परान (चलचित्र)

परान
चित्र:परान चलचित्र.jpg प्रदर्शनको पोस्टर
'परान: सासले हैन, साथले चल्ने
निर्देशक	दीपकप्रसाद आचार्य
पटकथा	यम थापा
कथा	दीपकप्रसाद आचार्य
निर्माता	रञ्जित आचार्य शेखर गोल्छा
मुख्य कलाकार	नीर शाह मदनकृष्ण श्रेष्ठ केकी अधिकारी
छायाङ्कन	शिवराम श्रेष्ठ
सम्पादन	मित्रदेव गुरुङ
सङ्गीत	गङ्गाथापा मगर
वितरक कम्पनी	बाइसकोप सिनेमा
वितरक	डिसी नेपाल
प्रदर्शन मिति	२०८२ कार्तिक १४
अवधि	१४४ मिनेट
देश	नेपाल
भाषा	नेपाली
लागत	३ करोड
बक्स अफिस	१७.८४ करोड

परान २०८२ को एक नेपाली सामाजिक नाटक चलचित्र हो, जसको निर्देशन 'काकु' उपनामले चिनिने दीपकप्रसाद आचार्यले गरेका हुन् र यो उनको पहिलो निर्देशन हो। यसको पटकथा यम थापाले लेखेका हुन् भने बाइसकोप सिनेमा प्रालिको ब्यानरमा रञ्जित आचार्य र शेखर गोल्छाले यसको निर्माण गरेका हुन्। चलचित्रमा (नीर शाह), मदनकृष्ण श्रेष्ठ, पूजा चन्द, केकी अधिकारी र अञ्जना बराइली लगायतका कलाकारहरूको मुख्य अभिनय रहेको छ।

यो चलचित्र २०८२ कात्तिक १४ का दिन नेपालभरका हलहरूमा प्रदर्शन गरिएको थियो र यसले दर्शकहरूबाट अत्यधिक सकारात्मक समीक्षा प्राप्त गर्नुका साथै व्यावसायिक सफलता हासिल गरेको थियो।

कथावस्तु

'परान' को कथा जीवनको उत्तरार्धमा पुगेका र आफ्ना सन्तानको माया तथा सामीप्यताका लागि छट्पटाइरहेका एक बुवाको वरिपरि घुम्छ। यस चलचित्रले त्यस्तो द्वन्द्वलाई उजागर गर्छ, जहाँ वृद्ध आमाबुवा आफ्ना सन्तानको साथ चाहन्छन् भने उता सन्तानहरू आफ्नो व्यक्तिगत महत्त्वाकांक्षा र वैदेशिक आकांक्षा पूरा गर्न व्यस्त हुन्छन्।

पात्रहरू

• नीर शाह
• मदनकृष्ण श्रेष्ठ
• पूजा चन्द
• केकी अधिकारी
• प्रवीण खतिवडा
• महेश त्रिपाठी
• अञ्जना बराइली
• बुद्धि तामाङ
• यासेली योङहाङ

सङ्गीत

चलचित्रका गीतहरूको सङ्गीत लय कँडेलले दिएका हुन् भने पृष्ठभूमि सङ्गीत गङ्गा थपाले दिएका छन्। पहिलो गीत "ओई भन्दा नि बोलेन" २०८२ असोज १२ मा र त्यसपछि चलचित्रको शिर्षक गीत "ख्याल गरि साँचौला" असोज १४ मा सार्वजनिक गरिएको थियो।

सबै गीतहरू लय कँडेल द्वारा बनाइएको हो।

क्र.सं.	शीर्षक	शब्द	गायक/गायिका(हरू)	लम्बाइ
१.	"ओई भन्दा नि बोलेन"	दीपकप्रसाद आचार्य, अनिश अधिकारी	प्रमोद खरेल, यमन श्रेष्ठ, लय कँडेल, रचना रिमाल, सलिना विक	४:२८
२.	"ख्याल गरि साँचौला"	दीपक प्रसाद आचार्य	पुष्पन् प्रधान	५:००
कुल लम्बाइ:				९:२८

बक्स अफिस

सुरुमा थोरै मात्र हलहरूमा प्रदर्शन गरिएको यो चलचित्रले दर्शकहरूबाट सकारात्मक प्रतिक्रिया प्राप्त गर्दै नेपाल बक्स अफिसमा ९ दिनमा ३ करोड ७१ लाख रुपैयाँ कुल कमाइ गर्न सफल भएको थियो। सोही क्रमलाई निरन्तरता दिँदै यसले १६ दिनमा ९ करोड ८७ लाख रुपैयाँ र २३ दिनमा १४ करोड १६ लाख रुपैयाँ कमाइ गर्‍यो र 'जेरी अन टप' लाई पछि पार्दै सो वर्षको सर्वाधिक कमाउने चलचित्र बन्न सफल भएको थियो। ५१ दिनमा १७ करोड ६१ लाख रुपैयाँ कुल कमाइ गरेपछि यो नेपालमा सबैभन्दा बढी कमाउने चौथो नेपाली चलचित्र बनेको थियो।

बाह्य कडीहरू

• द फिल्म नेपाल
• क्युएफएक्स सिनेमाज