ओइता
ओइता प्रान्त (大分県, ओइता केन ) जापानको क्यूशू टापुमा अवस्थित एक ऐतिहासिक र सांस्कृतिक दृष्टिले महत्त्वपूर्ण प्रान्त हो। यो प्रान्त क्यूशूको उत्तरपूर्वी भागमा स्थित छ र यसको क्षेत्रफल ६,३४० वर्ग किमि छ। ओइता प्रान्तको सीमा उत्तर पश्चिममा फुकुओका, दक्षिण पश्चिममा कुमामोटो र दक्षिणमा मियाजाकी प्रान्तसँग जोडिएको छ।[१]
२०२५ को प्रारम्भमा ओइता प्रान्तको जनसङ्ख्या १,०८१,६४६ थियो।
प्रान्तको राजधानी र सबैभन्दा ठुलो सहर ओइता हो, र यहाँका अन्य प्रमुख शहरहरूमा बेप्पु, नाकात्सु र साइकी पर्दछन्।
ओइता प्रान्त प्राकृतिक सौंदर्य र ऐतिहासिक धरोहरका लागि प्रसिद्ध मानिन्छ।[२]
भूगोल
[सम्पादन गर्नुहोस्]ओइता प्रान्तको भूगोल जटिल र विविध छ। प्रान्तको उत्तर भाग ग्रानाइट र शिलाबाट बनेको छ, जबकि दक्षिणी भागमा चुनापत्थरयुक्त भाग पाइन्छ, जसले सिमेन्ट उद्योगलाई प्रवदन गरेको छ।[३]
प्रान्तका प्रमुख पर्वत शृङ्खलामा युफु, त्सुरुमी, सोबो, कटामुकी र कुजु पर्वत पर्दछन्, जसलाई क्यूशूको छानो पनि भनिन्छ। विशेष रूपमा, कुजु पर्वत अत्यन्त प्रसिद्ध छ र यहाँको वातावरणले धेरै पर्यटकोंलाई आकर्षित गर्दछ। कुजु पर्वत वरिपरि कुजु उच्चभूमि र हन्दा उच्चभूमि जस्ता उच्च भूमि क्षेत्रहरू पनि छन्।
प्राकृतिक सौंदर्यले गर्दा ओइता प्रान्तको समुद्री तट निकै मनमोहक मानिन्छ। यसको समुद्र तटको कुल लम्बाइ ७५९ किमी छ। उत्तरी भागमा शोल तट, केन्द्रमा बेप्पु बे र दक्षिणी भागमा जटिल रियास तट पाइन्छ।
इतिहास
[सम्पादन गर्नुहोस्]ओइता प्रान्तको इतिहास निकै पुरानो र समृद्ध छ। क्यूशू क्षेत्रको विकास प्रारम्भिक शताब्दीतिर शुरू भएको मानिन्छ। छठौँ शताब्दीमा, क्यूशू चार प्रमुख क्षेत्रहरूमा विभाजित थियो: त्सुकुशी, ही, कुमासो र टोयो। पछि, टोयो प्रान्तलाई बुङो प्रान्त र बुजेन प्रान्त गरी दुई भागमा विभाजित गरियो। यी दुई प्रान्तहरूको मिश्रणबाट ओइता प्रान्तको स्थापना भएको हो।[४]
ओइता प्रान्तको नामको उत्पत्ति ८औँ शताब्दीको बुङो फुडोकीसँग जोडिएको छ। त्यस समय, इम्पेरर केइकोले टोयो-नो-कुनी ले भ्रमण गर्दा उक्त क्षेत्रलाई "ओइता कुनी" भनेर सम्बोधन गरेको थियो, जसको अर्थ "विस्तृत खेतहरूको भूमि" हुन्छ। यो नाम अहिलेको ओइता प्रान्तको सांस्कृतिक र भौगोलिक विशेषताको प्रतिनिधित्व गर्दछ।
ईदो कालमा (१६०३–१८६७), हिता सहर सम्पूर्ण क्यूशू क्षेत्रको सरकारी केन्द्रको रूपमा कार्य गर्थ्यो। यहाँका व्यापारीहरूले राष्ट्रिय सरकारसँग मिलेर "हिता-किन" नामक पैसाको उधारो प्रणाली स्थापना गरेका थिए, जसले व्यापारी गतिविधि र व्यापारलाई प्रोत्साहित गर्यो।
धार्मिक स्थलहरू
[सम्पादन गर्नुहोस्]ओइता प्रान्त धार्मिक दृष्टिकोणबाट पनि निकै समृद्ध छ। यहाँ सिन्तो धर्मका प्रमुख मन्दिरहरू अवस्थित छन्, जसले यस क्षेत्रको धार्मिक इतिहास र संस्कृतिको संरक्षण गरेका छन्। सासामुटा मन्दिर र युसुहारा हचिमान-गू जस्ता प्रमुख शिन्टो मन्दिरहरू ओइता प्रान्तमा छन्, जसमा मानिसहरू धार्मिक अनुष्ठान गर्न र पूजा गर्न जाने गर्दछन्।[५]
