू प्राप्त गरेको थियो। चलचित्रलाई राष्ट्रिय समीक्षा बोर्ड र अमेरिकन फिल्म इन्स्टिच्युटद्वारा सन् २०२४ का उत्कृष्ट दस चलचित्रहरू मध्ये एकको रूपमा नामाङ्कन गरिएको थियो। चलचित्रले ९७औँ एकेडेमी पुरस्कारमा छ वटा नामाङ्कन प्राप्त गरेको थियो र पाँच विधामा — उत्कृष्ट चलचित्र, उत्कृष्ट निर्देशन, उत्कृष्ट अभिनेत्री (म्याडिसन), उत्कृष्ट मौलिक पटकथा र उत्कृष्ट चलचित्र सम्पादन — जितेको थियो। यसले ७८औँ बेलायती एकेडेमी चलचित्र पुरस्कारमा सात नामाङ्कन प्राप्त गरेको थियो र दुई पुरस्कार जितेको थियो, साथै ८२औँ गोल्डन ग्लोब पुरस्कारमा पाँच नामाङ्कन पनि प्राप्त गरेको थियो।

बाह्य कडीहरू

• आधिकारिक वेबसाइट
• इन्टरनेट चलचित्र डेटाबेसमा अनोरा