कार्यसम्पादन मूल्यांकन

स्वतन्त्र विश्वकोश, नेपाली विकिपिडियाबाट
Jump to navigation Jump to search

कर्मचारीलाई सुम्पेको काम सम्पन्न गर्नु नै कार्यसम्पादन हो । सो काम दक्षता र प्रभावकारितापूर्वक गर्नुपर्छ ।

कार्य सम्पादन भनेको क्षमता र उत्प्रेरणाको परिणाम हो ।

कुनै पनि कर्मचारीलाई तोकिएको जिम्मेवारी के कति र कस्तो रूपमा पूरा भयो भनेर मापन गर्ने तथा मूल्यांकन गर्ने विधि कार्यसम्पादन मूल्यांकन हो । कुनै पनि आग्रह या पूर्वाग्रहबाट विचलित नभर्ई न्यायोचित मूल्यांकन गर्न सकियो भने नै काम गर्ने कर्मचारीलाई हौसला मिल्छ । होइन भने कर्मचारीहरू कुण्ठित बन्नुपर्ने अवस्थाको सिर्जना हुन सक्छ । मूल्यांकन मूल्यांकनकै लागि मात्र नगरी कार्यालय, शाखा या फाँटमा वहन गर्नुपर्ने जिम्मेवारी र प्राप्त उपलब्धिको आधारमा गरिनुपर्छ । प्रगति अपेक्षित रूपमा हुन सकेको छैन भने त्यसको यथार्थ कारण पत्ता लगाइ त्यसमा जिम्मेवार कर्मचारीको कार्यसम्पादनको वास्तविक तवरले विश्लेषणात्मक मूल्यांकन हुनुपर्छ । कार्यसम्पादनको आधारमा मूल्यांकन र मूल्यांकनको आधारमा दण्ड, सजाय, पुरस्कार तथा अन्य सेवा सुविधाहरू चलायमान हुने स्वचालित प्रणाली स्थापित हुनु अनिवार्य छ । सञ्चालित योजना तथा कार्यक्रमको प्रगति तथा प्रभावकारितालाई कार्यान्वयनमा तल्लीन जनशक्तिको कार्यसम्पादन, कार्यदक्षता र कार्यक्षमतासँग जोड्नुपर्छ । कुनै पनि व्यक्तिलाई तोकिएको जिम्मेवारी के कति, कसरी र कुन गुणस्तरमा वहन भएको छ भन्ने निक्र्योल गर्न तथा तदनुरूप भावी कार्यदिशा तय गर्नका लागि कार्यसम्पादन मूल्यांकन गरिनुपर्छ ।

सबै सङ्गठनहरुले कर्मचारीको मूल्यांकन गर्छन । यसमा दुई कुराहरु गरिन्छ ।

  • कर्मचारीको सम्पादित काम पुनरावलोकन गरि सबल र दुर्बल पक्षहरुको समीक्षा
  • कर्मचारीले भविष्यमा बहन गर्न सक्ने जिम्मेवारीका लागि क्षमता आकलन

कार्यसम्पादन मूल्यांकन प्रक्रिया[सम्पादन गर्ने]

  1. कार्यमान स्थापना
  2. कार्यमान संचार
  3. सम्पादित कार्य मापन
  4. अन्तर विश्लेषण
  5. छलफल
  6. सुधारात्मक कदम

कार्यसम्पादन मूल्यांकनको उपयोग[सम्पादन गर्ने]

  1. कार्य सम्पादन पृष्ठपोषण
  2. पुरस्कार व्यवस्थापन
  3. तालिम र विकास
  4. बढुवा , सुरुवा , अवकाश
  5. छनोट परिक्षण मान्यता
  6. सुपरिवेक्षण समझदारी
  7. वृत्ति विकास र उत्तराधिकार योजना
  8. नीति निर्धारण

कार्यसम्पादन मूल्यांकनका विधिहरु[सम्पादन गर्ने]

  1. कार्यमान आधारित
  2. तुलना आधारित
  3. उद्देश्य आधारित

[१]

  1. डा. गोविन्दराम अग्रवाल नेपालमा मानव संसाधन व्यवस्थापन २०७१ MK Publisher and Distributors