पोन्नियिन सेल्वन
पोन्नियिन सेल्वन (अनुवाद: पोन्नीको पुत्र) भारतीय लेखक कल्कि कृष्णमूर्तिद्वारा लिखित तमिल भाषाको ऐतिहासिक काल्पनिक उपन्यास हो। यो उपन्यास पहिलो पटक २९ अक्टोबर १९५० देखि १६ मे १९५४ सम्म तमिल पत्रिका कल्कि को साप्ताहिक संस्करणमा धारावाहिक रूपमा प्रकाशित भएको थियो र पछि १९५५ मा पाँच खण्डहरूमा समेटिएको थियो। करिब २,२१० पृष्ठहरूमा फैलिएको यस उपन्यासले चोल राजकुमार अरुलमोझीवर्मनका प्रारम्भिक दिनहरूको कथा प्रस्तुत गर्दछ। कल्कीले प्रेरणा लिन र जानकारी सङ्कलन गर्न तीन पटक श्रीलङ्काको भ्रमण गरेका थिए।
पोन्नियिन सेल्वन लाई तमिल साहित्यका महान् उपन्यासहरूमध्ये एक मानिन्छ।[१] "कल्कि" पत्रिकामा यस शृङ्खलाको प्रकाशनले यसको वितरण ७५,००० सदस्यतासम्म बढायो, जुन स्वतन्त्रता पछिको भारतमा एक महत्वपूर्ण संख्या थियो र यो कृतिको लोकप्रियताको प्रतिबिम्ब थियो।[२] आधुनिक युगमा पनि यो पुस्तक प्रशंसित रहँदै आएको छ र सबै पुस्ताका मानिसहरूबीच यसको समर्पित अनुयायी समूह तथा प्रशंसक वर्ग विकसित भएको छ। पोन्नियिन सेल्वन ले सुसंगठित कथावस्तु, जीवन्त वर्णन, हास्यपूर्ण संवाद तथा १०औँ शताब्दीको चोल साम्राज्यका षड्यन्त्र र सत्तासंघर्षको प्रभावशाली चित्रणका लागि समालोचनात्मक प्रशंसा प्राप्त गरेको छ।
उपन्यासलाई मणि रत्नमले दुई चलचित्रमा रूपान्तरण गरेका थिए, जसमा पहिलो दुई खण्डलाई मिलाएर पोन्नियिन सेल्वन: I र तेस्रोदेखि पाँचौँ खण्डसम्मलाई मिलाएर पोन्नियिन सेल्वन: II बनाइएको थियो। यी चलचित्रहरू क्रमशः ३० सेप्टेम्बर २०२२ र २८ अप्रिल २०२३ मा प्रदर्शन गरिएका थिए।
तमिलनाडु बाहिर पोन्नियिन सेल्वन शृङ्खलाको पहिलो प्रकाशन २०२२ मा मलेसियामा जया बक्तिद्वारा प्रकाशित गरिएको थियो।[३]
सन्दर्भ सामग्रीहरू
[सम्पादन]- ↑ "Jayaram joins Mani Ratnam's Ponniyin Selvan?", indianexpress, Indian Express, २७ अगस्ट २०१९, अन्तिम पहुँच ९ अप्रिल २०२१।
- ↑ "Age hardly withers charm of Ponniyin Selvan", The Hindu (en-INमा), २०११-१०-१९, आइएसएसएन 0971-751X, अन्तिम पहुँच २०२३-०५-१८।
- ↑ "Ponniyin Selvan - First Edition Published in Malaysia", Jaya Bakti (en-USमा), अन्तिम पहुँच २०२३-०५-१८।
