छक्का पन्जा ५

छक्का पन्जा ५
निर्देशक	दीपाश्री निरौला
लेखक	दीपकराज गिरी
निर्माता	केशव न्यौपाने दिपेन्द्र खनिया
मुख्य कलाकार	दीपकराज गिरी केदार घिमिरे दीपाश्री निरौला वर्षा शिवाकोटी राजाराम पौडेल प्रकाश घिमिरे
छायाङ्कन	उत्तम हुमागाईँ
सम्पादन	विपिन मल्ल
सङ्गीत	शम्भुजित बासकोटा दीपक शर्मा बाबुल गिरी
वितरक कम्पनीहरू	आमा सरस्वती मुभिज आइएमई
प्रदर्शन मिति	१० अक्टोबर २०२४ (2024-10-10)
अवधि	१६५ मिनेट
देश	नेपाल
भाषा	नेपाली
लागत	अनुमानरू३ करोड (युएस$२६०,०००)
बक्स अफिस	अनुमानरू१५.२० करोड (युएस$१.३ मिलियन)

छक्का पन्जा ५ वि.सं २०८१ को एक नेपाली हास्य चलचित्र हो, जसको पटकथा दीपकराज गिरीले लेखेका हुन् र निर्देशन दीपाश्री निरौलाले गरेकी हुन्। आमा सरस्वती मुभिज र आइएमई प्रेजेन्टको ब्यानरमा केशव न्यौपाने र दिपेन्द्र खनियाद्वारा निर्मित यस चलचित्रमा दीपकराज गिरी, केदार घिमिरे, दीपाश्री निरौला, वर्षा शिवाकोटी, राजाराम पौडेल र प्रकाश घिमिरेको मुख्य अभिनय रहेको छ।

यो चलचित्र दसैँ पर्वको अवसर पारेर २०८१ असोज २४ मा प्रदर्शन गरिएको थियो।

कथावस्तु

यस चलचित्रको कथा पृथ्वी नामक एक इमानदार र देशप्रेमी सरकारी कर्मचारीको वरिपरि घुम्छ, जो आफूलाई राजा पृथ्वीनारायण शाहको वंशज ठान्छन्। राष्ट्रको सेवा गर्नुपर्छ भन्ने बुबाको शिक्षाबाट प्रेरित भएर पृथ्वी समाजको भलाइका लागि काम गर्न र भ्रष्टाचार कम गर्न प्रयासरत रहन्छन्। तर, उनको इमानदारीले उनलाई फाइदाभन्दा बढी समस्या निम्त्याउँछ, किनकि उनलाई परिवार र समाजबाट भ्रष्ट कर्मचारीहरूको बाटो पक्रन दबाब दिइन्छ।

लमीको प्रलोभन र प्रयासमा परेर रोशनीको विवाह पृथ्वीसँग हुन्छ। रोशनी विदेशमा जीवन बिताउने सपना बोकेर बसेकी हुन्छिन्, जुन पृथ्वीको दृढ देशप्रेमको विचारधारासँग ठ्याक्कै मेल खाँदैन; किनकि पृथ्वी नेपाल छोड्न चाहँदैनन्। इमानदार अधिकृतले सामाजिक घृणाको सामना गर्नुपर्ने यसै परिदृश्यमार्फत चलचित्रले नेपाली समाजमा भ्रष्टाचारको व्याप्त सामान्यीकरणमाथि व्यङ्ग्यात्मक आलोचना प्रस्तुत गरेको छ।

कलाकारहरू

• दीपकराज गिरी - पृथ्वीविक्रम / राजाको रूपमा
• केदार घिमिरे - माग्नेको रूपमा
• वर्षा शिवाकोटी - रोशनीको रूपमा
• दीपाश्री निरौला
• राजाराम पौडेल
• प्रकाश घिमिरे
• मेक्सम गौडेल
• नरेन्द्र थापा

संगीत

"बिहे भाको छैन" २०८१ साउन २८ मा सार्वजनिक गरिएको थियो। त्यस्तै, "ब्रेकअप सङ" २०८१ असोज २ मा सार्वजनिक गरिएको थियो।

क्र.सं.	शीर्षक	सङ्गीत	गायक/गायिका(हरू)	लम्बाइ
१.	"बिहे भाको छैन"	दीपक शर्मा	सविन सुवेदी, बेनिषा पौडेल	५:०१
२.	"ब्रेकअप सङ"	बाबुल गिरी	बाबुल गिरी, दीपाश्री निरौला	५:३५
कुल लम्बाइ:				१०:३६

बक्स अफिस

चलचित्र विकास बोर्डको आधिकारिक रिपोर्ट अनुसार यस चलचित्रले नेपालको बक्स अफिसमा १५ करोड २० लाख रुपैयाँ कुल कमाइ गरेको थियो।

बाह्य कडीहरू

• इन्टरनेट चलचित्र डेटाबेसमा छक्का पन्जा ५