कागवा
कागावा प्रान्त (香川県, कागावा केन) जापानको शिकोकू टापुमा अवस्थित छ। सन् २०२० अनुसार यहाँको जनसंख्या ९४९,३५८ र क्षेत्रफल १,८७७ वर्ग किलोमिटर रहेको छ। कागावाको दक्षिण–पश्चिममा एहिमे प्रान्त र दक्षिणमा टोकुसिमा प्रान्त छन्।[१]
ताकामात्सु यो प्रान्तको राजधानी र सबैभन्दा ठूलो शहर हो। अन्य मुख्य शहरहरूमा मारुगामे, मिटोयो, र कानोनजी पर्दछन्।
कागावा प्रान्त सेतो भनिने भित्री समुन्द्रको किनारमा अवस्थित छ र होन्शु टापुको ओकायामा प्रान्तसँग पुल द्वारा जोडिएको छ। यो प्रान्तमा शोडोशिमा, दोस्रो ठूलो टापु, पनि पर्छ।
कागावाको दक्षिणी भूभागको सिमाना सानुकी पर्वतशृंखला रहेको छ।
इतिहास
[सम्पादन गर्नुहोस्]कागावा पहिले सानुकी प्रान्त भनेर चिनिन्थ्यो। सन् १८७६ अगस्टदेखि १८८८ डिसेम्बरसम्म छोटो अवधिका लागि कागावा एहिमे प्रान्तको हिस्सा बनाइएको थियो।[२]
कागावाको राजधानी ताकामात्सुमा रहेको याशिमा पर्वत प्रसिद्ध युद्धस्थल हो, जहाँ हाइके र जेन्जी कुलबीचको प्रसिद्ध संघर्ष भएको थियो।
अर्थतन्त्र
[सम्पादन गर्नुहोस्]कागावाको जीडीपी करिब ३,८०२ अर्ब येन छ। मुख्य निर्यात उद्योगहरूमा सवारी उपकरण, विद्युत उपकरण, रासायनिक उत्पादन, सामान्य मेशिनरी, खनिज इन्धन, निर्मित वस्तु, कच्चा पदार्थ, र खाद्य वस्तु पर्दछन्।[३]
खाना र परिकार
[सम्पादन गर्नुहोस्]"सानुकी उडोन" (चाउचाउ) कागावाको सबैभन्दा प्रसिद्ध स्थानीय परिकार हो। सन् २००८ मा मात्रै ७०० भन्दा बढी उडोन रेस्टुरेन्ट यहाँ थिए।[४]
त्यसबाहेक, कागावामा "होने–त्सुकी–दोरी", हड्डीसहितको मसलेदार कुखुराको जांघ पनि प्रसिद्ध छ। यो परिकार मारुगामे सहरबाट सुरु भएको हो र अहिले जापानभरिका इजाकाया रेस्टुरेन्टमा लोकप्रिय छ।
कागावा जापानमा पहिलोपटक जैतुन सफलतापूर्वक खेती गरेको ठाउँ हो। सन् १९०८ देखि यहाँ जैतुन तेल र सम्बद्ध उत्पादनहरू बनाइँदै आएका छन्। जैतुन उद्योगबाट प्राप्त जैतुनको फोहोर गाई र माछाको खाना बनाउन प्रयोग हुन्छ।
अन्य स्थानीय विशेष परिकारमा वासानबोन चिनीका मिठाइ, सोमेन चाउचाउ, र सोयासस पर्दछन्।
जनसंख्या
[सम्पादन गर्नुहोस्]अक्टोबर २०२० अनुसार, कागावामा अनुमानित जनसंख्या ९५०,२४४ छ, जुन सन् २००० को जनगणना (१,०२२,८९०) भन्दा ७.१% कम हो। प्रिफेक्चरको क्षेत्रफल १,८७७ वर्ग किलोमिटर र जनसंख्या घनत्व ५०६.३/वर्ग किलोमिटर छ।[५]
भूगोल
[सम्पादन गर्नुहोस्]कागावा शिकोकूको उत्तर–पूर्वी कुनामा पर्दछ। पश्चिममा एहिमे प्रान्त, दक्षिणमा टोकुशिमा प्रान्त, र उत्तरमा सेतो समुन्द्र को किनारा छ। दक्षिणी सिमानामा सानुकी पर्वतशृंखला फैलिएको छ।[६]
कागावा हाल जापानको सबै भन्दा सानो प्रान्त हो। यहा भूमि अपेक्षाकृत साँघुरो छ, पर्वत र समुद्रबीच अवस्थित।
सन् २०१२ अप्रिल १ सम्म, कागावाको कुल भूमि क्षेत्रफलको ११% प्राकृतिक पार्कका रूपमा तोकिएको थियो। प्रमुख पार्कहरूमा सेतोनािकाई नेशनल पार्क र ओताकी–ओकावा प्रान्त प्राकृतिक पार्क पर्दछन्।
सन्दर्भ सामग्रीहरू
[सम्पादन गर्नुहोस्]- ↑ NHK Broadcasting Culture Research Institute, सम्पादक (२४ मे २०१६), ja:NHK日本語発音アクセント新辞典, NHK Publishing।
- ↑ Ikatachōshi Editing Committee, सम्पादक (मार्च ३१, १९८७), 伊方町誌 [Ikata Town History] (जापानीमा), Town of Ikata, printed by DAI-ICHI HOKI Publishing।
- ↑ 日 本 貿 易 振 興 機 構 （ J E T R O ）; 香 川 貿 易 情 報 セ ン タ ー (मार्च २०२०), "香川県貿易実態調査 2020 年（令和 2 年）3 月", 香川県貿易実態調査: 155।
- ↑ "Yuki Yuna is a Hero" Fights for Local Tourism in Kan'onji City", Crunchyroll, अन्तिम पहुँच २९ अक्टोबर २०२२।
- ↑ Kagawa, Prefecture Demographics, "Japan: Kagawa", www.citypopulation.de, अन्तिम पहुँच १७ मे २०२२।
- ↑ "General overview of area figures for Natural Parks by prefecture", Ministry of the Environment, अन्तिम पहुँच १९ अगस्ट २०१२।