देल्सी रोड्रिगेज

देल्सी रोड्रिगेज
सन् २०२६ मा रोड्रिगेज
भेनेजुएलाको कार्यवाहक राष्ट्रपति
बहालवाला
पदमा ५ जनवरी २०२६
पूर्वाधिकारी	निकोलस मादुरो
भेनेजुएलाको उपराष्ट्रपति
बहालवाला
पदमा १४ जुन २०१८
राष्ट्रपति	निकोलस मादुरो स्वयं (कार्यकारी)
पूर्वाधिकारी	तारेक एल ऐसामी
पेट्रोलियम तथा हाइड्रोकार्बन मन्त्री
बहालवाला
पदमा २७ अगस्ट २०२४
राष्ट्रपति	निकोलस मादुरो स्वयं (कार्यकारी)
पूर्वाधिकारी	पेद्रो तेलेचेया
अर्थ तथा वित्त मन्त्री
पदमा १० सेप्टेम्बर २०२० – २७ अगस्ट २०२४
राष्ट्रपति	निकोलस मादुरो
पूर्वाधिकारी	सिमोज सार्पा
उतराधिकारी	आनाबेल पेरेइरा फर्नान्डेज
संवैधानिक राष्ट्रिय सभाको अध्यक्ष
पदमा ४ अगस्ट २०१७ – १४ जुन २०१८
राष्ट्रपति	निकोलस मादुरो
पूर्वाधिकारी	लुई मिकेलिना (सन् १९९९)
उतराधिकारी	दियोसदादो काबेओ
परराष्ट्रमन्त्री
पदमा २६ डिसेम्बर २०१४ – २१ जुन २०१७
राष्ट्रपति	निकोलस मादुरो
पूर्वाधिकारी	राफाएल रामिरेज
उतराधिकारी	सामुएल मोनकादा
सूचना तथा सञ्चार मन्त्री
पदमा ३ अगस्ट २०१३ – १३ अक्टोबर २०१४
राष्ट्रपति	निकोलास मादुरो
पूर्वाधिकारी	एर्नेस्तो भिएगास
उतराधिकारी	ज्याकलिन फारिया
राष्ट्रपतीय मामिला मन्त्री
पदमा सन् २००६ फेब्रुअरी – सन् २००६ अगस्ट
राष्ट्रपति	ह्युगो चाभेज
पूर्वाधिकारी	हाइमान एल त्रोदी
उतराधिकारी	आदान चाभेज
व्यक्तिगत विवरण
जन्म	देल्सी इलोइना रोड्रिगेज गोमेज (1969-05-18) १८ मे १९६९ कराकस, भेनेजुएला
दल	एकीकृत समाजवादी] (सन् २०१२–२०१८, सन् २०१८ देखि)
जीवनसङ्गी	युसुफ आबु नासिफ इस्माइल (सन् २०१७–हाल)
आमाबुबाहरू	जर्ज आन्तोनियो रोड्रिगेज (बुबा) देल्सी गोमेज (आमा)
आफन्त	जर्ज रोड्रिगेज (दाजु)
शिक्षा	भेनेजुएला केन्द्रीय विश्वविद्यालय (ऐन स्नातक)
पेसा	वकिल राजनीतिज्ञ सरकारी कर्मचारी कूटनीतिज्ञ

देल्सी इलोइना रोड्रिगेज गोमेज (स्पेनी: Delcy Eloína Rodríguez Gómez, जन्म; १८ मे १९६९) भेनेजुएलाकी एक वकिल, कूटनीतिज्ञ तथा राजनीतिज्ञ हुन् जसले सन् २०१८ देखि भेनेजुएलाको उपराष्ट्रपति रूपमा कार्यभार सम्हाल्दै आएरहेकी छिन्। भेनेजुएलाका तत्कालीन राष्ट्रपति निकोलस मादुरोको गिरफ्तारी पछि उनले सन् २०२६ जनवरी ३ का दिन भेनेजुएलाको कार्यवाहक राष्ट्रपति पद सम्हाल्दै त्यसको दुई दिनपछि औपचारिक रूपमा शपथ लिएकी थिइन्। रोड्रिगेजले ह्युगो चाभेज र मादुरोको राष्ट्रपतीय कार्यकालमा अन्तर्गत थुप्रै पदहरू सम्हालेकी थिइन् जसअन्तर्गत उनी सन् २०१३ देखि २०१४ सम्म सञ्चार तथा सूचना मन्त्री, सन् २०१४ देखि २०१७ सम्म परराष्ट्र मन्त्री, सन् २०१७ देखि २०१८ सम्म संविधान सभा अध्यक्ष, सन् २०१८ देखि बोलिभारियाली राष्ट्रिय गुप्तचर संस्थाको प्रमुख र सन् २०२४ देखि पेट्रोलियम मन्त्री थिइन्।

रोड्रिगेज भेनेजुएलाको एकीकृत समाजवादी पार्टीको राष्ट्रिय नेतृत्वकी सदस्य हुन्। मानवअधिकार उल्लङ्घन र देशमा राजनीतिक सङ्कट निम्त्याउन भूमिका खेलेको कारण देखाई उनलाई युरोपेली सङ्घ, संयुक्त राज्य अमेरिका र क्यानडाले प्रतिबन्ध लगाएको थियो। उनको उपराष्ट्रपति पद सन् २०१९ देखि २०२३ सम्म विवादित बनेको थियो। वर्षौंको आर्थिक सङ्कटका बाबजुद पनि भेनेजुएलाको अर्थतन्त्रलाई स्थिर गर्न र अमेरिकी कडा प्रतिबन्धहरूका बाबजुद पनि देशको तेल उत्पादनमा वृद्धि गराउन उनी सफल भएकी थिइन्। सन् २०२६ जनवरी ३ का दिन अमेरिकाको पूर्ण समाधान अभियान मार्फत भेनेजुएलामाथि आक्रमण गरि मादुरोलाई पक्राउ गरेको थियो जसकारण रोड्रिगेज देशको कार्यकारी राष्ट्रपति बन्न पुग्दा सरकार प्रशासनमा उनको भविष्यको भूमिका अस्पष्ट बनेको थियो। उनले पछि राज्य टेलिभिजनमा मार्फत मादुरो भेनेजुएलाका राष्ट्रपति रहिरहने अभिव्यक्ति दिएकी थिइन्। भेनेजुएलाको सर्वोच्च न्यायालयले रोड्रिगेजलाई कार्यकारी राष्ट्रपति बन्न आदेश दिँदा उनी भेनेजुएलाकी पहिलो महिला राष्ट्रपति बन्न पुगेकी थिइन्।

बाह्य कडीहरू

• देल्सी रोड्रिगेजको जीवनी (स्पेनी भाषामा)