नेपाल संस्कृत विश्वविद्यालय

स्वतन्त्र विश्वकोश, नेपाली विकिपिडियाबाट
Jump to navigation Jump to search

महेन्द्र संस्कृत विश्वविद्यालय (हाल नेपाल संस्कृत विश्वविद्यालय) नेपालको दोस्रो पुरानो विश्वविद्यालय र काठमाडौं उपत्यका बाहिर स्थापित पहिलो विश्वविद्यालय पनि हो । दाङ जिल्लाको त्रिभुवननगर नजीकै स्थापित यो विश्वविद्यालय १९८६ मा स्थापना भएको हो । संस्कृत शिक्षाको उच्च तह आयुर्बेद तथा आधुनीक शिक्षामा समेत पढाइ हुने यो विश्वविद्यालयको काठमाडौं कार्यालय बसन्तपुरमा रहेको छ । धनुषाको जनकपुर क्याम्पसमा मुस्लिम समुदायका केही विद्यार्थीले संस्कृतको पढाइ सुरू गरेको महेन्द्र संस्कृत विश्वविद्यालय परीक्षा नियन्त्रण कार्यालयले जानकारी दिएको छ ।

यस विश्वविद्यालय अन्तर्गतका १२ वटा क्याम्पसमा संस्कृत तर्फ करिब ३ हजार ५ सय विद्यार्थी रहेका छन । त्यसमा दलित जनजाति करिब २० प्रतिशत छन् । अध्ययन गर्नेमा छात्राको प्रतिशत करिब ४० छ । सोलुखुम्बुमा संस्कृत पढनेहरूमा करिब २५ प्रतिशत दलित छन् । बिजौरी, त्रिभुवननगरदाङमामा २० विद्यार्थी थारू तथा दलित छन् । केन्द्रीय विद्यापीठ बेलझुन्डी, त्रिभुवननगरमा मोहन थारू र एकजना कुमालले संस्कृतमा आचार्य गरिरहेका छन् । हाल यसका आङ्गिक क्याम्पसहरू काठमाण्डौंको वाल्मिकि विद्यापीठ, पोखराको विन्दुवासिनी संस्कृत विद्यापीठ, रूपन्देहीको मणग्राम स्थित गिर्वाण सरस्वति संस्कृत विद्यापीठ, धरानको विजयपुरस्थित पिण्डेश्वर संस्कृत विद्यापीठ क्याम्पस हुन् । अहिलेको युगमा संस्कृत भाषाको महत्व लोप हुन लागेको बेलामा नेपाल संस्कृत विश्वविद्यालयले नेपालमा संस्कृतको महत्वलाई यथावत् राख्न ठुलो भुमिका खेलेको मानिन्छ। यस विश्वविद्यालयले आफ्नो आङ्गिक क्याम्पस अर्थात् विश्वविद्यालय अन्तरगत अध्ययन गर्ने छात्र तथा छात्राहरुको लागि छात्रावृत्तिको पनि व्यवस्था गरेको छ।

सन्दर्भ सामग्री[सम्पादन गर्ने]

अनुवाद

यी पनि हेर्नुहोस[सम्पादन गर्ने]