नगानो

नगानो प्रान्त (長野県 जापानी उच्चारण: नगानो केन) जापानको होन्शु टापुको चुबु क्षेत्रको भौगोलिक रूपमा भूमिहीन प्रान्त हो। १ जुलाई २०२३ को तथ्याङ्कअनुसार, यस प्रान्तको जनसङ्ख्या २,००७,६८२ छ र क्षेत्रफल १३,५६१.५६ km² रहेको छ।

यस प्रान्तको राजधानी नगानो सहर हो। अन्य मुख्य सहरहरू मा मात्सुमोटो, उदा, इडा पर्दछ।

भूगोल

नागानो प्रान्त उत्तरमा निगाता प्रान्त, उत्तरपूर्वमा गुन्मा प्रान्त, पूर्वमा साइतामा प्रान्त, दक्षिणपूर्वमा यामानासी प्रान्त, दक्षिणमा सिजुओका र ऐची प्रान्त, र पश्चिममा गिफू र टोयामा प्रान्तसँग सिमाना जोडिएको छ। साकु सहरमा जापानको समुद्रबाट सबैभन्दा टाढाको बिन्दु पर्छ।

यहाँ जापानी आल्प्सका पहाडहरू रहेको छ।, जसमा हिडा, किसो, र अकाइशी पर्वत शृङ्खलाहरूको ठुलो हिस्सा पर्दछ। जापानका बारै मध्ये नौ उच्चतम पर्वत नागानोमा अवस्थित छन्।

पर्वतीय भूभागले प्रान्तलाई अपेक्षाकृत अलग राखेको छ र यसले यहाँका पर्वतीय रिसोर्ट र तातोपानी स्थलहरू पर्यटकहरूको लागि लोकप्रिय बनेको छ।

नागानोको जलवायु मुख्यतया आल्पाइन छ, जसमा गर्मीका दिन तातो र जाडोमा भारी हिउँ पर्ने, साथै कम आर्द्रता हुन्छ। लोकप्रिय मनोरञ्जन स्थलहरूमा लेक किजाकी पर्छ, जुन तटीय क्षेत्र र जल खेलकुद गतिविधिहरूको लागि प्रसिद्ध छ।

१ अप्रिल २०१४ सम्म, प्रान्तको कुल भूमि क्षेत्रको २१% प्राकृतिक पार्कको रूपमा संरक्षित गरिएको थियो, जसमा समावेश छन्:

    • राष्ट्रिय पार्क: चिचिबु तामा काई, चुबु-सांगाकु, जोशिन'एत्सु-कोगेन, मिनामी आल्प्स

    • अर्ध राष्ट्रिय पार्क: म्योगी-अराफुने-साकु कोगेन, टेन्क्यु-ओकुमिकावा, यात्सुगाते-चुशिन कोगेन

    • प्रादेशिक प्राकृतिक पार्क: चुओ आल्प्स, एनरेई ओजो, हिजिरीयामा कोगेन, मिबुगावा सुइकेई, ओन्टाके, टेन्क्यु कोसिबु सुइकेई

इतिहास

नागानो प्रान्त ऐतिहासिक रूपमा शिनानो प्रान्तको हिस्सा थियो, जुन प्राचीन जापानका एक महत्वपूर्ण क्षेत्रको रूपमा चिनिन्थ्यो। शिनानो प्रान्तको नाम परिवर्तनपछि, आजको नागानो प्रान्त बनेको हो, तर यसको इतिहास र सांस्कृतिक परम्पराले अझै शिनानो क्षेत्रसँग गहिरो सम्बन्ध राख्दछ। यो प्रान्त जापानको मध्य क्षेत्रमा अवस्थित छ र यहाँको पर्वतीय भूभागले यसको संस्कृति, अर्थतन्त्र, र यातायात प्रणालीलाई लामो समयदेखि आकार दिएको छ।

अर्थतन्त्र

नागानो प्रान्तको अर्थतन्त्र मुख्यत: पर्यटन, कृषि, र हिउँ खेलकुदमा आधारित छ। यो प्रान्त जापानको मध्य क्षेत्रमा स्थित पर्वतीय भूभागमा फैलिएको छ, जसले यहाँको जीवनशैली र अर्थतन्त्रलाई विशेष आकार दिएको छ। यी क्षेत्रहरूबाहेक, नागानो प्रान्तको अर्थतन्त्र विशेष गरी हिउँ खेलकुदका कारण पनि अन्तर्राष्ट्रिय स्तरमा प्रसिद्ध छ। यहाँका विभिन्न हिउँ खेलकुद स्थलहरूले यसलाई विश्वभरमा एक प्रमुख विन्टर स्पोर्ट्स डेस्टिनेशनको रूपमा स्थापित गरेको छ। यसका साथै, यहाँको कृषि र पर्यटन उद्योग पनि प्रमुख आयको स्रोतका रूपमा कार्य गर्छ।

यो पनि हेर्नुहोस

• जापानका प्रदेशहरू