तिम्सिना

तिमिल्सिना नेपालमा बसोवास गर्ने ब्राह्मण तथा क्षेत्री को थर हो । तिमिल्सिना खस जाति को थर हो । तिमिल्सिनाहरूको गोत्र मौद्गल्य हुन्छ । वि.स‌ं. ४१० तिर यस थरका ब्राम्हमणहरू पश्चिम नेपालबाट नेपालको भूभागमा प्रवेश गरी नेपालका विभिन्न भूभागमा वसोवास गरेको पाइन्छ । वि.सं‍ ६०८ तिर सिञ्जापति नरेश मयुरभञ्जनपालबाट लालुभट्टका तीन छोरा ईला भट्ट, विशा भट्ट, वासु भट्टले अछाम जिल्ला को तिमैल्सैन गाउँ विर्ता पाएका थिए । यही तिमैल्सैन गाउँ नै यस थरको उत्पति स्थलको रूपमा मानिन्न । यही स्थानमा आई वसोवाश गरेका कारण ईला भट्ट, विशा भट्ट, वासु भट्टका सन्तानहरू तिमिल्सिना थरले कहलाए । विभिन्न भूगोल अनुसारको उच्चारणको आधारमा तिमिल्सिनाहरू अन्य विभिन्न थर लेख्ने र वोल्ने चलन पनि हुन गयो । यस अनुसार तिम्सिना, तिमल्सिना, तिमल्सेना, तिमिल्सिना, तिमसिना, तिम्सैना आदि लेख्ने प्रचलन रहेको छ। तिमिल्सिनाहरू देशको ७७ जिल्लामा वसोवास रहेको पाइन्छ । तिमिल्सिनाहरूले पछिल्लो समयमा आफ्ना बन्धुबान्धवहरू सङ्गठित हुने प्रयासमा रहेका छन् । जसको लागि तिमिल्सिना समाज नेपाल स्थापना भई हाल क्रियाशिल छ । यस संस्थाको केन्द्र, प्रदेश, जिल्ला, हुँदै गाउँ/नगरका वड समितिहरू समेत क्रियाशील रहेका छन् ।

उल्लेखनीय तिमिल्सिनाहरु

• विक्रम तिमिल्सिना, नेपाली राजनीतिज्ञ र सञ्चार तथा सूचना प्रविधि मन्त्री
• गणेशप्रसाद तिमिल्सिनाा, नेपाली राजनीतिज्ञ र पूर्व राष्ट्रिय सभाका अध्यक्ष
• देवप्रसाद तिमलसेना, नेपाली राजनीतिज्ञ
• रामकृष्ण तिमिल्सिना, पुर्व रजिष्टार सर्वोच्च अदालत
• जन्मजय तिमिल्सिना, नेपाली राजनीतिज्ञ
• बुद्धि तिमल्सिना, कवि, कलाकार
• प्रलाद तिमल्सिना, पत्रकार
• प्रकाश तिमल्सिना, पत्रकार

यो पनि हेर्नुहोला

• आर्य जाति
• आर्य जातिका भाषाहरू
• गोरखा राज्य
• खस जाति
• खस राज्य