उत्तरदायित्व

उत्तरदायित्व लाई शासकीय अभ्यासमा उत्तरदेयता, दोषारोपण, कानुनी जिम्मेवारी, र लेखा दिने अपेक्षा सँग तुलना गरिन्छ। शासन प्रणालीको एक पक्षका रूपमा, उत्तरदायित्व सार्वजनिक क्षेत्र, गैर-नाफामूलक संस्था, निजी, र व्यक्तिगत सन्दर्भहरूमा देखिने समस्याहरू सम्बन्धी छलफलको केन्द्रबिन्दु रहिआएको छ। नेतृत्व भूमिकामा, उत्तरदायित्व भित्र कुनै कार्य, उत्पादन, निर्णय, नीति (जस्तै: प्रशासन, शासन, कार्यान्वयन) को जिम्मेवारी स्वीकार गर्नु र त्यसको परिणामको विवरण दिन, औचित्य सिद्ध गर्न तथा त्यसको असरहरूको लागि उत्तरदायी बन्ने दायित्व पर्दछन्।

शासन प्रणालीमा उत्तरदायित्वको परिभाषा केवल "आफ्नो कार्यको लागि जवाफदेही ठहरिनु" भन्ने आधारभूत अवधारणामा सिमित छैन। यसलाई प्रायः दुई व्यक्तिहरू बीचको लेखा दिनु पर्ने सम्बन्धका रूपमा वर्णन गरिन्छ, उदाहरणका लागि: "A व्यक्ति B लाई उत्तरदायी हुन्छ जब A ले B लाई आफ्ना (अतीत वा भविष्यका) कार्यहरू र निर्णयहरूको जानकारी दिन, ती निर्णयहरूको औचित्य प्रस्तुत गर्न, र यदि गल्ती वा अनियमितता भयो भने दण्ड भोग्न बाध्य हुन्छ।"

सही लेखा प्रणाली बिना उत्तरदायित्व सम्भव हुँदैन; अर्को शब्दमा भन्दा, लेखा नहुँदा उत्तरदायित्व पनि हुँदैन। उत्तरदायित्व सुनिश्चित गराउने अर्को महत्वपूर्ण पक्ष भनेको सुदृढ अभिलेख व्यवस्थापन हो।