कोइला ग्याँस

कोइला ग्यास भनेको कोइलाबाट बनेको ज्वलनशील ग्यास ईन्धन हो। यसलाई पाइप वितरण प्रणाली मार्फत उपभोक्तासम्म आपूर्ति गर्न सकिन्छ। यसको उत्पादन हावाको अभावमा कोइलालाई कडा रूपमा तताएर गरिन्छ। उपभोक्ता र शहरहरूमा बिक्रीका लागि उत्पादित ग्याँस ईन्धनलाई जनाउन शहरी ग्यास धेरै आम शब्द हो।

कोइला ग्यास कोइला ग्यासीकरण प्रतिक्रियाबाट उत्पादन गरिन्छ, र कार्बन मोनोअक्साइड र हाइड्रोजन मिश्रणको मात्राबाट यो ज्वलनशील हुन्छ। यसैले, कोइला ग्यास अत्यधिक विषाक्त हुन्छ। अन्य संरचनाहरूमा अतिरिक्त क्यालोरिफिक ग्याँसहरू जस्तै मिथेन, अस्थिर हाइड्रोकार्बन साथै थोरै मात्रामा गैर-क्यालोरिफिक ग्यासहरू जस्तै कार्बन डाइअक्साइड र नाइट्रोजन पनि पाइन्छ।

उत्पादन प्रक्रिया

ग्याँस वर्क्स पार्क, सियाटल मा रहेको अमेरिकामा चालु रहेको एक मात्र प्लान्ट

कोइला ग्यास दुई प्रक्रियाबाट बनाउन सकिन्छः कार्बनीकरण वा ग्यासीकरण । कार्बनीकरनमा जैविक पदार्थलाई विघटन गराएर ग्याँस र चार उत्पादन गरिन्छ। ग्यासीकरण भनेको कच्चा पदार्थलाई रासायनिक प्रतिक्रिया गराएर ग्याँस बनाउने प्रक्रिया हो ।

पहिलो प्रयोग गरिएको प्रक्रिया कोइलाको कार्बनीकरण र आंशिक पाइरोलिसिस थियो। उच्च-तापक्रम कार्बोनाइजेशन (कोक ओभनमा कोइलाको कोकिङ) मा निस्केको ग्याँस सङ्कलन गरियो। उक्त ग्याँसलाई सफाइ गरेर र ईन्धनको रूपमा प्रयोग गरियो।

प्लान्टको लक्ष्यको आधारमा, अन्तिम मुख्य उत्पादन उच्च गुणस्तरको कोक वा उच्च गुणस्तरको ग्याँस हुन्छ। कोकको उपयोग धातुविज्ञानको प्रयोग र परिक्षणको लागि हुन्छ।