गैर आवासीय नेपाली संघ

स्वतन्त्र विश्वकोश, नेपाली विकिपिडियाबाट
Jump to navigation Jump to search


गैरआवासीय नेपाली सङ्घ
गैरआवासीय नेपाली स‌ंघ (लोगो).jpeg
आदर्श वाक्यनेपालीका लागि नेपाली
गठनसन् २००३
स्थापना स्थानयुरोप
प्रकारगैरनाफामूलक सामाजिक संस्था
उद्देश्यसामाजिक सेवा
मुख्यालयकाठमाडौँ
स्थान
  • विश्वव्यापी
मूलनेपाली
आधिकारिक भाषा
नेपाली
अध्यक्ष
कुमार पन्त
मान्यतानेपाल सरकार परराष्ट्र मन्त्रालय र विश्वव्यापी
वेबसाइटhttps://nrna.org

गैरआवासीय नेपाली सङ्घ दक्षिण एसियाली मुलुक बाहेकका मुलुकमा रहेका नेपाली नागरिक तथा नेपाली मूलका विदेशी नागरिक अटाउन सक्ने गैरआवासीय नेपालीहरूको अन्तर्राष्ट्रिय सञ्जाल हो।[१] हालसम्म ८१ वटा देशमा यसका राष्ट्रिय समन्वय परिषद्हरु विस्तारित भएका छन् । यसको केन्द्रीय कार्यकारी संरचना भने अन्तर्राष्ट्रिय समन्वय परिषद् हो, जुन अन्तर्राष्ट्रिय महाधिवेशनबाट पारित नीति र कार्यक्रमहरुलाई कार्यान्वयन गर्नको लागि निर्वाचित हुन्छ । हरेक दुई वर्षमा राष्ट्रिय समन्वय परिषद्को महाधिवेशनबाट छानिएर आएका प्रतिनिधिहरुको महाधिवशेनबाट यसका प्रमुख पदहरु निर्वाचित हुन्छन्। सदस्यहरू भने राष्ट्रिय महाधिवेशनहरुले नै निर्वाचित गरेर पठाउँछन् ।[२]

नेपालको उन्नति नभई नेपालबाहिरका नेपालीको पनि प्रसिद्धि बढ्न नसक्ने निष्कर्षका आधारमा जन्मभूमिको विकासका लागि यथाशक्य प्रयास गर्नुपर्ने मुख्य उद्देश्यले यस संस्थाको स्थापना भएको हो।

इतिहास[सम्पादन गर्ने]

विदेशमा रहेका नेपाली र नेपाली मूलका विदेशी नागररकको ज्ञान, सीप, प्रविधि र पँजीको परिचालन गर्दै देश विकासमा टेवा पुर्‍याउने सोचले रसियामा बस्ने नेपालीहरुको सक्रियतामा सन् २००३ अगस्ट लण्डनमा एक भेला आयोजना गरी सोही वर्षको अक्टोबर ११-१३ तारेखमा काठमाडौँमा पहिलो विश्व सम्मेलन गरेर विधिवत् गैरआवासीय नेपाली संघको स्थापना भएको थियो ।[३] स्थापनाकालमा यस संगठनको नेतृत्व उपेन्द्र महतोले गरेका थिए । यसको पहिलो सम्मेलन काठमाडौंमा सन् २००३ मा भएको थियो । सो सम्मेलनको उद्धघाटन तत्कालीन राजा ज्ञानेन्द्र शाहबाट गरिएको थियो । तेस्रो सम्मेलनको तत्कालीन प्रधानमन्त्री गिरिजाप्रसाद कोइरालाले गरेका थिए । उपेन्द्र महतो गैरआवासीय नेपाली संघका संस्थापक अध्यक्ष हुन् ।

संघको अन्तर्राष्ट्रिय परिषद्का वर्तमान अध्यक्ष कुमार पन्त हुन् ।[४] नवौँ विश्व सम्मेलन तथा महाधिवेशन (अक्टोबर १५-१७, काठमाडौँ)ले पन्तलाई निर्वाचित गरेको हो ।[५]

उत्पादन मूलक कार्यमा सहभागिता[सम्पादन गर्ने]

  • सानिमा विकास बैंक
  • माइखोला जलविद्युत परियोजना

सामाजिक सेवामा योगदान[सम्पादन गर्ने]

  • देवघाट वृद्धाश्रम
  • शंखमूल पार्क
  • लाप्राक एकीकृत नमुना बस्ती


राष्ट्रिय समन्वय परिषदहरू

पूर्व‌‍अध्यक्षहरु[सम्पादन गर्ने]

क्र. सं. नाम निवासी कार्यकाल
डा उपेन्द्र महतो रसिया सन् २००३–२००९
देवमान हीराचन सन् २००९–२०११
जीवा लामिछाने रसिया, जर्मनी सन् २०११–२०१३
शेष घले अस्ट्रेलिया सन् २०१३–२०१७
भवन भट्ट जापान सन् २०१७–२०१९

बाह्य कडी[सम्पादन गर्ने]

सन्दर्भ सामग्रीहरु[सम्पादन गर्ने]