ट्विच

ट्विच इन्टरएक्टिभ

स्रकिनसट  नोभेम्बर २०२४ मा, खिचिएको गृहपृष्ठ
व्यावसायको प्रकार	सहायक कम्पनी
साइटको प्रकार	प्रत्यक्ष प्रसारण मागमा भिडियो सेवा
उत्तराधिकारी(हरू)	जस्टिन टिभी
सेवा क्षेत्र	विश्वव्यापी
संस्थापक (हरू)	जस्टिन कान एमेट सेयर माइकल सेबेल काइल भोग्ट केभिन लिन
मुख्य व्यक्तिहरू	डेनियल क्ल्यान्सी (कार्यकारी अधिकृत) लौरा ली (सामग्री अधिकृत) स्टिभ बुम (उपाध्यक्ष)
अभिभावक	अमेजन
युआरएल	twitch.tv
व्यवसायिक	हो
दर्ता	वैकल्पिक
चालु भएको मिति	जुन ६, २०११ (२०११-०६-06)
वर्तमान स्थिति	सक्रिय

ट्विच एक अमेरिकी भिडियो लाइभ-स्ट्रिमिङ सेवा हो जुन भिडियो गेममा लोकप्रिय छ, जसमा इस्पोर्ट्स प्रतियोगिताहरू पनि प्रसारण पनि गरिन्छ। यसले सङ्गीत प्रसारण, रचनात्मक सामग्री, र प्रत्यक्ष प्रसारणहरू पनि प्रदान गर्दछ। ट्विच अमेजनको सहायक कम्पनी ट्विच इन्टरेक्टिभद्वारा सञ्चालित छ। यसलाई जुन २०११ मा सामान्य प्रत्यक्ष प्रसारण सेवा जस्टिन टिभीको उत्तराधिकारीको रूपमा प्रस्तुत गरिएको थियो।

यसमा सामग्रीहरू प्रत्यक्ष वा भिडियो मार्फत माग अनुरुपमा हेर्न सकिन्छ। ट्विचको हालको गृहपृष्ठमा देखाइएका गेमहरू दर्शकहरूको प्राथमिकता अनुसार सूचीबद्ध छन् र वास्तविक-समय रणनीति, लडाई, रेसिङ र पहिलो-व्यक्ति सुटर जस्ता खेलका प्रकारहरू समावेश छन्।

ट्विचको लोकप्रियताले जस्टिन टिभीको अधिग्रहणसँगै बढेको थियो। अक्टोबर २०१३ मा, वेबसाइटमा ४.५ करोड प्रयोगकर्ताहरू थिए, र फेब्रुअरी २०१४ सम्ममा, यसलाई संयुक्त राज्य अमेरिकामा चरम इन्टरनेट ट्राफिकको चौथो सबैभन्दा ठूलो स्रोत मानिएको थियो। सोही समयमा, जस्टिन टिभीको मूल कम्पनीलाई ट्विच इन्टरेक्टिभको रूपमा पुन: ब्रान्ड गरिएको थियो र जस्टिन टिभी अगस्ट २०१४ मा बन्द हुँदै गर्दा सामग्रीहरूमा परिवर्तन गरिएको थियो। सोही महिना, यो सेवालाई अमेजनले ९७ करोड अमेरिकी डलरमा अधिग्रहण गरेको थियो, जसले पछि कम्पनीको सदस्यता सेवा अमेजन प्राइमसँग सहकार्यको परिचय दिएको थियो।

सन् २०१५ सम्ममा, ट्विचको प्रति महिना १० करोड भन्दा बढी प्रयोगकर्ताहरू थिए। सन् २०१७ मा, ट्विच अमेरिकामा भिडियो गेमहरूको लागि अग्रणी लाइभ-स्ट्रिमिङ भिडियो सेवाको रूपमा रहेको थियो। मे २०१९ युट्युब गेमिङ नामक सेवा बन्द भएसँगै यसले फाइदा उठाएको थियो। फेब्रुअरी २०२० सम्म, यसको मासिक रूपमा ३० लाख प्रसारणकर्ताहरू र दैनिक १.५ करोड सक्रिय प्रयोगकर्ताहरू थिए, जसमा १४ लाख औसत समवर्ती प्रयोगकर्ताहरू थिए। मे २०१८ सम्म, ट्विचसँग २७,००० भन्दा बढी साझेदार च्यानलहरू थिए। अक्टोबर २०२३ सम्ममा, ट्विच विश्वको ३७औँ सबैभन्दा बढी हेरिएको वेबसाइट थियो जसमा यसको २०.२६% ट्राफिक संयुक्त राज्य अमेरिकाबाट आएको थियो, त्यसपछि जर्मनी ७.०८% र दक्षिण कोरिया ५.४९% रहेको थियो। सन् २०२३ को अन्तमा, ट्विचले निषेधात्मक लागतको हवाला दिँदै आफ्नो सञ्जाल शुल्क नीतिका कारण सन् २०२४ मा दक्षिण कोरियामा सञ्चालन बन्द गर्ने घोषणा गरेको थियो।

बाह्य कडीहरू

• आधिकारिक वेबसाइट
• आधिकारिक बारेमा पृष्ठ
• ट्विचसँग सम्बन्धित चित्र तथा श्रव्यदृश्यहरू विकिमिडिया कमन्समा रहेको छ।