प्रसूतिकालीन हेरचाह
| प्रसूतिकालीन हेरचाह | |
|---|---|
 एक चिकित्सकले प्रसवपूर्व स्वास्थ्य परीक्षण गर्दै। |
प्रसूतिकालीन हेरचाह, जसलाई प्रसवपूर्व हेरचाह पनि भनिन्छ, गर्भवती महिलाहरूका लागि गरिने एक प्रकारको प्रतिरोधात्मक स्वास्थ्य सेवा हो। यो गर्भवती व्यक्तिको स्वास्थ्य जाँच र स्वस्थ जीवनशैलीका लागि दिइने सल्लाह-सुझावहरूको रूपमा प्रदान गरिन्छ। प्रसवपूर्व हेरचाह अन्तर्गत गर्भवती महिला वा किशोरीलाई गर्भावस्थामा आउने शारीरिक र जैविक परिवर्तनहरूका साथै प्रसवपूर्वको पोषण बारे शिक्षित गराउने कार्य पनि पर्दछ। यी सबै कुराहरूले गर्भावस्थाभरि हुन सक्ने सम्भावित स्वास्थ्य समस्याहरूलाई रोक्न र आमा तथा भ्रूण दुवैको राम्रो स्वास्थ्यलाई बढावा दिन मद्दत गर्दछन्।[१][२] जन्मपूर्व स्क्रिनिङ र निदान सहितको नियमित प्रसूतिकालीन हेरचाहको उपलब्धताले मातृ मृत्यु, गर्भस्राव, जन्म दोष, कम जन्म तौल, नवजात शिशुको सङ्क्रमण, र अन्य रोकथाम गर्न सकिने स्वास्थ्य समस्याहरूको दर कम गर्न महत्त्वपूर्ण भूमिका खेलेको छ।
स्वास्थ्य जाँच
[सम्पादन]उच्च आय भएका देशहरूमा परम्परागत प्रसूतिकालीन हेरचाह अन्तर्गत सामान्यतया निम्न अनुसारका स्वास्थ्य जाँचहरू हुने गर्दछन्:
- पहिलो दुई त्रैमासिक (१ हप्तादेखि २८ हप्तासम्म) मा महिनाको एक पटक
- गर्भावस्थाको २८औं हप्तादेखि ३६औं हप्तासम्म महिनाको दुई पटक (हरेक १५ दिनमा)
- ३६औँ हप्तापछि शिशुको जन्म नहुञ्जेलसम्म (३८औं हप्तादेखि ४२औं हप्तासम्म) हप्ताको एक पटक
- आमाबाबुको आवश्यकता र पारिवारिक स्थितिको मूल्याङ्कन
विश्व स्वास्थ्य सङ्गठन ले गर्भवती महिलाहरूलाई समस्याहरू पत्ता लगाउन, उपचार गर्न र खोपहरू उपलब्ध गराउनका लागि कम्तीमा आठ पटक जन्मपूर्व स्वास्थ्य जाँच गराउन सिफारिस गर्दछ। आमा र बच्चा दुवैको स्वास्थ्यमा सुधार ल्याउन जन्मपूर्वको हेरचाह महत्त्वपूर्ण भए तापनि धेरै महिलाहरूले सिफारिस गरिएका आठ पटकका स्वास्थ्य जाँच भ्रमणहरू प्राप्त गर्न सक्दैनन्।[३] गर्भवती महिलाहरूले कति पटक जन्मपूर्व स्वास्थ्य जाँच गराउनुपर्छ र प्रत्येक भ्रमणमा कस्तो प्रकारको हेरचाह र जानकारी दिइन्छ भन्ने कुराको पछाडि पर्याप्त वैज्ञानिक प्रमाणहरू छैनन्।[४] कम जोखिम भएका गर्भवती महिलाहरूको हकमा कम पटक मात्रै जन्मपूर्व जाँच गराए पुग्ने सुझाव दिइएको छ।[४] यद्यपि, जब यसको परीक्षण गरियो, कम पटक स्वास्थ्य जाँच गराएका महिलाहरूबाट जन्मिएका शिशुहरू नवजात गहन हेरचाह एकाइ (एनआइसियु) मा भर्ना हुने र त्यहाँ लामो समय बस्नुपर्ने सम्भावना बढी देखियो (यद्यपि यो एउटा संयोग मात्र पनि हुन सक्छ)।[४]
खानपान
