आठबिसकोट नगरपालिका

यो लेख पश्चिम रुकुमको एक नगरपालिकाको बारेमा हो। दैलेख जिल्लाको नगरपालिकाको लागिको लागि आठबीस नगरपालिका हेर्नुहोस्।

आठबिसकोट
नगरपालिका
आठबिसकोट नेपालको नक्सामा आठबिसकोट नगरपालिकाको अवस्थिति आठबिसकोट आठबिसकोट (नेपाल)
निर्देशाङ्क: 28.80°N 82.39°E / 28.80; 82.39
देश	नेपाल
प्रदेश	कर्णाली प्रदेश
जिल्ला	पश्चिम रुकुम जिल्ला
स्थापना	२०७३ फागुन २७
सरकार
• नगरप्रमुख	रवि केसी (नेकपा (माओवादी केन्द्र))
• उपप्रमुख	धनकुमारी शाही (नेकपा (माओवादी केन्द्र))
क्षेत्रफल
• जम्मा	५६०.३४ किमी२ (२१६.३५ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	३५,९१७
• घनत्व	६४/किमी२ (१७०/वर्ग माइल)
समय क्षेत्र	युटिसी+०५:४५ (नेपालको प्रमाणिक समय)
क्षेत्रीय सङ्केतहरू	+९७७-८८
केन्द्र	साविक आठबिसकोट गाविसको कार्यालय
वेबसाइट	aathbiskotmun.gov.np

आठविसकोट नगरपालिका नेपालको कर्णाली प्रदेशको पश्चिम रुकुम जिल्लाको एक नगरपालिका हो। यस नगरपालिकाको स्थापना २०७३ सालमा भएको थियो। यस नगरपालिकालाई आथबिसकोट, आठबीस डाँडागाउँ, घेत्मा, मग्मा, गोतामकोट र स्यालाखादीका पूर्व गाउँ विकास समितिहरू गाभेर स्थापना गरिएको थियो।

रुकुम (पश्चिम) का ६ वटा स्थानीय तहहरूमध्ये जनसङ्ख्या र क्षेत्रफल दुवै आधारमा ठूलो स्थानीय तहको रूपमा आठविसकोट नगरपालिका रहेको छ। आठबिसकोट नगरपालिकाको क्षेत्रफल ५६०.३४ वर्ग किलोमिटर रहेको छ जुन क्षेत्रफलको हिसाबले देशकै दोस्रो ठूलो हो। यो रुकुम जिल्लाको उत्तरपश्चिममा ठुलीभेरी नदीको किनारमा अवस्थित छ आठबिसकोटको ठुलाकोट मध्यकालीन बाइसे राज्य आठबिस को राजधानी थियो । बि.स.१६०० सालमा रुकुमे राजा दारे जैतम का छोरा कालु बमले दरवार बनाई राज्य स्थापना गरेका थिए । यिनै कालु बमका बाह्रौ पुस्ताका राजा रणउद्दीम शाहीका पालामा बि.स. १८४३ सालमा आठबिस राज्य नेपालमा बिलय भएको थियो भन्ने कुरा बंशावलीमा उल्लेख छ ।राजा काटिएकाले यस क्षेत्रको रेखदेख गर्न सेरो खारो खाने गरी राजाका भैयाद पर्ने हित कल्चु शाही र दण्ड उठती खान पाउने गरी धन्नु मल्ललाई नियुक्त गरियो । रुकुममा राजा काटी राजा कहलिएका श्रीदत्त शाही र राजकुमार विभूती शाहीलाई गोर्खालिले धपाएपछी विभूती शाही आफ्ना भाइसहित मुसिकोट भण्डारीकाडामा बसेका थिए । जुम्ली शोभान शाहीका दूतसङ्ग विभूति शाहीको भेट भयो । आफ्ना सगोत्रीय आठबिसे राजा रणउद्दिम शाही काटिएकाले शोभान शाहीको मद्दतले आफू आठबिसे राजाको हकदार हुने सपना विभूती शाहीले देखे । राजकुमार विभूति शाहीले आठबिस राज्य फिर्ता लिन जुम्लाका शोभान शाहीसङ्ग मिलेर वि. स. १८४६ मा बिद्रोह गरे तर सफल हुन सकेनन् र विभूती शाही जोगीको भेष धारण गरेर भागे भन्ने कुरा स्थानीयले बताउँछन् । करीब १२ वर्ष पछि आम माफी पाई आठबिस फर्की घरजम गरी बसेको कुरा स्थानीय एक बृद्ध गौतम थरका ब्राह्मनको टिपोटमा उल्लेख छ।

जनसङ्ख्या

राष्ट्रिय जनगणना २०७८को जनगणना अनुसार सुनवल नगरपालिकाको कुल जनसङ्ख्या ३५,९१७ रहेको छ भने यहाँ ७,५५३ घरधुरी रहेका छन्।

आठबिसकोट नगरपालिकाको वडागत तथ्याङ्क

नयाँ वडा	समावेश साविकका गाविसहरू	जनसङ्ख्या	क्षेत्रफल (वर्ग कि.मी.)	जनघनत्व (व्यक्ति/वर्ग कि.मी.)
१	स्यालाखादी (८-९)	१२६४	३६.५४	३४.५९
२	स्यालाखादी (१-२, ६-७)	१७४४	१००.५८	१७.३४
३	स्यालाखादी (३–५)	१८७४	२६.६९	७०.२१
४	गोतामकोट (१–३)	२२२४	२२.७९	९७.५९
५	गोतामकोट (४–६)	२८९२	२२.२२	१३०.१५
६	गोतामकोट (७–९)	२३९४	२२८.७	१०.४७
७	आठबिसकोट (३, ५)	१९१२	१५.१२	१२६.४६
८	आठबिसकोट (४,८)	१७२३	१४.३	१२०.४९
९	आठबिसकोट (२,६-७)	३४०४	१०.४२	३२६.६८
१०	आठबिसकोट (१,९) र मग्मा (७, ८)	३२९२	२०.३५	१६१.७७
११	आठबिस डाँडागाउँ (१–५)	४९४२	१७.३९	२८४.१८
१२	आठबिस डाँडागाउँ (६–९)	३२८९	१५.८८	२०७.१२
१३	घेत्मा (४–७)	२०५५	९.७३	२११.२०
१४	घेत्मा (१–३, ८-९)	२९०८	१९.६३	१४८.१४
जम्मा		३५,९१७	५६०.३४	६४.१०