तोसिमा कार्की
तोसिमा कार्की | |
|---|---|
 तोसिमा कार्की | |
| स्वास्थ्य तथा जनसङ्ख्या राज्यमन्त्री | |
| राष्ट्रपति | विद्यादेवी भण्डारी |
| मन्त्री | पदम गिरी |
| पूर्वाधिकारी | हिराचन्द्र केसी |
| प्रतिनिधि सभा सदस्य | |
| पूर्वाधिकारी | पम्फा भुषाल |
| निर्वाचन क्षेत्र | ललितपुर ३ |
| व्यक्तिगत विवरण | |
| जन्म | आदिनाथ गाउँ, नख्खु खोला मार्ग, वडा नं. १८, ललितपुर |
| दल | राष्ट्रिय स्वतन्त्र पार्टी |
| शिक्षा | मास्टर्स जनरल सर्जरी (काठमाडौं विश्वविधालय) |
तोसिमा कार्की (वि. सं. २०४६) एक नेपाली राजनीतिज्ञ, पेशाले चिकित्सक र राष्ट्रिय स्वतन्त्र पार्टीकी सदस्य हुन्। उनी हालै ललितपुर ३ बाट प्रतिनिधि सभामा निर्वाचित भएकी छन्। कार्की नेपालको स्वास्थ्य मन्त्रालयका लागि राज्यमन्त्रीको रूपमा ३ माघ २०७९ देखि २२ माघ सम्म सेवा गरिकी थिन।
प्रारम्भिक जीवन
[सम्पादन]उनको जन्म वि. सं. २०४६ मा बुबा पदमबहादुर कार्की र आमा दीपा कार्कीको घरमा भएको थियो।[१] तोसिमा कार्कीको बाल्यकाल ललितपुरमा बितेको थियो।[२] सहिद धर्मभक्त विद्यालय, ललितपुर महानगरपालिकामा कक्षा १० सम्म पढेकी उनले चोभारको मोर्डन इन्डियन स्कुलबाट कक्षा ११ र १२ पूरा गरेकी हुन्।[१]
उनले ललितपुरको किस्ट मेडिकल कलेजबाट एमबीबीएस र काठमाडौँ विश्वविद्यालयबाट जनरल सर्जरीमा स्नातकोत्तर गरेकी छन्।[१] उनी नेपाल मेडिकल काउन्सिलको जनरल शल्यचिकित्सक र कार्यकारी समितिको सदस्य पनि हुन्।[३][४]
राजनीतिक जीवन
[सम्पादन]उनी रवि लामिछानेले बनाएको राष्ट्रिय स्वतन्त्र पार्टीमा प्रवेश गरेकी थिइन्।[५] उनको उम्मेदवारीलाई नेपाल निर्वाचन आयोगले सुरुमा अस्वीकार गरेको थियो, तर कार्कीले आफ्नो उम्मेदवारीलाई कायम राख्न सर्वोच्च अदालतमा रिट दायर गरेकी थिइन्।[६][७]
कार्की तत्कालीन मन्त्री पम्फा भुसाललाई पराजित गर्दै प्रतिनिधि सभा निर्वाचन, २०७९मा ललितपुर ३ बाट प्रतिनिधि सभा सदस्यमा निर्वाचित भएकी थिइन्।[८][९] उनी गोविन्द केसीको समर्थक हुन्।[१०] वि. सं. २०७९ माघ ३ मा, उनी पुष्पकमल दाहालको प्रधानमन्त्री तेस्रो मन्त्रिपरिषद्मा स्वास्थ्य तथा जनसङ्ख्या राज्यमन्त्री मन्त्री भइन्।[११][१२]
प्रधानमन्त्री पुष्पकमल दाहालले नागरिकता मुद्दामा अदालतले पदमुक्त गरेपछि गैरसांसद बनेका रास्वपाका सभापति रवि लामिछानेलाई पुनः गृहमन्त्री बनाउन अस्वीकार गरेपछि राष्ट्रिय स्वतन्त्र पार्टी (रास्वपा) सरकारबाट बाहिरिएको थियो।[१३] सो कारण कार्यभार सम्हालेको १९ दिनमै तोसिमा कार्की पदमुक्त भएका छन्।[१४][१५]
चलचित्र सूची
[सम्पादन]| वर्ष | चलचित्र | भूमिका | टिप्पणीहरू | सन्दर्भ |
|---|---|---|---|---|
| २०७९ | महापुरुष | चिकित्सक | पहिलो चलचित्र | [१६] |
चुनावी इतिहास