[सम्पादन]प्रसूतिकालीन हेरचाह शिशुलाई गर्भमा राख्ने आमाका लागि मात्र नभई शुक्रकीट दाताका लागि पनि उत्तिकै लागू हुन्छ। शुक्रकीटले भ्रूणको राम्रोसँग विकास हुने क्षमतालाई असर गर्छ, र यसका लागि सही पोषण एक प्रमुख कारक हो।[५] उदाहरणका लागि, जस्ता (जिङ्क) को कमीले शुक्रकीटको बनावट बिग्रन सक्छ र शुक्रकीटको गतिशीलता कम हुन सक्छ, जसका कारण बाँझोपन हुन सक्छ वा डिम्बको सही निषेचन नहुन सक्छ। यसले गर्दा गर्भपतन हुने वा भ्रूणमा जन्मजात विकृति देखिने सम्भावना रहन्छ।[५] भ्रूणमा हुने यस्ता विकृतिहरू र पोषणको कमीका लक्षणहरूलाई रोक्नका लागि महिलाहरूलाई नियमित रूपमा जन्मपूर्व खाइने भिटामिन लिन प्रोत्साहन गरिन्छ।[६]
सन्दर्भ सामग्रीहरू
[सम्पादन]- ↑ "WHO recommendations on antenatal care for a positive pregnancy experience", www.who.int (अङ्ग्रेजीमा), अन्तिम पहुँच २०२१-१२-०४।
- ↑ David, Rodreck; Evans, Ruth; Fraser, Hamish SF (२०२१-०१-०१), "Modelling Prenatal Care Pathways at a Central Hospital in Zimbabwe", Health Services Insights (अङ्ग्रेजीमा) 14, आइएसएसएन 1178-6329, डिओआई:10.1177/11786329211062742, पिएमआइडी 34880627, पिएमसी 8647229।
|article-number=प्यारामिटर ग्रहण गरेन (सहायता) - ↑ "WHO recommendation on antenatal care contact schedules", WHO, World Health Organization, अन्तिम पहुँच जुलाई ३०, २०२०।[मृत कडी]
- 1 2 3 Dowswell, T; Carroli, G; Duley, L; Gates, S; Gülmezoglu, AM; Khan-Neelofur, D; Piaggio, G (१६ जुलाई २०१५), "Alternative versus standard packages of antenatal care for low-risk pregnancy.", The Cochrane Database of Systematic Reviews 2015 (7), डिओआई:10.1002/14651858.CD000934.pub3, पिएमआइडी 26184394, पिएमसी 7061257।
|article-number=प्यारामिटर ग्रहण गरेन (सहायता) - 1 2 Fallah, Ali; Mohammad-Hasani, Azadeh; Colagar, Abasalt Hosseinzadeh (२०१८), "Zinc is an Essential Element for Male Fertility: A Review of Zn Roles in Men's Health, Germination, Sperm Quality, and Fertilization", Journal of Reproduction & Infertility 19 (2): 69–81, आइएसएसएन 2228-5482, पिएमआइडी 30009140, पिएमसी 6010824।
- ↑ Freedman, Robert; Hunter, Sharon K.; Hoffman, M. Camille (जुलाई २०१८), "Prenatal Primary Prevention of Mental Illness by Micronutrient Supplements in Pregnancy", American Journal of Psychiatry 175 (7): 607–619, आइएसएसएन 0002-953X, डिओआई:10.1176/appi.ajp.2018.17070836, पिएमआइडी 29558816, पिएमसी 6984656।