नेपाल-रुस सम्बन्ध

नेपाल-रसिया सम्बन्ध (रसियाली: Российско-непальские отношения) रूस र नेपाल बीचको द्विपक्षीय सम्बन्ध हो। नेपाल र सोभियत संघले सन् १९५६ जुन ५ देखि जुलाई ९ सम्म कूटनीतिक सम्बन्ध स्थापित गरेका थिए ।

२०१७ माघ २० मा सोभियत रुसका राष्ट्रपति मार्सल के.ई. भेरोसिलोभले नेपालको भ्रमण गरेका थिए। त्यसै समयमा नेपाल र सोभियत रुसको बीचमा सहायतासम्बन्धी सन्धिमा हस्ताक्षर भएको थियो। यस सन्धिअनुसार सोभियत रुसले नेपाललाई तीन करोड रुबल आर्थिक सहयोग गरेका थिए। १९५६ जुलाई २० मा नेपालको तत्कालीन सोभियत रुससँग दौत्य सम्बन्ध स्थापना भएपछि दुवै देशबीच उच्चस्तरीय भ्रमणको सिलसिला कायम भएको थियो। सोभियत रुस र जापानसँग नेपालको कूटनीतिक सम्बन्ध एकै वर्षमा भएको थियो। नेपालको आवासीय दूतावास मस्कोमा छ भने रुसको आवासीय दूतावास काठमाडौंमा छ।

१९९१ डिसेम्बर २८ मा सोभियत रुसको विखण्डनपछि नेपाल सरकारले रुसी संघलाई सार्वभौम राष्ट्रको रूपमा मान्यता प्रदान गर्‍यो।

सन् १९५८ मा राजा महेन्द्र र स्न १९७६ मा राजा वीरेन्द्रबाट रुसको भ्रमण भएको थियो।