इश्वरी न्यौपाने

स्वतन्त्र विश्वकोश, नेपाली विकिपिडियाबाट
Jump to navigation Jump to search

ईश्वरी न्यौपाने समानुपातिक तर्फ नेपाली कांग्रेसका सभासद हुनुहुन्छ। ४९ वर्षीया न्यौपानेले विद्यार्थी राजनीति मार्फत २०३५ सालबाट राजनीतिक यात्रा शुरु गर्नुभएको हो। २०३६ सालको जनमत सँग्रहमा बहुदलको प्रचारप्रसारमा सक्रिय रहेकी न्यौपाने २०४२ सालको सत्याग्रह र २०४६ सालको जनआन्दोलनमा विशेष क्रियाशील हुनुहुन्थ्यो। पूर्व राजा ज्ञानेन्द्रको शासनकालमा प्रतिगमन विरोधी आन्दोलनमा विशेष क्रियाशील रहँदा २०६२ सालमा उहाँ १ महीना नजरबन्दमा पर्नुभएको छ। नेपाल महिला संघका केन्द्रीय सदस्य रहिसकेकी न्यौपाने हाल नेपाल महिला संघका केन्द्रीय उपाध्यक्ष हुनुहुन्छ। त्रिभुवन विश्वविद्यालयबाट राजनीतिशास्त्रमा स्नातक ईश्वरी न्यौपाने २ छोरा, १ छोरीकी आमा हुनुहुन्छ। साहित्य र समाजसेवामा उहाँको विशेष रुचि छ। सैद्धान्तिक प्रतिवद्धता, राजनीतिक क्रियाशीलता र पार्टी कार्यमा लगनशीलताले आफूलाई संविधानसभामा पुर्‍याएको उहाँको आकलन छ। सभासद न्यौपाने आफूले संविधानसभामा मानव अधिकार र विधिको शासन तथा महिला अधिकारको सुनिश्चितताका मुद्दाहरूलाई प्रमुखतासाथ उठाउने अठोट गरेको बताउनुहुन्छ।

सन्दर्भ सामग्रीहरू[सम्पादन गर्ने]