चुनबहादुर थामी

स्वतन्त्र विश्वकोश, नेपाली विकिपिडियाबाट
Jump to navigation Jump to search


Chun Bahadur Thami.jpg

संविधानसभामा एक मात्र थामी जातिका सभासद् हुनुहुन्छ, चुनबहादुर थामी। उहाँ थामी राष्ट्रिय मुक्तिमोर्चाका अध्यक्ष हुनुहुन्छ तथा माओवादी दोलखा सचिवालय सदस्य हुनुहुन्छ।

०५३ मा एमाले छाडेर माओवादीमा प्रवेश गर्नुभएको थियो। ०५७ मा उहाँ माओवादी दोलखा सदस्य र थामी राष्ट्रिय मुक्तिमोर्चाको अध्यक्ष हुनुहुन्छ। १० जनाको परिवारमा उहाँका सबै माओवादी पूर्णकालीन कार्यकर्ता छन्। उहाँको परिवार नै राजनीतिक पृष्ठभूमिका छन्। उहाँका तीन भाइ सेना र एक छोरी जनमुक्ति सेनामा छन्।

पिछडिएका जनजातिलाई स्वशासन, आत्मनिर्णयको अधिकार दिलाउन संविधानमा सुनिश्चित गराउन पहल गर्ने बताउनुहुन्छ। यसैगरी, अल्पसंख्यक आदिवासीलाई प्राकृतिक श्रोत परिचालनको अधिकार संविधानमै लेखाउने उहाँको अर्को एजेण्डा छ। गरीब जनताको पक्षमा लडेको हुनाले र माओवादीको जनमुखी कार्यदिशा भएकाले आफूलाई चुनेको उहाँले बताउनुहुन्छ।[१]

व्यक्तिगत विवरण :

नाम : चुन बहादुर थामी 

श्रीमतीको नाम : पम्फावती थामी 

छोराछोरी : एक छोरी , तीन छोरा 

ठेगाना : साबिक: लापिलाङ - ६, दोलखा

          हाल: कालिन्चोक गा.पा. ५, दोलखा

जन्ममिती : २०१४/०५/17

राजनीतिक पृष्ठभुमि ; 

  • २०३६ सालमा बहुदलमा मतदान, तत्कालीन ने.क.पा. (मा. ले.) मा आवद्ध ।
  • २०४२ सालमा सक्रिय कार्यकर्ता ।
  • २०४३ सालमा निको थामी सेवा समितिको सचिव । साथै माधव पौडेल, अमृत बोहरा, केशव बडाल, लगायतका नेताहरूसँग भूमिगत रूपमा सङ्गठन विस्तार ।
  • २०४५ सालमा किसान सङ्गठनको जिल्ला सचिव । 
  • २०४५/२०४६ सालमा भुमिगत, बहुदलीय व्यवस्था ल्याउनको लागि जनजागरण ।
  • २०४७ सालमा तत्कालीन एमालेमा आबद्ध । सङ्गठनमा रही काम गरेको ।
  • २०५२ सालमा ने क पा (माओवादी) मा प्रवेश । किसान सङ्गठनको जिल्ला सचिव । गाउँ पार्टी कमिटीको सचिव ।
  • २०५४ सालमा जिल्ला समिति सदस्य ।
  • २०५५ सालमा भूमिगत ।
  • २०५७ सालमा थामी राष्ट्रिय मुक्ति मोर्चा गठन । सङ्गठनको केन्द्रिय संयोजक ।
  • २०६० चैत १ र २ गते मोर्चाको प्रथम राष्ट्रिय सम्मेलन । केन्द्रीय अध्यक्ष ।
  • २०६२ सालमा ने क पा (माओवादी) को क्षेत्रीय व्यूरो सदस्य ।
  • २०६३ सालमा मोर्चाको दोश्रो राष्ट्रिय सम्मेलनबाट फेरि केन्द्रीय अध्यक्षमा निर्वाचित ।
  • २०६४ सालमा सभासद ।

सन्दर्भ[सम्पादन गर्ने]