खुमा सुबेदी

स्वतन्त्र विश्वकोश, नेपाली विकिपिडियाबाट
Jump to navigation Jump to search


माओवादीका समानुपातिक तर्फबाट विजयी संविधान सभा सदस्य खुमा सुबेदी वाइ. सी. एलको केन्द्रीय सदस्य पनि हुनुहुन्छ। माओवादी जनयुद्धमा मारिएका डोल्पा जिल्लाका सचिव नन्दप्रसाद न्यौपानेकी पत्नी खुमा २०४६ सालदेखि विद्यार्थी राजनीतिबाट राजनीतिक यात्रा सुरू गर्नुभएको हो।

माओवादी सभासद झक्कुप्रसाद सुबेदी उहाँका काका हुनुहुन्छ। झक्कु सुवेदीको प्रेरणाले राजनीतिमा लागेकी खुमा रोल्पा जिल्लाको महिला अध्यक्ष हुदै २०५७ सालमा महिलाको केन्द्रीय सदस्य पनि बन्नुभयो। उहाँले जनमुक्ति सेनाको सैन्य फाटमा पनि काम गर्नु भएको छ। थुप्रै युद्धमोर्चाहरूमा भाग लिएकी सुवेदी कमीसार हुनुहुन्थ्यो।

रोल्पाको गजुल -४ पानीपोखरामा ०२९ मङ्सिर ९ गते जन्मेकी खुमाको बिहे भएको घर डोल्पाको त्रिपुरापुर -२ हो। माओवादी राज्य समितिकी सदस्य समेत रहेकी सुवेदी माओवादीमा विश्वक्रान्तिको नामले चिनिनुहुन्छ।[१]

सन्दर्भ सामग्रीहरू[सम्पादन गर्ने]