[सम्पादन]| ललितपुर ३ | |||
|---|---|---|---|
| दल | उम्मेदवार | मतदान | |
| राष्ट्रिय स्वतन्त्र पार्टी | तोसिमा कार्की | ३१,१३६ | |
| नेकपा एमाले | अमृत खड्का | १२,९६३ | |
| नेपाल कम्युनिस्ट पार्टी (माओवादी केन्द्र) | पम्फा भुषाल | ८,७६९ | |
| नतिजा | तोसिमा कार्की निर्वाचित | ||
| स्रोत: निर्वाचन आयोग | |||
प्रतिनिधि सभा निर्वाचन, २०८२
[सम्पादन]प्रतिनिधि सभा निर्वाचन, २०८२मा राष्ट्रिय स्वतन्त्र पार्टीको लागि ललितपुर जिल्ला क्षेत्र नं ३ बाट निर्वाचित भएका हुन्।[१७]
सन्दर्भ सामग्रीहरू
[सम्पादन]- 1 2 3 उपरकाेटी, साइराम (३ माघ २०७९), "अरुलाई प्रश्न सोध्न माहिर ‘डा.तोसिमा’ को अब सुरु भयो परीक्षा", नागरीक, अन्तिम पहुँच २०२३-०१-२४।
- ↑ "ललितपुरबाट तोसिमा कार्की विजयी", गोरखापत्र, अन्तिम पहुँच २०२२-११-३०।
- ↑ "डा. तोसिमा कार्कीको उम्मेदवारी किन भयो खारेज?", हिमालखबर, मूलबाट २०२२-११-३०-मा सङ्ग्रहित, अन्तिम पहुँच २०२२-११-३०।
- ↑ "स्वास्थ्य क्षेत्र सुधारको खाका बनाएको छु : डा. तोसिमा कार्की", गोरखापत्र, अन्तिम पहुँच २०२३-०१-२५।
- ↑ "डा. तोसिमा कार्कीको उम्मेदवारी कायम रहने", गोरखापत्र, अन्तिम पहुँच २०२२-११-३०।
- ↑ "तोसिमा कार्कीको उम्मेदवारी कायम राख्न सर्वोच्च अदालतको आदेश", बीबीसी, २०२२-११-०१, अन्तिम पहुँच २०२२-११-३०।
- ↑ "तोसिमा कार्कीको उम्मेदवारी सर्वोच्च अदालतबाट कायम (आदेशसहित)", कान्तिपुर, अन्तिम पहुँच २०२२-११-३०।
- ↑ "ललितपुर-३ मा रास्वपा उम्मेदवार तोसिमा कार्की १८ हजारभन्दा बढी मतले विजयी", कान्तिपुर, ८ मङ्सिर २०७९, अन्तिम पहुँच २०२२-११-२४।
- ↑ "डा. तोसिमा कार्की स्वास्थ्य राज्यमन्त्री बन्ने", कान्तिपुर, अन्तिम पहुँच २०२३-०१-२४।
- ↑ "डा. गोविन्द केसी मलाई आफूसँगसँगै हिँड्ने छोरी भन्नुहुन्छ", इकागज, मूलबाट २०२४-११-२७-मा सङ्ग्रहित, अन्तिम पहुँच २०२२-११-३०।
- ↑ "मन्त्रिपरिषद् विस्तार, को को बने मन्त्री?", हिमालखबर, मूलबाट २०२३-०१-१७-मा सङ्ग्रहित, अन्तिम पहुँच २०२३-०१-२४।
- ↑ "यस्ता छन् नयाँ मन्त्री", नागरिक, अन्तिम पहुँच २०२३-०१-२४।
- ↑ "रास्वपाका मन्त्रीले प्रधानमन्त्रीलाई बुझाए राजीनामा", न्युज अफ नेपाल, अन्तिम पहुँच २०२३-०२-०५।
- ↑ "लामिछानेले गृहमन्त्री नपाएको झोंकमा सरकारबाट बाहिरियो रास्वपा", कान्तिपुर, अन्तिम पहुँच २०२३-०२-०५।
- ↑ "सरकारबाट बाहिरिने रास्वपाको निर्णय", सेतोपाटी, मूलबाट २०२३-०२-०५-मा सङ्ग्रहित, अन्तिम पहुँच २०२३-०२-०५।
- ↑ "जब तोसिमा कार्की ‘महापुरुष’ खेल्न डराइन्", अनलाइनखबर, अन्तिम पहुँच २०२३-०१-२५।
- ↑ "ललितपुर–३ बाट उम्मेदवारी दर्ता गरिसकेँ: डा. तोसिमा कार्की", www.ratopati.com (Nepaliमा), अन्तिम पहुँच २०२६-०३-२१।
बाह्य कडीहरू
[सम्पादन]