नरेश भण्डारी

स्वतन्त्र विश्वकोश, नेपाली विकिपिडियाबाट
Jump to navigation Jump to search

एकिकृत नेकपा माओवादीको तर्फबाट जुम्ला जिल्लाबाट विजयी नरेश भण्डारी पार्टीको सही राजनीतिक विचारधारा र जनताले पार्टी प्रति गरेको विश्वास नै आफ्नो विजयको कारण भएको बताउनुहुन्छ।

वाणिज्य शास्त्रमा स्नातक तहसम्मको अध्ययन गरेका भण्डारी माओवादीको बुद्धिजीबी सङ्गठनको केन्द्रीय सचिव तथा माओवादीको राज्य समितिका सदस्य पनि हुनुहुन्छ। २०५१ साल देखि विद्यार्थी राजनीतिबाट राजनीतिमा पाइला हालेका भण्डारी २०५६ सालदेखि भूमिगत हुनुभएको थियो। २०६० सालमा जिल्ला समितिको सदस्य हुदै उहा २०६३ सालमा जुम्ला जिल्लाको पार्टी इन्चार्ज हुनुभएको थियो।

भण्डारीको जन्म जुम्लाको देवालगाउ -८ कुम्डीमा २०३५ असार १ गते निम्न मध्यम वर्गीय परिवारमा भएको थियो। काशीकला र हरिबहादुर भण्डारीका छोरा नरेशलाई अध्ययनका क्रममा काठमाडौं बस्दा, गलैचा, हिङ, सिलाजीत बेच्दै हिड्ने जुम्लीलाई आफ्ना सहपाठीहरू समेतले हेपेको देखिपछि भण्डारी राजनीतिक चेतना बीना परिवर्तन गर्न सकिदैंन भन्ने ठानेर माओवादी पार्टीमा लाग्नु भएको थियो।

सङ्घीय संरचनामा नेपाललाई लगेर राज्यको साधन स्रोतमा हरेक क्षेत्र र पिछडिएका वर्गको प्रतिनिधित्व हुने गरी संविधान लेख्नमा भण्डारीले जोड दिनुहुनेछ।[१]

सन्दर्भ[सम्पादन गर्ने]