जी टिभी

जी टिभी
सुरुवात	ढाँचा:Launch date and age
मालिक	जी नेटवर्क
दृश्य ढाँचा	576i (SDTV 16:9, 4:3), 1080i (HDTV)
नारा	उम्मीद से सजे जीन्दगी
देश	भारत
प्रधान कार्यालय	बम्बाइ, महाराष्ट्र, भारत
भातृ च्यानल(हरू)	जी सिनेमा जी एक्शन जी प्रीमियर जी जागरण
वेबसाइट	www.zeetv.com

जी टिभी भारतको एस्सेल समूहको स्वामित्व रहेको हिन्दी भाषाको एक सामान्य मनोरञ्जनात्मक टिभी च्यानल हो। यो अन्य थुप्रै भातृ च्यानलहरूसँग जोडिएको छ, जसले हिन्दी, अङ्ग्रेजी र भारतका कतिपय क्षेत्रीय भाषाहरूमा सेवा प्रदान गर्दछन्। सन् १९९२ मा, एस्सेल समूहको एम्पायर होल्डिङ कम्पनी लिमिटेडलाई जन सञ्चार र मनोरञ्जनको क्षेत्रमा एस्सेल ग्रुप भेञ्चरको उद्यमको रूपमा जी टेलिफिल्म्समा परिवर्तन गरियो (पछि यसलाई जी इन्टरटेनमेन्ट इन्टरप्राइजेजमा नामकरण गरियो)। यस समूहका अध्यक्ष सुभास चन्द्र हुन्, जो भारतको राज्य सभामा भारतीय जनता पार्टी समर्थित सदस्य हुन्। जी टिभीको आरम्भ २ अक्टोबर १९९२ मा कम्पनीको प्रमुख च्यानलको रूपमा गरिएको थियो। यो च्यानल भारतको पहिलो हिन्दी भाषा सदस्यता च्यानल थियो।

इतिहास

सन् १९९२ मा एस्सेल समूहको एम्पायर होल्डिङलाई जी टेलिफिल्म्स लिमिटेडमा परिवर्तन गरियो। जी टिभी च्यानललाई कम्पनीको प्रमुख च्यानलको रूपमा शुरू गरियो। यस च्यानलको प्रसारण पहिलो पटक १ अक्टोबर १९९२ गरिएको थियो। त्यस पश्चात् सन् १९९३बाट यसले २४/७ च्यानलको रूपमा आफ्नो प्रसारण शुरू गरेको थियो। सन २०१३ मा जी टिभी र यसका भातृ च्यानलहरूमा बाण्डलाई नै सुधार तथा परिवर्तन गरिएको थियो।

सामग्री

यस च्यानलले परिवार र नयाँ पुस्ताका मानिसहरूको लागि हास्यव्यङ्ग्य तथा ड्रामा सामग्रीहरू प्रायः जसो प्रसारण गर्दछ। यसले विभिन्न वास्तविक कार्यक्रमहरू (रियालिटी शो) पनि प्रसारण गरेको छ, ती मध्ये केही शाबाश इण्डिया, सा रे ग म ग प, आई क्यान डु द्याट, इण्डियाज बेस्ट सिनेस्टार्स की खोज, र डान्स इण्डिया डान्स हुन्।

बाह्य कडीहरू

• आधिकारिक वेबसाइट