आरन

धातुको तातो काम लागि आरन

आरन भनेको धातु पोल्न, तताउन प्रयोग गरिने एक प्रकारको चुल्हो/ भट्टि आगो हो। लोहारले धातुलाई आरनमा त्यो तापक्रममा तताउछ जसमा कुटेर, पिटेर आकार दिन सजिलो हुन्छ। यो प्रकृयालाई फोर्जिङ भनिन्छ। धातुलाई आरनमा राख्न निकाल्न चिम्टा को प्रयोग गरिन्छ।

कहिलेकाँही आरनमा तताएर धातुलाई पानी वा तेलमा डुबाइन्छ। यसलाई अर्चाप्ने (Quenching) भनिन्छ। स्टिललाई कडा र कठोर गर्नुपर्छ भने यो काम गरिन्छ ।

प्रकार

कोइला आरन

तल ब्लास्ट कोइला आरन

आरनमा धातु तताउन सामान्यतया कोइला, औद्योगिक कोक वा ब्रिकेट इन्धनको रूपमा प्रयोग गर्दछ। यी आरनको डिजाइन समयसँगै भिन्न छन्, तर चाहे ईन्धन कोइला, कोक वा चारकोल होस् आधारभूत डिजाइन उस्तै रहेको छ।

फोर्जिङको हजारौं वर्षहरूमा, यी उपकरणहरू एक वा अर्को रूपमा यस प्रकारको आरनको आवश्यक रूपमा विकसित भएका छन्ः

ग्यास आरन

ग्यास आरनमा सामान्यतया प्रोपेन वा प्राकृतिक ग्यास इन्धनको रूपमा प्रयोग गरिन्छ।

उपकरणहरू

• घन (Sledgehammer): रातो तातो फलामलाई पिटेर आकार दिन प्रयोग गरिने ठूलो र गह्रौँ हम्मर।
• हतौडा (Hammer): साना कामका लागि वा सानो आकार दिन प्रयोग गरिने औजार।
• अचानो वा एँडिल (Anvil): फलामलाई राखेर कुट्नका लागि प्रयोग गरिने फलामको ठूलो र समतल पिण्ड। यसलाई कतिपय ठाउँमा 'लिही' पनि भनिन्छ।
• रेती (File): फलामको सामान तयार भएपछि त्यसलाई रगडेर चिल्लो पार्न वा धार लगाउन प्रयोग गरिने खस्रो औजार।
• चिम्टा (Tongs): तातो फलामलाई आरनबाट निकाल्न वा समात्न प्रयोग गरिने लामो चिम्टा जस्तो औजार।

यो पनि हेर्नुहोस्

• भट्टा
• ढलोट उद्योग