बारा–२ उपनिर्वाचन, २०८०

वि. सं. २०८० बारा–२ उपनिर्वाचन

२०८० वैशाख १०
प्रतिनिधि सभाको बारा निर्वाचन क्षेत्र नं. २
मधेश प्रदेशमा बारा २
पदग्राही प्रतिनिधि सभा सदस्य राम सहाय यादव जसपा

वि.सं. २०८० वैशाख १० (तदनुसार २३ अप्रिल २०२३) मा नेपालको बारा निर्वाचन क्षेत्र नं. २ मा उपनिर्वाचन हुनेछ। वि.सं. २०७९ चैत्र ३ मा नेपालको उपराष्ट्रपति निर्वाचित भएका वर्तमान सदस्य राम सहाय प्रसाद यादवले उक्त सिट खाली गरेपछि उपनिर्वाचन हुन लागेको हो।

सो उपनिर्वाचन चितवन २ र बारा २ मा हुने उपनिर्वाचनसँगै हुनेछ।

पृष्ठभूमि

वि.सं. २०६४ मा मधेसी जनअधिकार फोरम, नेपालको समानुपातिक सूचीबाट निर्वाचित यादव वि.सं. २०७० मा भने पार्टीको सूचीमा परे पनि पुनः निर्वाचित भएनन्। त्यसपछि मजफोको उत्तराधिकारी पार्टी, संघीय समाजवादी फोरम, नेपाल बाट वि.सं. २०७४ मा बारा २ मा उम्मेदवारी दिंदै यादव विजयी भए। यादव शेरबहादुर देउवाको मन्त्रिपरिषद्मा वि.सं. २०७८ देखि २०७९ सम्म वन तथा वातावरण मन्त्री थिए। उनी वि.सं. २०७९ मा बारा २ बाट मात्र ३ सय ५४ मतको झिनो मतान्तरले पुनः निर्वाचित भएका थिए ।

यादव वि.सं. २०७९ को उपराष्ट्रपतिय निर्वाचनमा जनता समाजवादी पार्टी, नेपाल आवद्ध रहेको १० दलीय गठबन्धनका उम्मेदवार थिए र नेकपा (एमाले)की अष्टलक्ष्मी शाक्य र जनमत पार्टीकी ममता झालाई पराजित गर्दै वि.सं. २०७९ चैत्र ३ मा उपराष्ट्रपति निर्वाचित भएका थिए। उनले वि.सं २०७९ चैत्र ६ मा सांसद पदबाट राजीनामा दिंदै उपराष्ट्रपतिको रूपमा पदभार ग्रहण गरे।

२०७९ चुनावी परिणाम

उम्मेदवार		दल	मत	%
	राम सहाय यादव	जनता समाजवादी पार्टी, नेपाल	१३,८२२	21.68
	शिवचन्द्र प्रसाद कुशवाहा	नेकपा (माओवादी केन्द्र)	१३,४६८	21.13
	राम किशोर प्रसाद यादव	स्वतन्त्र	११,०४३	17.32
	रविन्द्रप्रसाद यादव	स्वतन्त्र	१०,७५०	16.86
	अरुणकुमार ज्ञवाली	स्वतन्त्र	७,६९८	12.08
	राजेश साह	जनमत पार्टी	२,७२५	4.28
	तेजबहादुर भगत	नागरिक उन्मुक्ति पार्टी	१,१११	1.74
	अन्य		३,१२५	4.90
जम्मा			६३,७४२	100.00
बहुमत			३५४
	जनता समाजवादी पार्टी, नेपाल जीत
स्रोत