धनगढी उपमहानगरपालिका

स्वतन्त्र विश्वकोश, नेपाली विकिपिडियाबाट
(धनगढी नगरपालिका बाट पठाईएको)
यसमा जानुहोस्: परिचालन, खोज्नुहोस्
धनगढी उपमहानगरपालिका
—  उपमहानगरपालिका  —
धनगढी उपमहानगरपालिकाको एक दृष्य
धनगढी उपमहानगरपालिका is located in Nepal
धनगढी उपमहानगरपालिका
धनगढी उपमहानगरपालिका
नेपालको नक्शामा धनगढी उपमहानगरपालिका
निर्देशाङ्क (धनगढी): २८°४१′ उत्तर ८०°३६′ पूर्व / २८.६८३° उत्तर ८०.६००° पूर्व / 28.683; 80.600निर्देशाङ्क: २८°४१′ उत्तर ८०°३६′ पूर्व / २८.६८३° उत्तर ८०.६००° पूर्व / 28.683; 80.600
देश  नेपाल
विकास क्षेत्रहरु सुदूर-पश्चिमाञ्चल
अञ्चल सेती अञ्चल
जिल्ला कैलाली जिल्ला
स्थापना २०७२ आस्विन १
क्षेत्रफल
 - जम्मा १२० किमी (४६.३ वर्ग मी)
जनसङ्ख्या (राष्ट्रिय जनगणना २०६८)
 - जम्मा १३७,६६६
 - जनघनत्व १,१४७.२/किमी (२,९७१.३/वर्ग मी)
समय क्षेत्र नेपालको प्रमाणिक समय (युटिसी+५:४५)
टेलिफोन कोड +९७७-९१
वेबसाइट dhangadhimun.gov.np

धनगढी उपमहानगरपालिका नेपालको सुदूर-पश्चिमाञ्चल विकास क्षेत्र, सेती अञ्चलको कैलाली जिल्लाको एक उपमहानगरपालिका हो। स्थानीय विकास मन्त्रालयले २०७२ आस्विन १ गते २६ नयाँ नगरपालिका र १ उपमहानगरपालिका थप्दा धनगढी उपमहानगरपालिका बनेको हो।[१] धनगढी नगरपालिकामा फूलबारीउर्मा गाविस गाभेर उपमहानगरपालिका बनाएको हो। करिब ९५ वर्ग किलोमिटर क्षेत्रफल रहेको धनगढी उपमहानगरपालिका दक्षिण भारत, पश्चिम कञ्चनपुर, उत्तरमा वेलादेवीपुर गाविस छ। उपमहानगरपालिका सिमाना दक्षिण र पश्चिममा मोहना नदीले र पूर्वमा खुटिया नदीले छुट्याएको छ|

बसोबास[सम्पादन गर्ने]

विसं २०४८ को जनगणनाअनुसार ६८ हजार जनसंख्या (हाल करिव डेढलाख पुगेको अनुमान) रहेको यस उपमहानगरपालिमा बाहुन, क्षेत्री, चौधरी, डगौरा, राना-थारू, ठकुरी र दलित समुदायको बाहुल्य छ। मध्यकालीन समयमा माहाराणा प्रतापका वंशज मानिने राना थारू समुदायले आफ्नो धन (मुद्रा) जमीनमा गाडी सुरक्षित भएर बसेकोले उक्त क्षेत्रको नाम "धनगढी" रहन गएको किंवदन्ती छ। त्यस समयमा भारतमा मुशलमानहरूको दवदवा सहन नसकी त्यहाँका राना-थारूहरू यहाँ आएर बसेका हुन्।

नगर[सम्पादन गर्ने]

झण्डै १३ हजार घर संख्या रहेको उक्त नगरपालिकामा वि.सं. २०३५ तिर भएको पहिलो नगरनिर्वाचनबाट प्रमुखमा यज्ञराज पन्त र उपप्रमुखमा रत्नभक्त श्रेष्ठ निर्वाचित हुनु भएको थियो। नगरपालिकाको स्थापनाकाल २०३३ मा उहाँहरू दुबै जनालाई श्री ५ को सरकारले प्रमुख तथा उप-प्रमुखमा मनोनित गरेको थियो। त्यस पछिको चुनावबाट प्रमुखमा निर्वाचित छेदालाल चौधरी र उपप्रमुखमा निर्वाचित जुद्धलाल राना अर्कोपटक भएको चुनावबाट पनि सोही पदमा निर्वाचित हुनु भएको थियो। वि.सं. २०४९ को नगर चुनावबाट प्रमुखमा नेपाली काङ्ग्रेसका किशोरकुमार बम र उप-प्रमुखमा पनि सोही पार्टीकै उजागर राना निर्वाचित हुनु भएको थियो भने वि.सं. २०४५ मा खेमराज पाण्डेय प्रमुख र नारदमुनि राना उप-प्रमुखमा निर्वाचित हुनु भएको थियो। उहाँहरू दुबैले नेकपा एमालेको तर्फबाट उम्मेदवारी दिनु भएको थियो। निर्वाचिन जनप्रतिनिधिहरूको कार्यकालको समाप्तिसँगै झण्डै दुई वर्षअघि नगर प्रमुखमा धनबहादुर बम र उप-प्रमुखमा श्रीमती जनक कुँवरलाई सरकारले मनोनयन गरेको थियो।

जनसंख्या[सम्पादन गर्ने]