ओइता प्रान्तको सबभन्दा प्रमुख धार्मिक स्थल भनेको उस्सा जिन्गू मन्दिर हो, जुन ओइता प्रान्तको उस्सा शहरमा अवस्थित छ। यस मन्दिरलाई जापानको सबैभन्दा धेरै हचिमान मन्दिरहरूको प्रमुख मन्दिर मानिन्छ। यहाँ प्रत्येक वर्ष लाखौँ श्रद्धालुहरू पूजा र धार्मिक अनुष्ठानका लागि आउने गर्दछन्।
अर्थतन्त्र
[सम्पादन गर्नुहोस्]ओइता प्रान्तको अर्थतन्त्र मुख्य रूपमा कृषि, माछापालन र जियोथर्मल उर्जा उत्पादनमा आधारित छ। यहाँको प्रमुख उत्पादनहरूमा काबोसु लाइम, सुक्खा शिटाके च्याउ, केसर र मादाके बाँस पर्छ।[६]
ओइता प्रान्त जापानमा सबैभन्दा ठुलो शिटाके च्याउ उत्पादन केन्द्र हो र यहाँको काबोसु लाइम जापानको नम्बर १ उत्पादन हो।
ओइता प्रान्त जियोथर्मल ऊर्जा उत्पादनमा पनि अग्रणी छ। यहाँको तातो पानी प्रणाली र प्राकृतिक ताप स्रोतहरूले यस प्रान्तलाई जियोथर्मल ऊर्जा उत्पादनका लागि प्रमुख स्थान बनाएका छन्। प्रान्तले यस प्राकृतिक स्रोतको उपयोग गर्दै आफ्नो ऊर्जा आवश्यकता पूरा गर्ने प्रयास गरेको छ।
पर्यटन
[सम्पादन गर्नुहोस्]ओइता प्रान्तका प्रमुख पर्यटकीय स्थलहरूमा बेप्पु तातोपानी अन्सेन, कुजु उच्चभूमि, उस्सा जिन्गू, युफु पर्वत र टकासाकियामा प्राकृतिक चिडियाघर पर्दछन्। बेप्पु अन्सेन विश्व प्रसिद्ध छ र यहाँको गर्म पानीको स्रोतले पर्यटकोंलाई आकर्षित गर्दछ। कुजु पर्वतको उच्चभूमि र युफु पर्वतको मनमोहक दृश्यले साहसिक पर्यटकहरूको मन जित्ने गर्दछ।
संस्कृति र सम्पत्ति
[सम्पादन गर्नुहोस्]ओइता प्रान्तको सांस्कृतिक सम्पत्ति निकै विविध र समृद्ध छ। २००६ मे सम्म, ओइता प्रान्तमा १४६ सांस्कृतिक सम्पत्तिहरू राष्ट्रिय स्तरमा सूचीबद्ध थिए। यसमा ४ वटा राष्ट्रिय सम्पत्ति पनि समावेश छन्। ओइता प्रान्तले लगभग ७०० परम्परा, सम्पत्ति र ऐतिहासिक स्थलहरूलाई सांस्कृतिक सम्पत्ति रूपमा सूचीबद्ध गरेको छ।[७]
प्रान्तको संस्कृति अत्यधिक कृषि र माछापालनमा आधारित भएकाले यहाँका बासिन्दाहरूको जीवनशैली पारम्परिक कृषि र माछा पालनका विविध पक्षहरूमा केन्द्रित छ।
यो पनि हेर्नुहोस
[सम्पादन गर्नुहोस्]सन्दर्भ सामग्रीहरू
[सम्पादन गर्नुहोस्]- ↑ "2020年度国民経済計算（2015年基準・2008SNA） : 経済社会総合研究所 - 内閣府", 内閣府ホームページ (जापानीमा), अन्तिम पहुँच २०२३-०५-१८।
- ↑ "Beppu Hell Tour Course", Beppu Tourism, जनवरी २४, २०२३, अन्तिम पहुँच १३ जुन २०२४।
- ↑ "General overview of area figures for Natural Parks by prefecture", Ministry of the Environment (Japan), अप्रिल १, २०१४, अन्तिम पहुँच फेब्रुअरी ८, २०१५।
- ↑ Nussbaum, Louis-Frédéric. (2005). "Provinces and prefectures" in p. 780, पृ. 780, गुगल बुक्स मा.
- ↑ "自然エネルギー自給率:大分県トップ" Mainichi Shinbun. January 4, 2010. Evening Edition (Japanese) Partial translation from Japanese source. Original text as follows:太陽光や風力、地熱など再生可能エネルギーでエネルギー需要をどの程度まかなっているかを示す都道府県別の自給率ランキングを、千葉大と環境エネルギー政策研究所（東京都）が推計した。トップは地熱発電や温泉熱利用が多い大分県で自給率は約25%。最下位は消費量が多い東京都で約0・2%だった。
- ↑ Ōita Prefectural Government, Guide-O Oita Prefecture Guide Book, p. 40-41.
- ↑ "Nationwide List of Ichinomiya," p. 3; retrieved February 9, 2012.