थाक्रे

विकिपिडिया, एक स्वतन्त्र विश्वकोशबाट
थाक्रे
देश नेपाल
प्रदेशबागमती
जिल्लाधादिङ
समय क्षेत्रयुटिसी+5:45 (नेपालको प्रमाणिक समय)

थाक्रे नेपालको बागमती प्रदेश, धादिङ जिल्लामा अवस्थित गाँउपालिका हो।

थाक्रे गाउँपालिका

यो पनि हेर्नुहोस[सम्पादन गर्नुहोस्]


Photo of Dhading District

थाक्रे गाउँपालिका धादिङ जिल्ला कै सबैभन्दा ठूलो गाउँपालिका हो । जनसङ्ख्या र भूगोल दुबै आधारमा जिल्लाकै ठूलो यो गाउँपालिका काठमाडौंबाट ३० किलोमिटर दूरीमा छ । प्रदेश नम्बर ३ अन्तर्गत बाग्मती अञ्चलमा पर्ने थाक्रे गाउँपालिकामा ११ वटा वडा छन् । देशकै पहिलो राजमार्ग त्रिभुवन राजपथ र पृथ्वी राजमार्ग दुबै यो गाउँपालिका हुँदै अघि बढेको छ । यो गाउँपालिकामा बाहुन, क्षेत्री, तामाङ, चेपाङ, नेवार, दलित, मगर लगायत जातजातीको बसोबास छ । अधिकांश थाक्रेबासी कृषिमा निर्भर छन् । विशेषत तरकारी खेति नै थाक्रेका जनताको मुख्य आयश्रोत हो । अन्न बाली र फलफूल यहाँका जनताको बैकल्पिक आय श्रोत गर्ने माध्यम बनेको छ । पर्यटकीय हिसावले निकै सम्भावना बोकेको थाक्रेमा पर्यटन विकासका गतिविधि भने न्यून छ । २०७४ बैसाखमा सम्पन्न स्थानीय तहको निर्वाचनबाट यो गाउँपालिकाको अध्यक्षमा रामकुमार आचार्य अध्यक्ष र अम्बिका रुपाखेती उपाध्यक्षमा निर्वाचित भएका हुन । थाक्रे गाँउपालिकामा साविकका भूमेस्थान, तसर्पु, केवलपुर र गोगनपानी गाविसका वडाहरु गाभिएका हुन । ९६.४१ वर्ग किमी क्षेत्रफल रहेको यो गाउँपालिकाको पूर्वी सिमानामा धुनीबेंशी नगरपालिका, पश्चिममा गल्छी गाउँपालिका र दक्षिणमा मकवानपुर जिल्ला रहेका छन । स्थानीय निर्वाचनका बेला सङ्कलन गरिएको तथ्यांक अनुसार थाक्रे गाँउपालिकाको जनसङ्ख्या ३२,९१४ छ । सरकारले आर्थिक वर्ष २०७४⁄७५ को स्थानीय तहका लागि बिनिमयोजन गरेको बजेटमा थाक्रेलाई ३१ करोड २२ लाख ३५ हजार रुपैंया छुट्याईएको छ । यो बजेट धुनिबेशी नगरपालिकाका लागि छुट्याईएको रकम (२६ करोड ९७ लाख ७६ हजार) भन्दा बढी हो ।

स्थानीय निर्वाचनका लागि थाक्रेमा नेकपा माओवादी केन्द्र र नेपाली कांग्रेसले संयुक्त गठबन्धनमा उम्मेदवारी दिएका थिए । गाँउपालिका अध्यक्ष र उपाध्यक्षमा एमालेले निर्वाचन जितेको थियो भने वडामा पनि नेकपा एमालेकै बर्चश्व रह्यो । ११ मध्ये ८ वटा वडामा एमाले २ वडामा माओवादी केन्द्र र १ वडामा कांग्रेसका उम्मेदवार निर्वाचित भए । वडा नम्बर ५बाट ८६ वर्षीय चन्द्रमाया विश्वकर्मा सदस्यमा विजयी भएकी थिईन । जिल्लामा एक मात्रै वादी समुदायबाट निर्वाचित लक्ष्मी वादी पनि यही गाउँपालिकाको प्रतिनिधित्व गर्छिन ।

सन्दर्भ सामग्रीहरू[सम्पादन गर्नुहोस्]




सन्दर्भ सामग्री[सम्पादन गर्नुहोस्]

बाह्य सूत्र[सम्पादन गर्नुहोस्]