चन्द्रमा रात
| चन्द्रमा रात | |
|---|---|
 एक अर्धचन्द्रकार रात | |
| अनुयायी | मुसलमान |
| प्रकार | इस्लामी |
| सम्बन्धित | रमजान, ईद उल फित्र |
चन्द्रमा रात वा चन्द्र रात (बङ्गाली: চাঁদ রাত) (शाब्दिक रूपमा चन्द्रमाको रात) इस्लाम धर्मवलम्वीहरूको महान चाड ईद उल फित्रको पूर्वसन्ध्यामा बङ्गलादेश, पाकिस्तान र भारतमा प्रचलित बङ्गाली, उर्दु र हिन्दीमा प्रयोग हुने एक अभिव्यक्तिका हो भने यसका साथै यसको अर्थ अरबी महिनाको शोवालको पहिलो दिनमा देखा पर्ने नयाँ चन्द्रको रात पनि हो। यस समयमा स-परिवार वा साथीहरू रमजानको अन्तिम दिन नयाँ चन्द्र हेर्न खुला स्थानमा जम्मा हुन्छन्। नयाँ चन्द्रले इस्लामिक शोवाल महिनाको आगमन र ईदको दिनको सङ्केत गर्छ। नयाँ चन्द्रमा देखा परेपछि मानिसहरूले एकअर्कालाई चाँद रात मोबारक ("नयाँ चन्द्रको शुभकामना") वा ईद मोबारक ("ईदको शुभकामना") भनेर आपसमा शुभकामनाहरू आदनप्रदान गर्दछन्। महिलाहरूले र किशोरीहरूले मेहेन्दीद्वारा आफ्ना हातहरू सजाउँछन् र अर्को दिनको ईदको लागि मिठाइँ तयार पारी अन्तिम चरणको किनमेल गर्दछन्।[१] सहरका सडकहरू उत्सवको र व्यापारी बत्तीद्वारा सजाइन्छन् भने यसका साथै यस रात्रीकालिन बजरहरू रातभर खुला रहन्छन्। पूरा दक्षिण एसियामा मुसलमानहरूले (कहिलेकाहीँ गैर-मुसलमानहरूले पनि) सामाजिक-सांस्कृतिक दृष्टिले चन्द्रमा रातको उत्सव उत्साहका साथ मनाउँछन्। यो रात क्रिसमसको पूर्वसंध्या साथ तुलनीय छ।[२][३]
उत्सव
[सम्पादन गर्नुहोस्]चन्द्रमा रातका दिन समितिद्वारा चन्द्रमा हेर्ने समयको घोषणा भएसँगै मस्जिद, टेलिभिजन च्यानल र रेडियो स्टेसनहरूबाट यसबारे घोषणा गरिन्छ। चन्द्रमा रातको उत्सव प्रायः तुरुन्तै सुरु हुन्छ र बिहान फज्रको नमाजसम्म रातभर जारी रहन्छ। अधिकांश परिवारहरू नजिकैको स्थानीय बजारमा आफ्नो अन्तिम किनमेल गर्न जान्छन्। महिलाहरू सामान्यत: सलवार-कामिज, चुरा, गहना र झोला किन्छन् भने पुरुषहरू प्रायः जुत्ता किन्ने गरेको पाइन्छ। यस रात उनीहरूले साथीहरूका लागि उपहार र मिठाइँ तथा साना बालबच्चाहरूका लागि खेलौना किनेर फर्कन्छन्। अर्को दिनको तयारीका लागि साँझमा हजमको दोकान र ब्युटी पार्लरहरूमा धेरै भिड देखिन्छ। महिला र किशोरीहरूले महेन्दीले आफ्ना हातहरू सजाउँछन्। बजारसँगै सरकारी भवन, बैंक र मस्जिदहरूमा थुप्रै बत्तीहरू जडान गरि राम्रोसँग सजाइन्छ। चन्द्रमा रातले सबै उमेरका मानिसहरूलाई आफ्ना साथीहरू र विस्तारित परिवारसँग भेट्ने अवसर दिन्छ।[४]
सन्दर्भ सामग्रीहरू
[सम्पादन गर्नुहोस्]- ↑ "'Chand Raat' is here again"। Jamila Achakzai। The News। सङ्ग्रह मिति २५ जुन २०१७।
- ↑ "12 Things That Only Pakistanis Do On Chand Raat"। Adeela Akmal। Web Chutney। सङ्ग्रह मिति २५ जुन २०१७।
- ↑ "City gears for Chand Raat"। Times of India। ५ डिसेम्बर २००२। सङ्ग्रह मिति २००९-०८-०१।
- ↑ "13 Times Pakistanis Go Wild On Every Chaand Raat"। Shugal.com। सङ्ग्रह मिति २५ जुन २०१७।