चिनियाँ नयाँ वर्ष

चीनियाँ नयाँ वर्ष 春節
वैकल्पिक नाम	लुनर नयाँ वर्ष, स्प्रीङ फेस्टिवल
अनुयायी	बिश्वभरका चाइनिज समुदायहरू
प्रकार	एसियाली पर्व
मिति	Lunar/Lunisolar New Year's Day
आवृत्ति	वार्षिक
सम्बन्धित	लालटिन पर्व

दक्षिणी चिनमा चिनियाँ नयाँ वर्ष (फेब्रुअरी ३, २०११)

म्यान्चेस्टर मा चिनियाँ नयाँ वर्ष

चिनियाँ नयाँ वर्ष (अन्य नाम: स्प्रीङ फेस्टिवल) विश्व भर फैलिएर रहेका चीनियाँ जनताका लागि एक महत्त्वपूर्ण पर्व हो । चीनिया पात्रो र मितिहरू सूर्यमा आधारित नभई परम्परागत रूपमा चन्द्रमामा आधारित हुन्छन् । यो नयाँ वर्ष लुनार (चन्द्रमामा आधारित) पात्रोको शुरूवात संगै सुरु हुन्छ र १५औं दिन लालटिन पर्व (ल्यान्टर्न फेस्टिवल) का साथ अन्त्य हुन्छ ।

चीनियाँहरू यो पर्वलाई १५ दिन सम्म मनाउने गर्दछन । बिदाको दिन साँझमा उनीहरू परिवारमा जम्मा भइ खाना खान आउने गर्दछन । त्यो खानालाई "रेयुनिनल डिनर" भन्ने गरिन्छ । जतिसुकै टाढा भएपनि चीनियाहरू कम्तिमा वर्षमा एकपल्ट यो समय आफ्नो परिवारसँग भेट्ने कोसिस गर्छन । खानामा रमाइलो गर्नुको साथसाथै परिवार सँगै नयाँ वर्षको सन्ध्याको पर्व (New Year Eve's gala) पनि हेर्ने गर्छन । विवाहित छोरीहरू पनि आफ्नो आमाबुबालाई भेट्न माइतमा जाने गर्छन ।

नयाँ वर्षको सुरुवातमा

नयाँ वर्षको सुरुवातका पहिला केही दिनहरूमा चिनियाँहरू आफ्नो हजुरबुबा हजुरआमा, आमाबुबा साथीहरू र नातेदारहरूसँग भेटघाट गर्ने गर्छन । वृद्ध तथा विवाहित मानिसहरू बच्चाहरूलाई रातो कागचवाला प्याकेटहरू दिन्छन । त्यो प्याकेट भित्र पैसा हुन्छ जुन भाग्यले दिएको विश्वास गरिन्छ ।

चिनियाँहरू घुम्न जाँदा नयाँ कपडाहरू लगाएर जाने गर्छन्, जुन प्रायः रातो रङ्गमा हुने गर्छ । जब उनिहरू अरू मानिसलाई देख्छन्, उनिहरू सुभकामना दिन विशेष वाक्यांशहरू प्रयोग गर्ने गर्छन् । उनीहरू सुभकामनाको लागि म्यान्डारिन सुन्तला पनि साटासाट गर्छन् ।

नयाँ वर्षको अबेरमा

नयाँ वर्ष उत्सवको अन्तिम दिनलाई लालटिन पर्व भनिन्छ । यस दिन घरघरमा परिवारहरू चिप्लो चामलबाट बनेको पकौडि तथा गुजिया पकाउछन् र यी परिकारहरूलाई मीठो (गुलियो) सुपसँग खान्छन् । चाइना अथवा चाइनाटाउनका गल्लीहरू राम्रा राम्रा लालटिनहरूले सजाइएका हुन्छन । यो दिनमा परम्परागत रूपमा युवक तथा युवतीहरूले आफ्नो जिवनसाथी छान्ने चलन रहिआएको छ । धेरै वर्ष अघि चिनमा धनी परिवारका महिलाहरू नोकर्नीहरूसँग घर भन्दा बाहिर जाने अनुमती पाएका समय थियो ।

सुरुवात

जनावर	मितिहरू		अन्य मितिहरू
鼠 मुसा	फेब्रुअरी १९, १९९६	फेब्रुअरी ७, २००८	जनवरी २५, २०२०
牛 गोरु	फेब्रुअरी ७, १९९७	जनवरी २६, २००९	फेब्रुअरी १४, २०२१
虎 बाघ	जनवरी २८, १९९८	फेब्रुअरी १४, २०१०	फेब्रुअरी २५, २०२२
兔 खरायो	फेब्रुअरी १६, १९९९	फेब्रुअरी ३, २०११	जनवरी २७, २०२३
龍 अजिङ्गर	फेब्रुअरी ५, २०००	जनवरी २३, २०१२	फेब्रुअरी १४, २०२४
蛇 सर्प	जनवरी २४, २००१	फेब्रुअरी १०, २०१३	जनवरी १९, २०२५
馬 घोडा	फेब्रुअरी १२, २००२	जनवरी ३१, २०१४	फेब्रुअरी २१, २०२६
羊 बाख्रा	फेब्रुअरी १, २००३	फेब्रुअरी १९, २०१५	फेब्रुअरी २६, २०२७
猴 बाँदर	जनवरी २२, २००४	फेब्रुअरी ८, २०१६	जनवरी १४, २०२८
雞 भाले	फेब्रुअरी ९, २००५	जनवरी २८, २०१७	फेब्रुअरी २, २०२९
狗 कुकुर	जनवरी २९, २००६	फेब्रुअरी १६, २०१८	फेब्रुअरी १७, २०३०
豬 सुँगुर	फेब्रुअरी १८, २००७	फेब्रुअरी ५, २०१९	जनवरी २०, २०३१

चीनियाँ नयाँ वर्ष, नयाँ वर्षको पहिलो दिन देखी सुरु हुन्छ । त्यो दिन आकाश नयाँ चन्द्रमा हुन्छ, जुन १४ दिनपछि लालटिन पर्व सँगै अन्त्य हुनछ ।