नेपालको सन् २००१को जनगणना अनुसार धनगढी नगरपालिकाको जनसंख्या ६७,४४७ थियो।[२] यस मध्य पुरुष ५२%, र महिला ४८% छन। धनगढी नगरपालिकामा फूलबारीउर्मा यी २ गाउँ विकास समितिहरूलाई मिलाएर धनगढी उपमहानगरपालिका बनाइएको हो।[३] त्यसैले राष्ट्रिय जनगणना २०६८को जनगणना अनुसार धनगढी नगरपालिकामा फूलबारीउर्मा यी २ ठाउँहरूको जनसंख्यालाई जोडेर धनगढी उपमहानगरपालिकाको जनसङ्ख्या १,३७,६६६ रहेको छ ।[३]

पर्यटकिय ठाँउ[सम्पादन गर्ने]

१) जाखोर ताल

२) धनगढी पार्क

३) एअरक्राफ्ट म्युजियम

धार्मिक ठाँउ[सम्पादन गर्ने]

१) नैनादेवी मन्दिर

२) लक्ष्मीनारायण मन्दिर

३) वनदेवी मन्दिर

४) शिवपुरीधाम

यातायात[सम्पादन गर्ने]

सडक यातायात[सम्पादन गर्ने]

धनगढी भारतको उत्तर प्रदेश, सुदुरका पहाडी जिल्लाहरु र काठमाडौं संग सडक सञ्चालनले जोडिएको छ। सुदूरपश्चिमाञ्चल यातायात, कर्णाली यातायात, मालिका यातायात व्यावसायी संघले बस सेवा सञ्चालन गरेका छन।

हवाई यातायात[सम्पादन गर्ने]

सुदूरपश्चिमाञ्चल क्षेत्रिय विमानस्थल धनगढी को गेटामा अवस्थित छ।बुद्ध एअर, नेपाल एअरलाएन्स र यति एअरलायन्सले धनगढी-काठमाडौं विमान सेवा सञ्चालन गरेका छन।

प्रमुख होटेलहरू[सम्पादन गर्ने]

१) होटल डिभोटी (हसनपुर, धनगढी)

२) होटल साथि (धनगढी)

३) होटल रुबस (बैयाबेहडी, धनगढी)

४) होटल जलसा (बसपार्क, धनगढी)

५) होटल जगदम्बा (धनगढी)

६) अमृत प्लाजा (चौराहा, धनगढी)

७) अछाम होटल (बसपार्क, धनगढी)

प्रमुख कलेजहरू[सम्पादन गर्ने]

१) कैलाली बहुमुखी क्याम्पस[सम्पादन गर्ने]

+२: व्यवस्थापन संकाय, विज्ञान संकाय, शिक्षा संकाय, मानविकी संकाय

स्नातक: बिबिएस, बिबिएम, बि एड, बिएस्सि, बिए

स्नातकोत्तर: एमबिएस, एमएड, एमए

कैलाली बहुमुखी क्याम्पस, कैलाली जिल्लाको प्रसिद्ध शिक्षण संस्था हो |

२) सुदूरपश्चिमाञ्चल एकेडेमी[सम्पादन गर्ने]

+२: व्यवस्थापन संकाय, विज्ञान संकाय , शिक्षा संकाय, मानविकी संकाय

स्नातक: बिबिएस, बिएड, बिए

स्नातकोत्तर: एमएड

३) एेश्वर्य मल्टिपल क्याम्पस[सम्पादन गर्ने]

+२: व्यावस्थापन संकाय

स्नातक: बिबिएस, बिएस्सि

४) वेस्टर्न विजनेस स्कुल[सम्पादन गर्ने]

स्नातक: बिबिए, बिएचएम, बिआई

स्नातकोत्तर: एमबिए

५) धनगढी ईन्जिनियरिङ कलेज[सम्पादन गर्ने]

+२: व्यावस्थापन संकाय, विज्ञान संकाय

स्नातक: बिबिए, बिई कम्प्युटर , बिएस्सि, बिई सिभिल, बिसिए

बैंक तथा वित्तीयसंस्थाहरू[सम्पादन गर्ने]

१) नेपाल राष्ट्र बैक (क्षेत्रिय कार्यालय)
२) राष्ट्रिय वाणिज्य बैक
३) कृषि विकास बैक
४) एभरेस्ट बैक
५) नबिल बैक
६) बैंक अफ काठमाडौं
७) नेपाल क्रेडिट एण्ड कमर्स बैंक
८) सिद्धार्थ बैक
९) माछापुच्छ्रे बैक
१०) कुमारी बैक
११) नेपाल बंगलादेश बैक
१२) कञ्चन विकास बैक
१३) नवजीवन कोअपरेटिभ

सन्दर्भ सामग्रीहरू[सम्पादन गर्ने]

  1. "२६ नगरपालिका थपिए, धनगढी अब उपमहानगरपालिका", अन्नपूर्ण पोष्ट, २०७२ आस्विन १. अन्तिम पहुँच मिति:२०७२ आस्विन १.
  2. "नेपाल जनगणना २००१". http://www.cbs.gov.np/Population/National%20Report%202001/VDC.pdf. अन्तिम पहुँच मिति: मे १९. 
  3. ३.० ३.१ "नेपालको राष्ट्रिय जनगणना २०६८ (गाविस तह)", राष्ट्रिय योजना आयोग, नोभेम्बर २०१२. अन्तिम पहुँच मिति:नोभेम्बर २०१२.

बाह्य लिङ्कहरू[सम्पादन गर्ने]

यो पनि हेर्नुहोस[सम्पादन गर्ने]