निगाता

निगाता प्रान्त (新潟県, निगाता केन) जापानको होन्शू द्वीपको चूबू क्षेत्रमा रहेको एक प्रान्त हो। निगाता प्रान्तको जनसङ्ख्या २,१३१,००९ (१ जुलाई २०२३ अनुसार) छ र यो जापानको पाँचौँ सबैभन्दा ठुलो प्रान्त हो। यसको भौगोलिक क्षेत्रफल १२,५८४.१८ वर्ग किमि रहेको छ। निगाता प्रान्तले टोयामा प्रान्त र नगानो प्रान्तलाई दक्षिण-पश्चिममा, गुन्मा प्रान्तलाई दक्षिणमा, फुकुसिमा प्रान्तलाई पूर्वमा, र यामागाता प्रान्तलाई उत्तर-पूर्वमा सिमाना जोडेको छ।

निगाता सहर निगाता प्रान्तको राजधानी र सबैभन्दा ठुलो सहर हो, र अन्य प्रमुख शहरहरूमा नागाओका, ज्योएत्सु, र सञ्जो पर्दछन्।

निगाता प्रान्तमा निगाता महानगरको जनसङ्ख्या १,३९५,६१२ रहेको छ। यो जापानी समुन्द्रको तटमा रहेको सबैभन्दा ठुलो महानगर हो र जापानको बारहौं ठुलो सहर हो। निगाता प्रान्त ऐतिहासिक रुपमा होकुरिकु क्षेत्रको हिस्सा थियो र यसमा साडो द्वीप पर्छ, जुन जापानको क्षेत्रफलका हिसाबले छैठौ ठुलो द्वीप हो।

भूगोल

निगाता प्रान्त जापानी समुन्द्रको किनारमा फैलिएको छ, र यसको तटीय क्षेत्र लगभग २४० किमी लामो छ। यहाँ पहाड र समुद्रको बीचमा तटीय मैदान रहेको छ। सादो टापु समूह पनि यस प्रान्तमा पर्छ। प्रान्तलाई प्रायः होकुरिकु वा कोसिएत्सु क्षेत्रको हिस्सा मानिन्छ। निगाता प्रान्त सामान्यतया चार भूगोलिक क्षेत्रहरूमा विभाजित गरिएको छ:

• जोएत्सु क्षेत्र (उपरी दक्षिण)
• चुएत्सु क्षेत्र (केन्द्र)
• काएत्सु क्षेत्र (उत्तरी भाग)
• सादो टापु

जापानको सबैभन्दा लामो सिनानो नदीको मुख निगाता प्रान्तमा पर्छ। २०१४ सम्म प्रान्तको २५% क्षेत्र प्राकृतिक पार्कको रूपमा घोषणा गरिएको थियो।

इतिहास

निगाता प्रान्त पहिले इचिगो प्रान्त र सादो प्रान्त मा विभाजित थियो। सेंगोको युग (१५वीं–१६वीं शताब्दी) मा, नागाओ कुल ले निगाता प्रान्तको पश्चिमी भाग, खासगरी कसुगायामा किल्ला बाट शासन गर्थे।

संस्कृति

निगाता प्रान्तको फुजी रक सङ्गीत उत्सव को आयोजनास्थलको रूपमा प्रसिद्ध छ, जुन नाएबी स्की रिसोर्ट मा हुने गर्छ। यो तीन दिने सङ्गीत महोत्सवमा २०० भन्दा बढी जापानी र अन्तर्राष्ट्रिय कलाकारहरूको सहभागिता हुन्छ र यो जापानको सबैभन्दा ठुलो बाहिरी सङ्गीत महोत्सवहरू मध्ये एक मानिन्छ।

अर्थतन्त्र

निगाता प्रान्तको अर्थतन्त्र मुख्य रूपमा कृषि, वनजङ्गल, र माछापालनमा निर्भर छ। यहाँ धान उत्पादन प्रमुख कृषि गतिविधि हो, र जापानका अन्य प्रान्तहरू भन्दा निगाता धान उत्पादनमा पहिलो स्थानमा पर्छ। विशेषगरी यहाँ उनोमु क्षेत्र मा कोसिहिकारी जातको धानको उत्पादन प्रसिद्ध रहेको छ, जसलाई जापानको उच्चतम गुणस्तरको धान मानिन्छ।

निगाता प्रान्तमा साके, सेनबेई, मोजी, र आरारे जस्ता खाद्य उत्पादनहरू पनि प्रख्यात छन्। साके उत्पादनमा निगाता गुनमा र क्योटो पछि तेस्रो स्थानमा पर्छ। यस प्रान्तमा सजावटी कार्प उत्पादन पनि लोकप्रिय छ। फूल उत्पादनमा, एजेलिया र कट लिलीको सबैभन्दा ठुलो उत्पादन यहाँ हुन्छ, र ट्युलिपको उत्पादनमा तोयामा प्रान्तसँग प्रतिस्पर्धा गर्दछ।

खनिज र निर्माण उद्योग पनि महत्वपूर्ण छन्। यहाँ क्रूड तेल उत्पादन हुन्छ, यद्यपि जापान मुख्यतः तेल आयातमा निर्भर छ। सादो टापुमा रहेको किनजान सुन खानी १९८९ सम्म सक्रिय थियो। सान्जो र चुबामे शहरहरूले जापानमा उत्पादित चादीको सामान उत्पादन गर्छन्।

आणवीक उर्जा पनि यहाँको मुख्य उत्पादन थियो। तर फुकुसिमा दाइची दुर्धटना पछि यो बन्द गरिएको छ।

यो पनि हेर्नुहोस

• जापानका प्रदेशहरू