दिपक थापा

महानिरीक्षक दिपक थापा
Nepal Police chief Deepak Thapa
31th प्रहरी महानिरीक्षक
बहालवाला
पद बहाली 18 March 2026
राष्ट्रपति	रामचन्द्र पौडेल
प्रधानमन्त्री	केपी शर्मा ओली
उपराष्ट्रपति	राम सहाय यादव
व्यक्तिगत विवरण
जन्म	२०२८ मंसिर ८ Sipadol,Nepal
मातृ शिक्षाप्रतिष्ठान	त्रिभुवन विश्वविद्यालय

दिपक थापा (जन्म २०२८ मंसिर ८) नेपाल प्रहरीका महानिरीक्षक (आईजीपी) हुन् ।

उनलाई प्रधानमन्त्री केपी शर्मा ओली नेतृत्वको मन्त्रिपरिषद्ले ४ चैत २०८१ मा महानिरीक्षकमा बढुवा गरेको थियो ।

प्रतिष्पर्धी प्रहरी अतिरिक्त महानिरीक्षक (एआईजी) हरुमध्ये वरिष्ठतामा समेत अगाडि रहेका उनलाई सरकारले ५ चैतमा आईजीपीको नियुक्ति पत्र दिएको थियो ।

उनलाई गृहसचिव गोकर्णमणि दुवाडीले आईजीपीको दर्ज्याह्नी चिह्न लगाइदिएका थिए । योसँगै उनी नेपाल प्रहरीको ३०औं महानिरीक्षक बनेका छन् ।  

प्रहरी सेवा

भक्तपुरका स्थायीवासी थापा प्रहरी सेवामा प्रवेश गर्नुअघि स्थायी शिक्षक थिए । उनले २०४६ सालमा आईए उत्तीर्ण गरेर शिक्षक सेवा आयोगको परीक्षा दिएका थिए ।

त्यसक्रममा बीए पढ्दै गर्दा उनले निमाविको स्थायी शिक्षकमा नाम निकाले । त्यसपछि उनले कन्या मावि भक्तपुरमा गणित विषय पढाएका थिए । अध्यापन गराइरहेका बेला प्रहरी निरीक्षकमा भर्ना खुलेको थाहा पाएपछि उनले दर्खास्त दिएका थिए ।

यो १० मंसिर २०५० को कुरा हो । उनी सबै परीक्षामा पास भएर ५५औं नम्बरमा नाम निकाले । पहिलो लटमा सरकारले ५ चैत २०५१ मा १ देखि ५३ नम्बरसम्मलाई भर्ना लियो । विशेष कोटा भनेर गुप्तचरबाट आएका दुई जना गरी ५५ जनालाई तालिममा पठाइयो । तर ५५औं नम्बरमा रहेका थापा छुटे ।

पछि उनले ६ महिनापछि नियुक्ति पाएका थिए ।

दर्जा	बढुवा/नियुक्ति	कैफियत
इन्स्पेक्टर	२०५२ भदौ १९	प्र.नि.पदमा नियुक्ति
डीएसपी	२०६३  भदौ ८
एसपी	२०७२ साउन ८
एसएसपी	२०७५ फागुन ६
डीआईजी	२०७९ असार १७
एआईजी	२०७९ चैत ६