कागोसिमा
कागोसिमा प्रान्त क्युशु टापु र रियुक्यू टापु समूहमा अवस्थित छ। सन् २०२५ फेब्रुअरी अनुसार यसको जनसंख्या १,५२७,०१९ रहेको थियो। यसको क्षेत्रफल ९,१८७ वर्ग किलोमिटर छ। उत्तरमा कुमामोटो प्रान्त र उत्तर–पूर्वमा मियाजाकी प्रान्तसँग सिमाना छ।[१]
कागोशिमा प्रान्तको राजधानी कागोसिमा शहर हो। अन्य प्रमुख शहरहरूमा किरिशिमा, कानोया, र सात्सुमासेन्डाई पर्दछन्। प्रान्तको मुख्य भूमि अरियाके सागरदेखि शिबुशी सम्म फैलिएको छ र यहाँ दुई ठूला प्रायद्वीपहरू छन्।
भूगोल
[सम्पादन गर्नुहोस्]कागोसिमा प्रान्त क्युशुको दक्षिण–पश्चिमी छेउमा अवस्थित छ। प्रमुख प्रायद्वीपहरू सात्सुमा र ओसुमी हुन्। अमामी टापु समूह यहाँको महत्वपूर्ण टापु समूह हो। पश्चिममा पूर्व चीन सागर, दक्षिणमा ओकिनावा प्रान्त, उत्तरमा कुमामोटो प्रान्त, र पूर्वमा मियाजाकी प्रान्त रहेको छ। कुल २,६३२ किमी किनारा र २८ टापुहरू छन्।[२]
यो प्रान्त सक्रिय ज्वालामुखीहरूको लागि प्रसिद्ध छ, जसमा साकुराजिमा सबैभन्दा सक्रिय ज्वालामुखी हो। १९१४ मा भएको ठूलो विस्फोटपछि साकुराजिमा स्थायी रूपमा मुख्य भूमि संग जोडियो। यसको माटो ज्वालामुखीय पदार्थले विशाल मुला उत्पादन गर्न सक्षम बनाउँछ।
सन् २०१९ मार्च ३१ अनुसार, प्रान्तको १३% भूमि क्षेत्रफल प्राकृतिक पार्कको रूपमा तोकिएको थियो, जसमध्ये अमामी गुंटो, किरिशिमा–किङ्कोवान, उनज़ेन–अमाकुसा, याकुशिमा नेशनल पार्कहरू, कोशिकिशिमा र निचिनान क्वासी–नेशनल पार्कहरू, र विभिन्न प्रान्तल पार्कहरू पर्दछन्।[३]
इतिहास
[सम्पादन गर्नुहोस्]कागोसिमा प्रान्त प्राचीन जापानी प्रान्तहरू ओसुमी र सात्सुमा सँग मेल हो, र यसले मेइजी कालमा महत्वपूर्ण भूमिका खेलेको थियो। कागोसिमा शहर सात्सुमाको केन्द्र थियो, र यसको शासन कागोसिमा किल्लाबाट हुन्थ्यो। २०औँ शताब्दीमा जापानी समुद्री सैन्यको प्रमुख आधार पनि यहाँ रहेको थियो।[४]
जनसंख्या र जातीय समूह
[सम्पादन गर्नुहोस्]मुख्य जातीय समूहहरू जापानी र रियुक्यूअन (अमामी टापु समूह) हुन्।
अर्थतन्त्र
[सम्पादन गर्नुहोस्]अर्थतन्त्र मुख्य रूपमा कागोसिमा शहर र वरपरका क्षेत्रमा केन्द्रित रहेको छ। प्रान्तमा कृषि समृद्ध छ, र यसले हरियो चिया, साट्सुमा आलु, मुला, पोंजी चामल, बर्कशायर सुङ्गुर (कुरोबुता), र स्थानीय कालो वाग्यु गाईको मासु उत्पादन गर्दछ। कागोसिमा जापानको सबैभन्दा ठूलो अङ्गुइ ईल उत्पादन गर्ने प्रान्त पनि हो।[५]
जापान एयरोस्पेस एक्सप्लोरेशन एजेन्सी (JAXA) का थुप्रै सुविधा यहाँ छन्, जसमध्ये मुख्य उडान सुविधा तानेगाशिमा र उचिनोउरा स्पेस सेन्टरमा रहेको छ।
कागोसिमा प्रान्तको कुल घरेलु उत्पादन करिब ५,५४८.७ ट्रिलियन येन छ, र कामदार संख्या करिब ७९१,००० रहेको छ (२०१८)।
सांस्कृतिक खाद्य परम्परा
