निशा मेहता

माननीय निशा मेहता
मेहताको तस्विर
नेपालको स्वास्थ्य तथा जनसङ्ख्या मन्त्री
बहालवाला
पद बहाली १३ चैत २०८२
राष्ट्रपति	रामचन्द्र पौडेल
प्रधानमन्त्री	बालेन्द्र शाह
पूर्वाधिकारी	सुधा शर्मा
खानेपानी मन्त्री
बहालवाला
पद बहाली १३ चैत २०८२
पूर्वाधिकारी	राजेन्द्रसिंह भण्डारी
सांसद, प्रतिनिधि सभा
बहालवाला
पद बहाली १३ चैत २०८२
निर्वाचन क्षेत्र	समानुपातिक सूची
व्यक्तिगत विवरण
जन्म	(1987-08-07) ७ अगस्ट १९८७ इनरुवा, सुनसरी, नेपाल
नागरिकता	नेपाली
राजनीतिक दल	राष्ट्रिय स्वतन्त्र पार्टी
जीवनसाथी	डा. सरोज सिंह

निशा मेहता (जन्म: २०४४ साउन २२) एक नेपाली राजनीतिज्ञ र परिचारिका हुन्। उनी हाल प्रधानमन्त्री बालेन्द्र शाहको मन्त्रिमण्डलमा स्वास्थ्य तथा जनसङ्ख्या र खानेपानी मन्त्रीका रूपमा कार्यरत छिन्।

मेहता प्रतिनिधि सभा निर्वाचन, २०८२मा राष्ट्रिय स्वतन्त्र पार्टीबाट प्रतिनिधि सभामा निर्वाचित भएकी थिइन्। उनी मधेशी महिला क्लस्टर अन्तर्गत समानुपातिक सूचीबाट निर्वाचित भएकी थिइन्।

प्रारम्भिक जीवन र शिक्षा

मेहताको जन्म कोशी प्रदेशको सुनसरी स्थित इनरुवामा भएको थियो। उनले भारतको मध्य प्रदेश स्थित जिवाजी विश्वविद्यालयबाट सम्बन्धन प्राप्त पोस्ट ग्रेजुएट कलेज अफ नर्सिङ, ग्वालियरबाट नर्सिङमा स्नातकोत्तर तहको शिक्षा हासिल गरेकी छिन्।उनी कुशवाहा/कोइरी जातकी हुन्।

राजनीतिक वृत्ति

नर्सिङ

नेपाल फर्केपछि उनले धरान स्थित वी.पी. कोइराला स्वास्थ्य विज्ञान प्रतिष्ठानमा क्लिनिकल नर्सको रूपमा करिब तीन वर्ष काम गरेकी थिइन्। त्यसपछि उनी विराटनगरको विराट टिचिङ अस्पतालमा नर्स र सह-प्राध्यापकका रूपमा आबद्ध भएकी थिइन्।

राजनीति

उनी राष्ट्रिय स्वतन्त्र पार्टी स्थापनाकाल देखि नै सो पार्टीको साधारण सदस्य रहँदै आएकी थिइन्। २०७९ को निर्वाचनमा पनि उनको नाम पार्टीको समानुपातिक सूचीमा समावेश थियो, यद्यपि सो समयमा उनी सांसद निर्वाचित हुन सकेकी थिइनन्।

व्यक्तिगत जीवन

मेहताले कोशी प्रदेश प्रहरी अस्पतालका प्रमुख तथा प्रहरी नायब उपरीक्षक डा. सरोज सिंहसँग विवाह गरेकी छिन्।