पारी साँ-जेरमाँ फुटबल क्लब

स्वतन्त्र विश्वकोश, नेपाली विकिपिडियाबाट
Jump to navigation Jump to search
पारी साँ-जेरमाँ
पारी साँ जेरमाँको लोगो.svg.png
पुरा नामपारी साँ-जेरमाँ फुतबल क्लुब
उपनाम(हरू)Les Parisiens
Les Rouge et Bleu
छोटो नामपिएसजी, पारी एसजी, पारी
स्थापना१२ अगस्ट १९७०; ४९ वर्ष पहिले (१९७०-०८-12)
मैदानपार्क दे प्रँस
मैदान क्षमता४७,९२९
मालिककतर खेलकुद लगानीकर्ता
प्रमुखनासर अल-खलयफी
प्रमुख प्रशिक्षकतुमास तुखेल
लिगलिग अँ
२०१८–१९ लिग अँ, प्रथम
वेबसाइटक्लबको आधिकारिक पृष्ठ
घरेलु रङ
वाह्य रङ
तेश्रो रङ
वर्तमान संस्करण

पारी साँ जेरमाँ फुतबल क्लुब वा सामान्यतया पिएसजी एक फ्रान्सको राजधानी पारीमा आधारित एक व्यावसायिक क्लब हो।[१] पारी सहरको अर्को फुटबल क्लब "पारी फुतबल क्लुब"को स्थापना सन् १९६९ मा भएको थियो भने सन् १९७० मा स्तेद साँ जेरमाँसँगको उक्त क्लब समायोजित भई पारी साँ जेरमाँको स्थापना भएको थियो।[१][२] हालको पारी फुतबल क्लुब सन् १९७३ मा योबाट टुक्रिँदै स्वतन्त्र भएको थियो।[३][४] यसको गृह मैदान पार्क दे प्रँस हो जसको क्षमता ४७ हजार ९ सय २९ रहेको छ। यो रङ्गशाला सन् १९७४ देखि यस क्लबको गृह रङ्गशालाको रूपमा रहेको छ। क्लबले फ्रान्सेली फुटबलको प्रथम दर्जाको लिग, लिग अँमा प्रदर्शन गर्दछ।[१]

क्लबले आफूलाई फ्रान्सको एक प्रमुख तथा शक्तिशाली क्लबको रूपमा स्थापित गर्न सफल भएको छ।[१][५] पारी साँ जेरमाँले हालसम्म ४० पटक घरेलु प्रतियोगिताको उपाधि जित्न सफल भएको छ जसले गर्दा यो क्लब फुटबलको एक प्रमुख शक्तिको रूपमा स्थापित भएको छ। सर्वाधिक उपाधि जित्न सफल यस क्लब इतिहासको सबैभन्दा सफल फ्रान्सेली क्लब पनि हो।[६]

क्लब लगातार घरेलु संस्करणमा उत्कृष्ट प्रदर्शन गर्ने क्लबहरू मध्ये एक हो। क्लब सन् १९७४ देखि लिग अँमा प्रदर्शन गरिरहेको छ। हालसम्म युरोपेली प्रतियोगिता फ्रान्सका दुईवटा क्लबले मात्र जितेका छन् जसमा यो पनि समावेश छ।[७] फ्रान्सको सबैभन्दा लोकप्रिय फुटबल क्लब हुनुका साथसाथै यसले विश्वका सर्वाधिक धेरै समर्थित टोलीको रूपमा स्थान प्राप्त गर्न सफल भएको छ।[८][९]

घरेलुु प्रतियोगितामा यसले ८ पटक लिग अँको उपाधि जितेको छ भने, यसले सर्वाधिक धेरै १२ पटक कुप द फँस र ९ पटक कुप द ल लिग जितेको छ। यसले सर्वाधिक ९ पटक त्रफिस देस चाम्पियन्सको उपाधि पनि जितिसकेको छ।[५] युरोपेली प्रतियोगितामा यसले एक पटक युइएफए कप विनर्स कप र एक पटक युइएफए इन्तेरतोतो कप पनि जित्न सफल भएको थियो। यसले एक पटक दोस्रो दर्जाको लिग, लिग दु सन् १९७०-१९७१ को संस्करणमा जितेको थियो जुन यसको दोस्रो दर्जाको आधिकारिक उपाधि थियो।[१०] पिएसजीको लामो समय देखि अर्को बहुचर्चित फ्रान्सेली फुटबल क्लब ओलाँपिक द माख्सेइयसँग दुस्मनी चलिरहेको छ। यी दुईवटा क्लब बीचको प्रतियोगितालाई ले क्लासिक भनिन्छ।[११]

सन् २०११ देखि कतर सरकारको स्वामित्वमा रहेको आधिकारिक सरकारी कम्पनी, कतर खेलकुद लगानीकर्ता यसको मालिकको रूपमा रहँदै आएको छ। [१२]कम्पनीले पारी साँ जेरमाँको स्वामित्व ग्रहण गरे देखि यो फ्रान्सको सबैभन्दा धनी क्लब र विश्वको धनी फुटबल क्लबहरू मध्ये एकको रूपमा रहेको छ।[१३]

सन्दर्भ समाग्रीहरू[सम्पादन गर्ने]

  1. १.० १.१ १.२ १.३ "Histoire"PSG.fr। १९ मार्च २०२०। सङ्ग्रह मिति १९ मार्च २०२० 
  2. "Paris Saint-Germain, la capitale scintille en rouge et bleu"SO FOOT.com। २८ डिसेम्बर २०१५। सङ्ग्रह मिति १० अप्रिल २०१७ 
  3. "Parc des Princes"PSG.fr। सङ्ग्रह मिति १९ अगस्त २०१७ 
  4. "Paris Saint-Germain FC"UEFA.com। २२ अगस्त २०१२। सङ्ग्रह मिति २ अप्रिल २०१९ 
  5. ५.० ५.१ "Le Palmarès du PSG"Histoire du #PSG। सङ्ग्रह मिति ६ फेब्रुअरी २०२० 
  6. "PSG, 45 saisons consécutives et nouveau record en Ligue 1"Histoire du #PSG। ११ अगस्त २०१८। सङ्ग्रह मिति ११ अगस्त २०१८ 
  7. "Paris city guide"UEFA.com। सङ्ग्रह मिति ९ जुलाई २०१६ 
  8. "Les 15 équipes de football les plus grandes et les plus soutenues au monde"Zeelo Blog। १९ अप्रिल २०१९। सङ्ग्रह मिति १२ सेप्टेम्बर २०१९ 
  9. "France's passion play"फिफा डटका। १२ मार्च २००९। सङ्ग्रह मिति २५ अक्टोबर २००९ 
  10. "Lens qualifié au bout de la nuit ira à Troyes vendredi" (फँसेली भाषा)। foot-national.com। २१ मे २०१९। 
  11. "Le Paris Saint-Germain, après avoir conquis la France, travaille toujours sur le Qatar"The National। ३० डिसेम्बर २०१५। सङ्ग्रह मिति १७ अप्रिल २०१७ 
  12. "Le Qatar sans limite"Le Parisien। ७ मार्च २०१२। सङ्ग्रह मिति ७ मार्च २०१२ 

बाह्य सूत्रहरू[सम्पादन गर्ने]

आधिकारिक वेबसाइट