[सम्पादन गर्नुहोस्]कागोसिमा प्रान्तले आफ्नो विशिष्ट र समृद्ध खानाको लागि प्रसिद्ध छ। यहाँको न्यानो मौसम र विविध वातावरणले कृषि र जलचर पालनलाई सघाउँछ। कागोसिमा वरिपरिका धेरै रेस्टुरेन्टहरूले सात्सुमा प्रान्तीय परिकार पस्कने गर्छन्। प्रमुख स्थानीय परिकारहरू यस अनुसार छन्:
• साट्सुमा आलु
• किबिनागो सासिमी (सिल्भर-स्ट्राइप्ड हेरिङ)
• बुरी (अम्बरज्याक) र कमपाची (येलो-टेल)
• कुरो–उशी वाग्यु मासु (काला वाग्यु)
• कुरो–बुता बर्कशायर पोर्क
• कुरो–सात्सुमा जिदोरी चिकन (कहिलेकाहीँ काँचो, चिकन सासिमीको रूपमा पनि)
• स्मोक्ड ईल, केइहान, मिकी (अमामी टापु समूहमा खपत हुने किण्वित चामलको दूध)
सात्सुमा–अगे
[सम्पादन गर्नुहोस्]सात्सुमा–अगे, अर्थात् तेलमा तालिएको माछाको केक, कागोसिमा प्रान्तमा धेरै मन पाइन्छ। यद्यपि यो खाना जापानभर उपलब्ध छ, सात्सुमा प्रान्त यस परिकारको जन्मस्थल मानिन्छ। यसलाई प्रारम्भमा रियुक्यू राज्यम (आधुनिक ओकिनावा प्रान्त) बाट नारिआकिरा शिमाजु ले ल्याएको मानिन्छ।
मिठाईहरू
[सम्पादन गर्नुहोस्]कागोसिमा प्रान्तमा धेरै प्रकारका मिठाईहरू उत्पादन हुन्छन्। प्रमुख कम्पनी सेइका फुड्स कं. लि. ले जापानका लोकप्रिय मिठाईहरू उत्पादन गर्छ:
• ह्योरोकु मोची (ग्रीन टी स्वाद सहित)
• बोनतान आमे
• साट्सुमा–आलु कारामेल
• शिरोकुमा
अन्य परम्परागत मिठाईहरूमा:
• कारुकान (भात र सिमी आलुबाट बनाइएको केक)
• जाम्बो–मोची
• अमामी टापुका कोकुटो (ब्राउन सुगर)
• गेटान्हा ब्राउन सुगर केक
पेय पदार्थ
[सम्पादन गर्नुहोस्]कागोसिमा प्रान्त शोचु (रक्सी) उत्पादनको लागि विश्व प्रसिद्ध छ। यहाँ ११५ भन्दा बढी डिस्टिलरीहरू छन् र करिब १,५०० ब्रान्ड उत्पादन हुन्छन्।
मुख्य प्रकारका शोचुहरू:
• इमो–जोचु– साट्सुमा आलुबाट
• मुगी–जोचु – जौबाट
• कोमे–जोचु – चामलबाट
• कोकुटो–जोचु – ब्राउन सुगरबाट, विशेषगरी अमामी टापुमा
कुरोजु (काला भिनिगर) पनि कागोसिमा “ब्ल्याक लेबल उत्पादन”मा पर्दछ। मुख्य उत्पादन क्षेत्र किरिशिमा क्षेत्र हो। कुरोजु विभिन्न स्वादमा उपलब्ध छ (स्याउ, अंगुर, सुन्तला, उमे प्लम), र खेतीहरू भ्रमणको लागि खुला हुन्छन्।
कागोसिमा प्रान्तको खाना र पेय पदार्थ संस्कृति यहाँको स्थानीय वातावरण र परम्परामा गहिरो जडित छ, र यसले जापानमा मात्र नभई अन्तर्राष्ट्रिय स्तरमा पनि लोकप्रियता पाएको छ।
सन्दर्भ सामग्रीहरू
[सम्पादन गर्नुहोस्]- ↑ "2020年度国民経済計算（2015年基準・2008SNA） : 経済社会総合研究所 - 内閣府", 内閣府ホームページ (जापानीमा), अन्तिम पहुँच २०२३-०५-१८।
- ↑ "ja:自然公園都道府県別面積総括" [General overview of area figures for Natural Parks by prefecture] (जापानीमा), Ministry of the Environment (Japan), अन्तिम पहुँच १२ अगस्ट २०१९।
- ↑ "自然公園" [Natural Parks] (जापानीमा), Kagoshima Prefecture, अन्तिम पहुँच १२ अगस्ट २०१९।
- ↑ Section: History Nussbaum, "Provinces and prefectures" at p. 780, पृ. 780, गुगल बुक्स मा.
- ↑ "Investment Opportunities in Japan's Regions - Investing in Japan - Japan External Trade Organization", २०२४।