जेम्स पीस

Wiesbaden मा घरमा जेम्स शान्ति

केनेथ जेम्स पीस (अंग्रेजी: Kenneth James Peace) को जन्म पेस्लेमा २८ सितम्बर, १९६३ भएको हो। उनी एकजना स्कटिस संगीतकार, पियानोवादक एवम् मञ्च कलाकार हुन्।

जीवनी

जेम्स पीसको जन्म २८ सितम्बर, १९६३ मा स्कटल्यान्डको पेस्लेमा (अंग्रेजी: Paisley) भएको थियो। उनले आफ्नो बाल्यकालको अधिकांश समय स्कटल्यान्डको पश्चिममा अवस्थित समुद्री किनारको रिसोर्ट हेलेन्सबर्गमा (अंग्रेजी: Helensburgh) बिताएका हुन्।

उनका परिवारमा धेरै कलाकारहरू थिए (जस्तै जोन म्याकघी, अंग्रेजी: John McGhie), र उनी २० औं शताब्दीको पूर्वाद्धमा लोकप्रिय रहेको नृत्य संगीतको रचनाकार फेलिक्स बर्न्ससँग (अंग्रेजी: Felix Burns) पनि सम्बन्धित छन्। उनले आठ वर्षको उमेरबाट पियानोको तालिम ग्रहण गरे। उनले आफ्नो पहिलो  सार्वजनिक प्रदर्शन चौध वर्षको कलिलो उमेरमा स्कट जोप्लिनको संगीतमा (अंग्रेची: Scott Joplin) सहभागी कलाकारका रूपमा प्रदर्शन गरेका हुन्। सोह्र वर्षको उमेरमा उनी रोयल स्कटिस संगीत नाटक अकादमी (अहिले Royal Conservatoire of Scotland भनिन्छ) मा सबैभन्दा कान्छो पूर्णकालिक विद्यार्थीको रूपमा भर्ना भएका थिए। सन् १९८३ मा उनले ग्लासगो विश्वविद्यालयबाट पियानो शिक्षण बीए डिग्रीसहित स्नातक गरे। अर्को वर्ष उनले RSAMD अर्केस्ट्रासँग मेन्डेलसोनको (चर्मन भाषा: Mendelssohn) पियानो कन्सर्टो नम्बर १ जादूमय पियानो बजाएर संगीत प्रदर्शनमा डिप्लोमा प्राप्त गरे। औपचारिक शिक्षा पूरा गरेपछि उनको पियानोवादकको रूपमा धेरै माग हुनथल्यो र उनी १९८८-१९९१-मा एडिनबर्गमा (अंग्रेची: Edinburgh) बसे।

जेम्स पीस १९९१-२००९ मा ब्याड नेउहेम (जर्मन भाषा: Bad Nauheim), जर्मनी (जर्मन भाषा: Bundesrepublik Deutschland) मा बस्नपुगे। १९९८ बाट उनले ट्याङ्गोको अध्ययन गरे, आफ्नै ट्याङ्गो-प्रेरित पियानो रचनाहरूको सीडी ट्याङ्गो एस्कोस ʺस्कटिस ट्याङ्गोʺ (Tango escocés) उत्पादन गर्नथाले। २००२ मा उनी भिक्टोरिया संगीत कलेजको मानद सदस्य (अंग्रेची: ʺFellowʺ) बने। उनी सोही वर्ष सितम्बर/अक्टोबरमा उत्तरी जर्मनी र नोभेम्बरमा सुदूर पूर्व  एकल कन्सर्ट टूरमा गए, हङकङमा आफ्नो ʺट्याङ्गो XVIIʺ को पहिलो प्रदर्शन गरे।

त्यसपछिका वर्षहरूमा उनको प्रदर्शन युरोपमा केन्द्रित भयो। उनले आफ्नै ट्याङ्गोहरू आम्सटर्डम, एथेन्स, बर्लिन, ब्रुसेल्स, हेलसिङ्की, लिस्बन, लन्डन, म्याड्रिड, ओस्लो, रेक्जाभिक अनि भियना जस्ता राजधानी शहरहरूमा प्रदर्शन गरे ।

२००८ मा उनको ट्याङ्गो सेवालाई कदर गर्दै उनलाई लन्दन संगीत कलेजमा मानद सदस्यता (अंग्रेची: ʺFellowʺ) प्रदान गरियो। एडिनबर्गमा अल्पअवधि बिताएपछि उनी फरवरी २०१० मा जर्मनी फर्के अनि र विस्बाडेनमा (जर्मन भाषा: Wiesbaden) बस्न थाले । यसले नयाँ सिर्जनात्मक कार्यका लागि उनलाई उत्प्रेरित गऱ्यो र उनले आफ्नै केही रचनाहरूका लघु फिल्महरू निर्माण गरे।  ʺजेम्स पीस इन विस्बाडेनʺ वृत्तचित्र उनका सिर्जनाहरू मध्ये प्रमुख हो।

Tango Milonga op. 26

Tango XVIII by James Peace (James Peace, piano)

पुरस्कार तथा सम्मान

●    प्रथम पुरस्कार, ʺAgnes Millar Prize for Sight Readingʺ प्रतियोगिता, ग्लासगो, १९८३

●    प्रथम पुरस्कार, ʺDunbartonshire E.I.S. Prize for Piano Accompanimentʺ प्रतियोगिता, ग्लासगो, १९८४

●    सिबेलियस निबन्ध पुरस्कार, ग्लासगो, १९८५

●    मानद डिप्लोमा, ʺT.I.M.ʺ अन्तर्राष्ट्रिय गीतलेख प्रतियोगिता, रोम, २०००

●    मानद डिप्लोमा, ʺIBLAʺ फाउन्डेशन, न्यूयोर्क, २००२

●    स्मारक पदक (प्रथम श्रेणी), अन्तर्राष्ट्रिय पियानो डुओ संघ, टोकियो, २००२

●    स्वर्ण पदक, "लुटेस" अन्तर्राष्ट्रिय अकादमी, पेरिस, २००८

Idylls Op.4b. by James Peace

प्रमुख कृति

झरना (अंग्रेजी: The Waterfall)

• काव्य (अंग्रेजी: Idylls)

• बिहानीको प्रेम संगीत (प्फ्रान्सेली: Aubade)

• साैन ऑंसुहरू (अंग्रेजी: Silent Tears)

• बिर्सिएका पातहरू (अंग्रेजी: Forgotten Leaves)

• ओबो सोनाटा (अंग्रेजी: Sonata for oboe and piano)

• बालाट (फ्रान्सेली भाषा: Ballade)

• औपचारिक सार्च नं. १ (अंग्रेजी: Ceremonial March No.1)

• औपचारिक सार्च नं. २ (अंग्रेजी: Ceremonial March No.2)

• शरद सुन (अंग्रेजी: Autumn Gold)

• अनन्त गीत (अंग्रेजी: Eternal Song)

• ʺजर्जियाका लागिʺ (चर्चिस स्प्रेच: საქართველოსთვის)

  (गीत : तमर चिक्भाइडेज्, जुराब चिक्भआइडेज अनि जेम्स पीस)

• पियानोका लागि २४ ट्याङ्गोस

बाह्य कडीहरू

Souvenir de Buenos Aires (पियानो), youtube

Autumn Gold, youtube

Lento Lacrimoso, youtube